شيفروليه اوبترا 2007 نصيحتكم عشان هيتخرب بيتى

**Mahmoud_optra** · 03-07-2014 11:02 AM

السلام عليكم

انا عايز نصيحتكم انا لسه جديد

انا اشتريت سيارة اوبترا 2007 من حوالى 4 شهور بس تقريبا اتضحك على فيها هى فابريكة برة وجوة والماكينة زى الفل بس كل يوم اغير حاجة
اولا لقيت الراديتير مخروم وغيرته
ثانيا روحت اعمل سيرفس صرفت 2000 جنية لان غيرت زيت فتيس وفلتر فتيس كانوا سيئين جدا وغيرت سيور ولقيت شداد الدينامو مكسور غيرته وللاسف كان الراجل مركب بتاع نوبيرا وانا جبت بتاعها الاصلى ولقيت طلمبة الباور معووجه وبتوقع السير غيرتلها طمبورة بس الراجل قالى الطلمبة كلها عايزة تتغير والطارة تقيلة جدا دلوقتى بس انا كنت خلصت الفلوس

حاليا فيها 2 مساعد امامى عايزين تغيير - طلمبة باور - عايزة كاست لان الراجل شال الكاسيت بتاعها وحاطط كاست معفن - المرايه الشمال عايزة تتغير

فى واحد صاحبى بيقولى تعالى نروح بورسعيد هو معاه افيو وبيروح يجيب حاجات استيراد ليها بيقولى هجبلك كل الحاجات دى استيراد ورخيصه

انا خايف من الاستيراد بصراحة وكنت عايز نصيحتكم

وفى رأى تانى ابيع السيارة واخلص منها واجيب جديد بس خايف اخسر فيها وبعدين انا مش معايا يكمل دلوقتى جديد

افيدونى وجزاكم الله خير

تم دمج الثلاث مواضيع فى موضوع واحد وذلك لتكرار المعنى
تم النقل للقسم المختص
م ب 3

**Mahmoud_optra** · 03-07-2014 11:06 AM

نسيت اقولكم كمان لوحة التحكم بتاعة التكييف بايظة بتشغله بس درجات لكن تبرد او تسخن او تتحكم فى دخول الهواء كل دا بايظ

**eslam.maghawry** · 03-07-2014 11:34 AM

قدر الله وما شاء فعل
انزل مع صحبك أحسن والاستيراد انا يعتبر مبجبش غيره بالذات من بورسعيد لأنه انضف من الجديد
الجديد يقولك أصلي والكارتونة على علامة gm وتلاقي القطعة شكلها غريب
هتجيب استيراد هتوفر وتجيب حاجة نضيفة

**AlGazar2** · 03-07-2014 11:40 AM

اسمع كلام صاحبك و هات الحاجات دى استيراد الا المساعدين

**أبو عاصم** · 03-07-2014 11:44 AM

أنا في رأيي بيع العربية، وشوف حاجة أفضل، والخسارة القريبة أفضل من المكسب البعيد، وطالما بدأت معاك بالصورة دي، يبقى الله أعلم بالمستخبي، وأنصحك تصلي صلاة استخارة قبل كده، وربنا يوفقك.

**diesel** · 03-07-2014 11:55 AM

هات الحاجه دى استيراد
وبعدين انت بتقول العربيه فابريقه بره و جوه - يبقى الحاجات دى كلها قطع غيار مقدور عليها
ومش لازم تجيبها كلها مره واحده

**Mahmoud_optra** · 03-07-2014 12:03 PM

شكرا على الرد
انا رأىى كده برضه بس خايف تصرف معايا كتير جوز المساعدين بتوعها ب 1000

**Mahmoud_optra** · 03-07-2014 12:09 PM

المشاركة الأصلية كتبت بواسطة أبو عاصم

أنا في رأيي بيع العربية، وشوف حاجة أفضل، والخسارة القريبة أفضل من المكسب البعيد، وطالما بدأت معاك بالصورة دي، يبقى الله أعلم بالمستخبي، وأنصحك تصلي صلاة استخارة قبل كده، وربنا يوفقك.

شكرا على الرد السريع
هى اوبترا كامله اوتوماتيك 2007 فبرقة بره وجوة كاوتش جديد سيرفس جديد بطاريه جديدة بس فيها شوية الشغل اللى قلت عليهم دى لو عايز ابيع تعرف تجيب فى حدود كام
ولو هجيب اجيب حاجة مستعمله ولا اجيب صنى مثلا جديد واحط تمن دى مقدم واقسط

**elpasha1** · 03-07-2014 12:12 PM

على مهلك وتاتا تاتا ومتستعجلش فى بيعها
هتظبط العبية وتبقى 100/100
انت شارى عربية مستعملة فلازم يكون فيها شوية مشاكل
لكن طقم السرفيس ( سيور - زيوت - فلاتر ) متحسبش من ضمن مصاريف العربية لان دى نظافة للعربية

**abou-yahia** · 03-07-2014 12:17 PM

متبعش طبعا

لان تقريبا الشغل اللي فاضل يرجع العربيه جديده

حتخليك تستمتع بيها صح

الموضوع: شيفروليه اوبترا 2007 نصيحتكم عشان هيتخرب بيتى

LinkBack

أدوات الموضوع

عرض

-

-

-

المواضيع المتشابهه

عايز ابيع ال gen2 وعايز نصيحتكم عشان تعبت :(

محتار اوى اشترى مستعمل وصيانتها تخرب بيتى ولا اشترى جديد وقسطها يخرب بيتى

محتاج نصيحتكم بسررررررررعة عشان ابقى ميجناوي بقى

محتاج نصيحتكم لتوكيل شيفروليه

الكلمات الدلالية لهذا الموضوع

المفضلات

المفضلات

ضوابط المشاركة