السلام عليكم
محتاج رأي خبراء ومجربين
وترتيب للسيارات دي من الافضل للاقل وذكر السبب
بريليانس v5
دايهاتسو تريوس
تيجو
داستر
جريت وال هوفر
ولو فيه حاجة افضل في نفس الفئة والسعر
ياريت ياجماعة ترتبوهوملي من حيث الافضل فيهم واللي تتحمل شغل كتير وتكون مريحة في معظم الامور .. وتقولولي سبب ترتيبكم ليهم واخطر العيوب في كل واحدة
تيجو منتشره وتوكيل محترم وشكلها الجديد حلو اوي / الداستر عربية حيوانة شغل بس شكلها مش حلو زي التيجو (مساله اختلاف اذواق ) بس كويسة جدا كتوكيل رينو محترم لازالت خامات التابلوه بلاستيك حتي ف الشكل الجديد / البرليانس عربية شيك واتوماتيك (ميزه ف صالحها لان مافيش اوتوماتيك ف التيجو والداستر ) وسقف بانوراما حاجة كده روعه وتوكيل البافارية بتاع البي ام محترم بس اسعارهم نار بس البريليانس عربيات محترمه جدا كخامات واداء بس مش منتشره زي التيجو والداستر بس هي احلي منهم بكتير / التيريوس اسوء حاجة تركبها بتمن عالي شكل قديم جدا كئيب وارتفاعها مع صغر قاعده العجلات مخلي ثباتها سئ وانا شايف ان حرام فيها قرش / الهوفر حلوة و فورباي فور بس مالهاش مسمار بره توكيلها ( ان كان أصلا توكيلها ناقص عنده قطع غيارها ) وبرده كحال اغلب الصيني ظهرت شوية وبعدين بخ اختفت مش زي البرليانس والاسبرانزا عربيات اثبتت نفسها
لو مش فارقة معاك المانيول يبقي داستر
برلانس v5 عربية جميلة واتوماتيك من الاخر مستوي عالي
طب يا جماعة كلامكم عن تجربة اكيدة ؟؟
لان التريوس يا باني اعتقد اعتمادية كدة هتبقى اكبر واعطال اقل وعمر طويل وكدة .. وانتوا على كلامكوا التيجو والهوفر والبريليانس الصيني بقى احلى منها ..
انا شفت فيديوهات جميلة جدا لقوة التريوس وثباتها .. هل البريليانس والتيجو والهوفر هيعيشوا معايا ؟؟
الداستر شكلها مش داخل دماغي قد كدة بصراحة
طبعا الداستر ! دة سؤال اصلا ! الداستر تطلع فوق البريليانس كدة وتنزل من عليها تانى !
اقتباس:
المشاركة الأصلية كتبت بواسطة me2sense
مع احترامي لجميع الآراء
بس ماتخدش برأي حد في عربية ميكونش امتلكها وقعدت معاه واتحط معاها في مواقف حقيقية - مش بس سمع عنها أو قرأ عن عيوبها من برة او ركبها مرة واحدة وبيحكم عليها بدون ما يتعود عليها
-في قسم الدايهاتسو استطلاع عن التريوس و 78% من ملاكها شايفنها كويسة من جيد الى جيد جدا الى ممتازة/ مقابل 10% مقبولة و 10% سيئة
-التقييمات عن العربية في المواقع الاجنبية بتقول انها احسن عربية في فئتها مقابل سعرها، وانها مفهاش مشاكل حقيقية... قد يعيبها البطء لو اتقارنت بغيرها والرفاهية جواها مش خمس نجوم
-عدم تغيير الشكل والتصميم من اكتر من 7 سنين ده دليل على انه تصميم مفهوش مشاكل وانها عربية مستقرة مع الشكل والتصميم ده وانها ملهاش عيوب معروفة تستدعي تعديل التصميم
- ياباني... الياباني لو فيه عيب واحد واحد أو مشكلة حقيقية في الأمان ولا التصميم ولا غيره العربية كانت اتسحبت من السوق والموديل اللي بعده تصميمه اتغير والخلل اتعالج... بس ده محصلش للتريوس من 7 سنين بعكس عربيات تانية تصميمها بيختلف من سنة لسنة لاسباب قد لاتكون كلها لمجرد التغيير
- اي عربية عالية ثباتها بيقل على السرعات المبالغ فيها، لان مركز الثقل بتاعها بيعلى عن الأرض، ومش كل الناس محتاجة تجري على الصحراوي بأعلى من 150 كم/ ساعة... انا شخصيا شايف ان عدم الحك في المطبات والحفر والأضرار اللي بتترتب على كده اولى من الجري الجنوني في طرق مصر، واللي هي حاجة اصلا ما ينفعش تعملها في شوارع المحروسة المليئة بالمفاجآت حتى لو راكب بورش ولا فراري... ربنا يحفظنا جميعا من شر الحوادث بصفة عامة وحوادث السرعة خصوصا
ومرة أخرى بحترم كل الآراء المختلفة معايا، وتقبل تحياتي..
داستر
رأي صائباقتباس:
المشاركة الأصلية كتبت بواسطة ashouhdy
مانوال : داستر
أوتوماتيك : تيريوس
والله أعلم
الداستر حماره شغل
من الأخر كدة لو مش فارق معاك مانيوال هات داستر طبعا و لو عايز أوتو يبقي بريليانس
الجريت وول اخبارها ايه وفين ملاكها عايز تقرير عنها بليييييييييز
أنا رأيي لو حضرتك عايز عربية تستحملك فعلا... يبقى التريوس
كفاية إن العربية ياباني... وخارجة من مجموعة تويوتا.. أشهر صانع للعربيات الـ4×4 في العالم وأكتر سيارات اعتمادية في العالم.
الداستر (مع احترامي لكل مشجعيها) طلعت ولا نزلت أصلها "داتشيا".. يعني روماني وليست فرنسي... ولو قلت إنها معمولة بتكنولوجيا رينو يبقى ده أدعى إنك تطلعها من دماغك.. لإن الرينو والعربيات الفرنسية أصلا مليانة أعطال .. وتعتبر الأسوأ على مستوى العالم من ناحية الماركات المشهورة.
ده مش كلامي.. دي إحصائيات عالمية.
بالعكس... أنا شايف الداستر أقلهم.. مش أحسنهم.
الباقيين صيني.. فيهم كلام لحد دلوقتي... ولو عايز مقارنة أعتقد إن البريليانس أفضل
...