افتراضي وللمناقشة:هتعمل ايه لو حد حك في العربية؟

السلام عليكم ورحمة الله وبركاتة
كل عام وانتم بخير
لنفرض مثلا ان في حد حك في الرفرف والاكصدام، ايه رد في الحالات دي:
١-حكة خفيفة عملت قشرتين تلاتة مع شوية لون من العربية التانية، بس مش واضحة أوي عشان لون العربيةغامق-او واضحة عشان لون العربية فاتح
٢-حكة متوسطة عملت قشور متوسطة تشوفها من بعيد بس مش سيئة اوي
٣-حكة كبيرة في الاكصدام وغيره
ايه رد فعلك في كل حالة،والاهم لو الراجل الذي تسبب في الخدوش اعتذر هل تسامحه؟وهل فعلا هتكون راضي عن حقك؟
ولو انت السيب هتعمل ايه؟
ارجوكم يا جماعة تكتبوا رأيكم في الموضوع ده

غالبا بتبقى مشادات كلامية لو كل واحد صمم انة صح والتانى غلط وبتنتهى على مفيش لانك هتلاقى الناس بتتدخل وبتقول انها حاجة بسيطة ومش مستاهلة وكلام من دة

اقتباس:

---

المشاركة الأصلية كتبت بواسطة zarif

غالبا بتبقى مشادات كلامية لو كل واحد صمم انة صح والتانى غلط وبتنتهى على مفيش لانك هتلاقى الناس بتتدخل وبتقول انها حاجة بسيطة ومش مستاهلة وكلام من دة

---

فعلا ده اللي بيحصل غالبا
لكن هلا حضرتك بتبقى ماشي راضي؟ولا مش مسامح؟

تحياتي

حكة خفيفة جداً أو حتى دغنت الصاج دغنة خفيفة أو حتى كبيرة بس غير مؤثرة على أداء الجزء دا
لو هو السبب بنزل و مشادة كلامية ولو لاقيتو قليل الأدب بظرفو محضر
والمحضر دا بيتحط ف ملف عربيتو ومش هيرخص غير لما انت تتنازل عن المحضر أو ان المعاينة تثبت عكس كلامك
.
.
لو خبطة جامدة جابت فانوس اكسدام صاج
لو أنا هنزل و أشوف ال أدامي عايز مني إيه و أنفذو لأني أنا ال غلطان ومحبش أزعل كدا فا مش بزعل حد
أما بأه لو هو ال غلطان
بنزل أتفاهم معاه يصلحها لأني مش أنا السبب
ولو طلع بجح بظرفوا نفس المحضر

لو حاسس انه غصب عنه بمشى وانا مسامح الواحد كدة كدة حاطط ميزانية للحاجات دى وبيقول من باب "والكاظمين الغيظ والعافين عن الناس والله يحب المحسنين"

لو حد واخدها بلطجة و الحكة نتيجة استهبال منه مش فقد الكنترول عالعربية او حتى التركيز .... بسيبه بردو بس بدعى عليه لأنى مش هقف اتخانق مع بلطجية ومراتى معايا والاولاد لكن بدعى عليه ومش بسامحه

لو حد محترم والله مش بكلمه ...ساعات تلاقى واحد محترم كدة ونازل مكسوف جدا وبيعتذر (مع انه حقى اطالبه بتعويض لكن مش بعمل كدة) بسلم عليه و امشى

فى التلات حالات لو قال انه غلطان او اتأسف اكيد مش هاخد منه حاجه و هكون مسامح فى حقى و حصلت كتير قبل كدا ..... لكن لو تنح مش هسيبه غير لما يقول يقر انه غلطان و اقوله صلحها على حسابك بس فى الاخرمش هاخد منه حاجه و حصلت قبل كدا برضه ...معرفش ليه مبحبش اخد عوض من حد مع انه حقي ! :majd(4):

وربنا يسترها معانا و معاكو:ask:

لو الراجل اعتذر خلاص مابتكلمشى حتى لو كان غلطان - و طبعا مش بقبل عوض فى جميع الاحوال
و حتى لو ما اعتذرشى كبيرى ابرطم بكلمتين و زعيق و خلاص و للاسف مش بعمل محضر و لا الكلام ده لعدم ثقتى فى الشرطه و اقتناعى انها بهدله على الفاضى

انا قبل كده بالعربيه القديمه واحده ست سايقه ميكروباص خبطتنى فى تقاطع و بدل ماتقف خافت و فضلت تدوس بنزين (كنت سامع صوت البنزين و هو بيعلى) و هى بتزقنى قدامها لغايه لما لبستنى فى عربيه راكنه !!!!!!
وبعد ده كله نازله تزعق و تقولى انى غلطان

بارك الله فيكم جميعا
وجُزيتم خيرا ع مسامحتكم

اقتباس:

---

المشاركة الأصلية كتبت بواسطة محمود حسن

فعلا ده اللي بيحصل غالبا
لكن هلا حضرتك بتبقى ماشي راضي؟ولا مش مسامح؟

تحياتي

---

انا عن نفسى بعتبر الجسم الخارجى بتاع العربية دة ملك للشارع ولعامة الناس
فتلاقى عربيتى مليانة تجريح وخرابيش والاكصدام بيصرخ

وبالنسبة لى عشان عربيتى لونها اسود فعلبة اسبراى ب6 ج وعلبة ورنيش ب6 برضو بتقوم بالليلة كلها

ولانى عارف طبيعة الشعب المصرى فلما بتحك سواء كنت غلطان او التانى غلطان انا عارف انها هتخلص على مشادات كلامية فى الغالب

وبالنسبة لسؤالك راضى ولا مش مسامح هيا بتبقى العكننة بتاعة نص ساعة وبعد كدة الواحد بينسى ويكبر دماغة

لو معترف انه غلطان واعتذر
هسامح اكيد

لو طلع محترم و اعتذر مش مشكلة لو في حالة ان اللي حصل غصب عنه
انما هو غلطان و بعد كدة قل ادبه و لا حاول يستهبل هيتهزق شوية و خلاص لاني مش هاخد منه حاجة