كنت عايز اعرف فين معارض بيع الباركيه و ورق الحائط
و الانواع و الاسعار
ساعدوني بخبراتكو لو سمحتو
و شكرا
عرض للطباعة
كنت عايز اعرف فين معارض بيع الباركيه و ورق الحائط
و الانواع و الاسعار
ساعدوني بخبراتكو لو سمحتو
و شكرا
بص يا سيدي
بما ان انا لفيت وبصيت واتفرجت ودورت
وعامل في شقتي باركيه..
1. لو عايز واحد بتاع باركيه ممتاز...
اديلك نمرة واحد.. ممتاز
أو عندك شركه المهندس في مكرم عبيد... سمعتهم كويسه
عموما مكرم عبيد فيه محلات كتير بتاعت باركيه
2.ورق الحائط...
في محلات الدهانات والديكور زي يوتين وداري وكيماويات البناء الحديث
بس غالي نار
الدهان العادي أوفر
الف شكر ليك و يا ريت نمرته
و لو قدرت توضحلي الانواع و جودتها
و بالنسبه لورق الحائط فهو مش ليه بس واحد كان بيسألني
و لو معلومات عن سعره مقارنه بالدهان يبقي كتر الف خيرك
بص بالنسبه للباركيه في 3 انواع على حد علمي... ولو في هنا مهندس يفيدك اكتر
. اول نوع: اللي هو Hdf
وده بيتعمل على بلاط ... وبيتحط بعد كده فوم وبيتركب عاشق ومعشوق
ميزته:
اشكال كتييير جدا والوان واشكاله جميله جدا
عيوبه: العمر الافتراضي قصير
لازم يتعمل الاول على بلاط
يعني لازم هاتشتري بلاط واسمنت ورمله ...
يعني تكلفته عاليه
2. باركيه الالواح الموسكي المسمار:
-وده بيتعمل علفة على الارض الاول وبعد كده بيركب عليها الباركيه بالمسمار
-في رأيي ان ده افضل الانواع واحسنها وأمتنها
ميزنه: عمره طويل
ممكت تدهنه بأي لون انت عايزه لانه في الاصل خشب ابيض
وممكن في المستقبل تقشطه وتغير لونه
متين
بيعطيك دفيء في الشتا
عيوبه:
-لازم يتعمل باتقان عالي والا هاتسمع صوت زقزقه كل ما تدوس علىه
-لو مياه وقعت عليه بيبوظ(ده عيب الباركيه كله عموما)
3. باركيه الدوكش الصغير وده غالبا بيكون خشب ارو
وده أغلى الانواع ومعنديش عنه فكره اوي
طيب الباركيه سعر المتر كام ؟
والله الكلام ده والباركيه انا كنت عامله في شهر 4
بالنسبه للألواح الموسكي سعرها ساعتها كان حوالي 150 ج للمتر
-وال hdf حوالي 110 ج تقريبا ( يىجد صيني والماني) والصيني كان بحوالي 70 او 80
- الباركيه الصغير تقريبا كان بحوالي 180 متر وكان بيبقى لزق
بس هو غالي عشان ارو
طيب ممكن نمره الراجل بتاع الباركيه
وهل ده محل و لا تركيب بس؟
طيب ايه اللى احلى فى ال reception الرخام ولا الباركيه ولا البروسلين ؟؟
انا معرفش عن الباركيه يا باشا بس ادلك عن الورق حائط :
يوجد ورق حائط و يكون ابيض فينيل و يتم الدهان عليه و سعر المتر يتراوح بين 16 الى 18 جنيه للمتر بدون دهان او مادة اللزق و المصنعيه
و يوجد ورق جاهز ملون يكون بالرول رول الورق يبدأ من 180 جنيه الى ما شاء الله كتير اوى و هو يكون اقوى و قابليته للخدش اعلى من الورق الفينيل الذى يدهن بس شكله جامد موت و الورق عامة ديكور عالى و جامد و لو عاوز اصحاب محلات ديكورات و توكيلات للورق انا ممكن افيدك اديك عنواين و ممكن اوصى عليك كمان
اى خدمه عينيا ليك يا باشا انا ليا علاقات لان ده فى مجال شغلى