كان الاستاذ ياريس مره علق علي موضوع كان واحد بيسأل فيه عن الجواز و قاله ان الاخلاق و الاشكال بتاعه البنات مضروبه اليومين دول و ده اللخ حضرتك بتوصفه الالتزام اللي انت شايفه ده مظهري لكن الاخلاق زفت الرفت ربنا يعافينا جميعا
عرض للطباعة
كان الاستاذ ياريس مره علق علي موضوع كان واحد بيسأل فيه عن الجواز و قاله ان الاخلاق و الاشكال بتاعه البنات مضروبه اليومين دول و ده اللخ حضرتك بتوصفه الالتزام اللي انت شايفه ده مظهري لكن الاخلاق زفت الرفت ربنا يعافينا جميعا
صدقني مش ده اللى يضايق .. في حاجات تانية اسوأ بكتير وتستاهل انك تضايق بسببها اكتر (العلاقات الجنسية الحرام)
كتير من البنات عندي فى الشغل بيشربروا سجاير من باب المنظره + صاحبتها او صاحبها ومش هتكسفه + تثبت للناس انها جريئة ومعندهاش حدود في اي حاجة وعايشة حياتها زي ما هيا عايزاها
نفسي افهم ايه الاستفادة اللى بيحسها المدخن (استفادة مادية او معنوية او احساس حتى) وهو بيشرب السيجارة
لازم نكون متفقين ان البنات. عبارة عن انسان بتتأثر بكل الي بيشوفوه ... تعالوا كده شوفوا المسلسلات كل مسلسل. فيهم من اول سرايا عبدين وازاي الخدمات في القصر بيخمسوا في سجارة ... لمسلسل ابن حلال البت. الي لابسة ومش لابسة دي لمن راحت هيا وصحبتها تشتكيلها ان امها قافشة عليها وصاحبتها مديالها سجاير لف (( يعني فيها مخدرات )) وكل مسلسل وفيلم على هذا الحال .... وتحس انهم متفقين. انهم يسوقوا لموضوع التدخين للبنات كأنهم بيهيئوا المجتمع على تقبل تدخين البنات ... اه ان بقول من زمان وفي تدخين للحريم بس كانوا بيداروا يعني متلاقيش وحده واقفه جمبك في اشارة المرور وقاعدة. تعفر ... او واقفه هيا وصاحبتها تخمس في سجارة كيلو بترا ... او تعدي عليك بت مفعوصة وتقلك والنبي ملقيش معاك ولاعه او كبريت علشان الولاعه معايه مش عارفه جارلها ايه مش راضية تولع :) ... الموضوع هنا مش خطر عامةً لكن بيرجع الى درجة حياء المجتمع .
لكن الخطورة لمن ألاقي أطفال ١٠ سنين قاعدين على الرصيف. بيدخنوا صدقوني هنا بقه بيتحرق دمي جداااااً ... بس ازاي اقدر الومهم والتلفزيون بيصور لهم حتى ان الحشيش والحشاشين اشخاص كوميدين. والحشاش دايماً القعده معاه بتبقى لزيزة. وفاني ومبيتشبعش منها ... والحشاش بيقول نكت وحكم ... حتى خش على الفيس بوك واكتب حشاش. في مربع السيرش هيطلعلك كل صفحات النكت الي في الدنيا !!!! لذلك انا نفسي يكون في حملة اسمها # أوقفوا دعايا التدخين قي مسلسلاتنا . # واحذفوا مشاهد الحشاشين والمدخنين # احذفوا مشاهد الشيش من افلامنا وبلاشيشة عنب بلا شيشة بطيييييييخ متعلموش عيالنا السفالة وقلت الادب لعل وعسى ربنا يتوب علينا ويرحمنا ويخلي في امل في جيل بكرة ... وتحياتي
انا كتير بشوف بنات قاعده مع اهلهم من ابوها و امها او جوزها و عيالها
و عماله تشد في ام حجر الشيشه عادي قدامهم و هما اكيد فرحانين بيها
حسبى الله ونعم الوكيل
لا يوجد لهن رجال
خليها تشد ماهو خلاص الاخلاق راحت وخلصت الحكايه
ربنا يستر علي بناتنا
(ده عنوان الموضوع) فتيات محجاب محترمات يشربن الشيشه في رمضان (ده عيب في بلدنا)
في حاجه عاوز اضيفها
شباب محترم يشربون الشيشة في رمضان (ده مش عيب في بلدنا)
هههههههههههههه بلدنا غريبه يا آخي