البيعة باظت واحنا بنكتب العقد

السلام عليكم
انا ياجماعة بدور على عربية ماتريكس بقالى حوالى شهرين
والحمد لله ربنا كرمنى من أسبوع ولاقيت عربية حلوة جداًً.. جداً .. جداً
مع واحد صاحبى وبسعر حلو جداً.. جداً.. جداً
وانا صليت استخارة حوالى 3 مرات
والحمد لله اتفقنا النهاردة بعد صلاة العصر , واتفقت معاه اجيب الفلوس واستلم
العربية بعد صلاة التراويح , المهم روحت بالفلوس لاقيت صاحبى بيعنزرة عن البيع
وبيقولى الموضوع عامل مشكلة عندخ فى البيت مع والده ووالدته
والبيعة باظت طبعاً اتا اديقت جداً , وقولتله حصل خير
دة ياجماعة سوء حظ , ولا أنا مليش نصيب فى العربية
ولا دة ممكن يكون أية
العربية بعد الكشف عند الميكانيكى ممتازة وسعرها حلو جداً

هو حضرتك استخرت ليه؟
نتيجة الاستخاره هي تيسر الامر... فان لم يتيسر الامر فان الخير في غيره حتما واستغرب منك انك تزعل لان ربنا كتبلك الخير في عربيه تانيه

و عليكم السلام و رحمة الله و بركاته
ربنا يعوض عليك بأفضل منها
و متزعلش نفسك هاتلاقي الأحسن منها ..و لا سوء حظ و لا حاجه أنت متعرفش ربنا منع عنك أيه من العربيه دي ... متحسبهاش حسبة بني أدم .. أمال صليت أستخاره ليه , و هي أستخارة واحدة بتدبر و تتوكل علي الله
مش آخر ماتريكس في الدنيا
ملاحظة : بعد كده عود نفسك متكشفش علي عربيات عند ميكانيكي .... أطلع علي التوكيل و جرب العربيه بنفسك و جرب كمالياتها
بالتوفيق

ربنا ح يدبرلك الاحسن ان شاءالله

انا اللى مزعلنى سعرها كان حلو جداً , وموديل 2010

قال تعالى فى كتابه العزيز " وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ" صدق الله العظيم -
لو اطلعتم على الغيب لرضيتم بالواقع--------------- أكيد ربنا شايل لك الاحسن

هي كانت بكام؟

اكيد ربنا ان شاء الله هايكرمك بأحسن منها

جايز كنت هتعمل بيها حادثة وربنا أبعد عنك شرها نتيجة الاستخارة

الحمد الله على كل حال **اقدر اقولك مش حيصيبك الا نصيبك***

اقتباس:

---

المشاركة الأصلية كتبت بواسطة أبو يوسف

انا اللى مزعلنى سعرها كان حلو جداً , وموديل 2010

---

هو ده السبب اللي خلاه يرجع في البيع عشان ح يعمل مشاكل في العائلة

عادى محصلش نصيب و خيرها فى غيرها و متعرفش ربنا شيلك اية

ياما حصلت معانا قبل كدة بس سبحان العاطى الوهاب كل مرة ربنا كل بيرزق بأحسن منها وارخص وان شاء الله ربنا هيعوضك

ان شاء الله ربنا هيرزقك بواحدة احسن منها بدام اتوكلت على الله

سبحان الله .. نفس اللى حصل مع واحد صاحبي .. اتفق على عربية وجربنا وكانت عاجباه وهيموت عليها .. خصوصا انه كان هياخدها تقسيط كمان .. يعني عربية حلوة وهيشتريها مرتاح .. البيعة وقفت قبلها بيوم واحد بس

وبعدها باسبوع تقريبا الراجل كلمه علشان يبيع العربية وقاله خلاص انا مستعد .. كان صاحبي هو اللى بيرفض

عارف ليه؟؟

العربية مانيوال .. في الاسبوع اللى وقفت فيه البيعة ده .. حد عنده كان مسافر وسابله عربيته المانيوال كام يوم .. و شاف العذاب بسبب الزحمة وتعب جدا من المانيوال .. فلما الراجل صاحب العربية كلمه علشان يبيع .. قاله ابدا مش هشتري مانيوال

بالمناسبة .. صاحبي كان مضايق جدا بسبب ان البيعة وقفت قبلها بيوم .. ودلوقتى بيحمد ربنا انها وقفت

لا تقلق .. الاستخارة لا تأتي الا بالخير .. وقضاء ربنا لا يأتي الا بالخير .. حتى لو اللى انت شايفه دلوقتى قدامك شر

الشرااا دة نصيييييييييب وارزااق
ان شاء الله تجيب احلي منها
هيا كانت موديل كاام وبكاااام ؟

العربية ماتريكس موديل 2010 الشكل الجديد
مانيوال
عاملة 57 ألف كيلو
السعر 70 ألف جنية
صيانة بالتوكيل

انت ماتعرفش الخير فين
لاتحزن علي ما فاتك

القادم افضل ان شاء الله
متزعلش لانها مش نصيبك

متزعلش اكيد ماليكش خير فيها

والله أنا راضى جداً ,,, الحمد لله
هو المشكلة أن سعر العربيات اليومين دول غالى جداً
وحالتها مش حلو
وصعب تلاقى عربية حالتها حلوة بسعر كويس
الحمد لله

والله أنا راضى جداً ,,, الحمد لله

احسن كلام تقوله

ربنا يعوضك بالافضل منها