حل نهائي لمشكله رعشه الكهربا في السيراتو بأذن الله

**khaledazizeg** · 04-07-2014 10:26 AM

السلام عليكم ورحمه الله وبركاته
انا ليا الشرف اني منضم ليكم في هذا القسم في المنتدي
انا كنت لسه جايب عربيه سيراتو كوبيه وفي مشكله كانت عندي وهيا رعشه في الكهربا وانوار التابلوه ولما ادوس فرامل ساعات صوت الكاسيت يفصل
المهم سمعت ناس كتيره بتقولك بوجيهات وحاجات كتيره وساعات بطاريه جبت بطاريه عربيه والدي ونفس المشكله المهم وانا بعمل search علي النت لاقيت واحد بيقول ان ديه مشكله بتكون فى الضفيره وبتكون عايزه تقويه المهم دحت فعلا عند عسكر الكهربائي في الحرفيين (هوا راجل تنك اوي في كلامه ومابيعرفش حتي يبتسم دا كبير الاسطوات هناك) بس بصراحه شغله نضيف جدا ومعلم بصراحه فكولي جزء من الضفيره وطبعا قلبي كان في رجلي صالمهم جبت اسلاك وتوصيلات بحوالي ٦٠ جنيه وعملي التعديل وخلا مش باين بصراحه وتقفيل نضيف وبعد كده ركب الضفيره وبسم الله ماشاء الله حسيت بفرق كبير جدااااااااااا ف اداء العربيه والمشكله اتحلت والحمد لله ودفعت كله بالمصنعيه وقطع الغيار وعرق الرجاله ٣٤٠ جنيه انا قولت اما انصح الناس عشان لو حد عنده المشكله ديه يحلها بأذن الله

**khaledazizeg** · 05-07-2014 11:57 AM

انا عامتا هجرب لاطول فتره ممكنه ان شاء الله بس انا من ساعت اما عملتها مشيت بيها ٥٠٠ كيلو تقريبا والعربيه بسم الله ماشاء الله فرقت معايا وانا فعلا كنت متخوف جدا من الي اتعمل في العربيه بس الحمد لله

**moha4tec** · 08-07-2014 04:16 PM

السلام عليكم
انا رحت لعسكر مع صحبى كان عمله زيك تقوية للارضى .
و فرقت مع صحبى فعلا
و لكنى لما رحت له مفرقتش معايا الهوا
رحتله تانى رفض يشتغل فى العربيه و اتكلم بطريقه وحشه .
بصراحه خساره فيه الفلوس و الكلام معاه خساره .
و اصلا انا عملت الشغل بتاعك ب 150 و مش 340 .كده بقى كتير جدا جدا جدا
دا حيله سلك 10 ملى فقط لا غير
انت ممكن تعمل شىء افضل
انك تعمل ضفيره جديده للجزء ده عموله فى مصنع بيعمل ضفاير العر بيات الالمانى و هتبقى افضل 100 الف مره
و الله اعلم

**khaledazizeg** · 09-07-2014 06:41 PM

المشاركة الأصلية كتبت بواسطة moha4tec

السلام عليكم
انا رحت لعسكر مع صحبى كان عمله زيك تقوية للارضى .
و فرقت مع صحبى فعلا
و لكنى لما رحت له مفرقتش معايا الهوا
رحتله تانى رفض يشتغل فى العربيه و اتكلم بطريقه وحشه .
بصراحه خساره فيه الفلوس و الكلام معاه خساره .
و اصلا انا عملت الشغل بتاعك ب 150 و مش 340 .كده بقى كتير جدا جدا جدا
دا حيله سلك 10 ملى فقط لا غير
انت ممكن تعمل شىء افضل
انك تعمل ضفيره جديده للجزء ده عموله فى مصنع بيعمل ضفاير العر بيات الالمانى و هتبقى افضل 100 الف مره
و الله اعلم

هوا بصراحه معملته زفت بس انا كان المهم عندي تتحل المشكله بس انا مش حاسبته غير لما جربت