حد يفيدنى لان فرق السعر مش كبير
عرض للطباعة
حد يفيدنى لان فرق السعر مش كبير
Tida
C4 طبعا
تيدا طبعا
هى الناس ليه بتقول طبعا من غير اسباب !!!!
الراجل داخل يسال عشان الاسباب اللى تميز عربية عن التانية مش عشان طبعا و تفضيلات شخصية
انا مسوقتش لا دى ولا دى مجرد اتفرجت عليهم و ركبتهم فى المعرض , شخصيا بفضل ركوبة الـ c4
انا شايف الاتنين مش منتشرين اسال على قطع غيار كل واحدة فيهم الاول
و نصيحة متسمعش كلام عن اى توكيل فيهم الا من خلال حد اتعامل مع التوكيل مش حد سمع
تحياتى
بالتوفيق فى الاختيار
من قال طبعا من غير اسباب
قطع غيار تيدا متوفره اكتر…
صيانتها اسهل
توكيلها افضل
فتيسها بلا منافس في نفس الفئه
اما النعومه والهدوء في الصالون لما يجربها يشوف بنفسه
موتور التيدا تكنولوجيا الافضل والانعم والاقوي… وبينزلوه في عربيات اكبر منها ( اعتقد القاشقاي ..مش متاكد ) فتخيل علي عربيه زي التيدا هيكون ايه
دا لا يعيب في الستروين
لاكن مش بتاعه مصر
احييك على تفكيرك في ال c4 عربية تحفة بكل المقايس
ومفيش مقارنة بينها وبين التيدا ولا في اداء ولا في تقفيل وخامات ولا في بريستيج .. اعتقد انها نازلة ب esp وده بعيداً عن التيدا
قطع الغيار تقريباً نفس السعر لان ال2 نازلين شكل جديد وان كانت ال c4 نازلة من فترة وقطع غيارها ممكن تبقى اغلى .. بس منتشرتش ومشوفتهاش في الشارع وده يديك تميز وانت ماشي
طبعا التوكيل بلا شك احسن للتيدا لاني مجرب عز العرب .. بس في الحالات القصوى لاقدر الله التوكيلات بتعمل من بنها
[quote=trise2;3875650271
صيانتها اسهل
[/quote]
مجرد استفسار , يعنى ايه صيانتها اسهل ؟؟
بما ان الصيانة هتكون فى التوكيل يبقى مفيش واحدة اسهل من التانية و واحدة اصعب و اكيد مش هتكون عربية 2014 و اروح لميكانيكى و لو ده حصل فا برضو هيبقى مفيش واحدة اسهل و واجدة اصعب !!!
ده لو انا فهمت كلام حضرتك صح
على فكرة عز العرب مع بروتون حمادة و مع سيتروين حمادة تانى خااالص
سواء فى الادارة او المهندسين او خدمة العملاء
بسم الله الرحمن الرحيم
الأخ الفاضل bkakadsa
أشارك زملائى الذين يرون أنه لا يمكن عقد مقارنه بين ال C4 و التيدا لأن C4 هى الأفضل بما لا يسمح حتى لعقد مقارنه.
1 - فخامة و رفاهية C4 لا يمكن أن تقارن بالتيدا
2 - للأمانه أنا لم أجرب عز العرب بشكل مباشر و لكن قريب لى يمتلك سيتروين بضمان عز العرب و لم يشكو منه
3 - فى ذات الوقت أنا تعاملت مع مودرن موتورز و إنتهى الأمر بأن حررت محاضر ضد الشركه بل وصل الأمر إلى أننى كنت على وشك طلب شرطة النجده لتأتى إلى مركز الصيانه
4 - لو أكرمك الله بقياده تجريبيه لكل منهما ستعرف الفرق بنفسك بدون الحاجه حتى للسؤال
هداك الله لأرشد أمرك و أقومه
السلام عليكم و رحمة الله و بركاته