-
مساعدة في رفرف الماروتي
السلام عليكم
عضو جديد ودي أول مشاركة ليّا ، ماشاء الله المنتدى استفدت منه كتير اليومين اللي فاتوا دول وفيه معلومات رهيبة ... جزاكم الله خيراً .
العربية بتاعتي (ماروتي 2011) عملت بيها خبطة ومحتاج أغير كبوت والرفرف الشمال ، المهم جيبتهم من عند ميدو الكنج اللي في التوفيقية ،الكبوت طلع تمام بس السمكري بيقولي الرفرف كبير سنتي عن مكانه ... أنا بصراحة مستغرب .
حد عنده اقتراح اجيب رفرف بداله منين ؟!! ... ولا العيب من السمكري ؟!!
-
بسم الله الرحمن الرحيم
الأخ الفاضل إسماعيل
قدر الله و ماشاء فعل و الحمد لله أنك سليم معافى.
يستطيع السمكرى ضبط الرفرف ضبطآ دقيقآ و لكن سيظل منظر السياره غير مريح للعين. أمامك حل من إثنين:
1 - التوجه إلى حسين السمكرى فى الحرفيين (عن تجربه سمكرى ممتاز) محمول 01228303331
إن أخبرك حسين بأن الرفرف الجديد معيوب و لايمكن ضبطه ضبطآ دقيقآ أو أم منظر السياره سيكون غير مريح فإلجأ للحل الثانى
2 - توجه إلى مركز صيانة مودرن موتورز فرع الهايكستب (هذا الحل هو الأعلى تكلفه و لكنه قد يكون آخر أمل لعودة السياره لشكلها الطبيعى)
وفقك الله لأرشد أمرك
السلام عليكم و رحمة الله و بركاته
-
ألف شكر وجزاك الله خيراً ... أنا جيبت رفرف تايواني وهشوف السمكري هيقولي عليه ايه النهاردة .
-
الرفرف التايواني طلع مظبوط الحمدلله وعشرة على عشرة.
وفيه فرق رهيب لاحظته في وزن وتماسك الصاج عن الهندي ...
.
المفروض محدش يجيب هندي ولا صيني ... مقاساته مش مظبوطة وخامته سيئة جداً.
Content Relevant URLs by
vBSEO 3.6.0 PL2