ما فائدة الكارت الذكى للبنزين وهل يكون البنزين غالي ولي هيكون مدعم
عرض للطباعة
ما فائدة الكارت الذكى للبنزين وهل يكون البنزين غالي ولي هيكون مدعم
فائدته حتى الان انه كارت زكى قدر يسحب 20 جنيه من كل مواطن عايز الكارت بزكاء
ولا لية 30 لزمه
يعني علي كدا مش ممكن يكون زي منظومه العيش الجديده
رمضان كريم كريم يا أستاذ أحمد، و الله أنا هقول حاجة الاول و إن البنزين لازم يغلى عشان هو تكلفته على الدولة كبيرة و بتديهلنة مدعم و دة بياخد نسبة كبيرة من ميزانية الدولة و أخر مرة غلي في 2008 يعني من حوالي ست سنين...و مش معقول يعني نكون بنستورد البنزين و آسف يعني بنشحته من الدول إلي حوالينا و في الآخر لتر البنزين يكون تمنه أقل من زجاجة المياه المعبأة؟ عن نفسي معلوماتي محدودة بس أقل حاجة إن البنزين الاجانب ميخدوش بنزين مدعم.... أنا آسف بس المواطن المصري صاحب البلد محتاج... يبقى الاجنبي لو مش عاجبه يرجع بلده. البنزين في لبنان تمنو (كل لتر) من الناس إلي سافرت هناك حوالي ما يوازي 10 جنيه و في تركيا حوالي 16 جنيه! فلو هو أنا بحط مثلاً في عربيتي اللانوس ب-70 جنيه في الاسبوع مهتذدش الدنيا لو حطيط ب-100 في سبيل إن الدولة تحفظ مواردها و توجها للتعليم و الصحة. المشكلة مش في 100 جنيه تندفع زيادة من كل أسرة المشكلة في جشع التجار أنا سامع إن الدولة عاوزة تخصص كمية شهرية لكل سيارة على الكارت و ما يزيد عن كدة يكون بسعر أغلى، الاسعار معرفش عنها حاجة بس إلي سمعو إن كل لتر وقود هيزيد في حدود 50 قرش و ده يشمل كل أنواع البنزين و السولار. و إلي عند معلومة من زميلنا يا ريت مايبخلش علينا بيها. بس برد إلي مهم إن الدولة توفر اتوبيسات و وسائل مواصلات آدمية، نضيفة و مكيفة بسعر يراعي حالة معظم الناس التعبانة.... و ربنا يعمل الصالح.
الموضوع مش كدا زياده البنزين تؤدي أي زياده المواصلات وبكدا كل حاجه تغلي
فائدة الكارت انهم اخدوا فلوس بس كدة
البنزين في مصر سعره اقل من بره طبعا ولكن احنا عندنا دخل الفرد ضايع مش بس كدا احنا عندنا اسعار العربيات نفسها اكتر من بره بمراحل وسعر قطع الغيار كمان غير ان استهلاكنا للبنزين عالي بسبب ان العربيات قديمه وسيئة لغلو اسعارها وطبعا مفيش طرق فا المفروض لما يحلوا كل ده يبقوا يغلوا سعر البنزين في الاخر لان ده هيبهدل كل السلع وهيزود اسعارها والناس اصلا مش لاقياها
حوار دعم البنزين ده كدبه كبيره اوي علشان انت بتدفع جمارك على العربيه ما يعادل 60 % تقريبا من سعر السياره يعني لو العربيه 100 الف انت بتدفع عليها جمارك 60 الف جنيه ثانيا في ضريبه على السياره كل سنه و بتتحدد على حساب حجم المحرك ليه علشان استهلاك البنزين و ده ليه علشان يغطي دعم البنزين و زياده و كمان لما المواد البتروليه سعرها زاد تفتكر سعر ضريه السياره عليت علينا كتير في 2000 موش فاكر بس من فتره طويل يعني ......... يبقى هل الدوله بتدعم النزين ولا لا
ربنا يعديها علي خير ويهديهم علينا والدول الاخره المواطن واخد حقه 100/100
260 قرش لتر بنزين 92
180 قرش لتر سولار
كارت البنزين قالوا حيحددوا الكميات عليه في المرحلة اللي جايه حتي بعد زيادة سعر البنزين
الاسعار اللي حطها الاستاذشيكو مظبوطة وال٨٠ ب ١.٦٠ قرش والغازب ١.١٠
الزياده اللي حصلت دي تعتبر رفع جزئي للدعم مش رفع كلي وده مرحلة اولى بس وده هايتطبق على كل الشعب
الكارت الذكي فايدته هتبان في المرحله التانيه لما الدعم يتشال خالص ساعتها هايكون فيه كميه محدده لكل عربيه بالسعر الحالي وازيد من كده هايكون بالاسعار العالميه
الكلام ده كان كلام وزير التخطيط اللي قاله من يومين
السرطان ملوش علاجاقتباس:
بس برد إلي مهم إن الدولة توفر اتوبيسات و وسائل مواصلات آدمية، نضيفة و مكيفة بسعر يراعي حالة معظم الناس التعبانة.
مع احترامى ليك ... لما المصريين يبقا يقبضوا زى الدول الاجنبية ... و يشتروا العربيات بنفس تمن البتشترى بية من الدول الاجنبية ... يبقى غلى زى ما انت عايز ... لكن المصريين بيقبضوا بالعافية و بنشترى العربيات بضعف تمانها .. و انت جاى تقارن بينا و بينتهم ؟؟
طيب مفيش حد يدخل يضحك علينا بكلمتين ويقول ليه لازمه واحنا
نعمل مصدقيين
والله حرااااااام
كانوا الافضل يؤجلوا التنفيذ الي ان يوجدوا بدائل ادميه يعني مواصلات عامه محترمه و أمنه و اسعارها معقوله علشان الناس تستخدمها او انهم ينزلوا حصه يوميه لكل مواطن علي الكارت الذكي و الباقي يشتريه بالسعر الجديد فتبقي العمليه بالتدريج
الكارت حتاخد بية اللتر ب 260قرش قدام شوية حيترفع الدعم خالص وحيبقي لما تخلص الكارت بسعرة العالمى بقي 6 جنية او اكثر
دلوقتى لازم يتعمل كدة
لان لو البلد اخدت قروض جديدة مصر حتشهر افلاسها في خلال سنة و كل حاجة حتزيد مائة ضعف
ياعالم فين المليارات اللى اتهربت للخارج ووماحدش بيسأل عنها من الحكومة العامرة اللى مطنشة وبتمص دم المواطنين الغلابة وكمان اوكازيون براءات لمبارك ونظامه ورجال الاعمال اللصوص يعنى ده معناه انسوا الفلوس دى ومفيش غير المواطن المقهور يشيل كل حاجة
حسبنا الله ونعم الوكيل
لحد دلوقتي ملوش
بس اعتقد هو معمول لخسارة تانية
بس كل شئ بوقت
هى مش سلبيات دى حياتهم ومستوى معيش ومع احترامي للي بيقارن سعر البنزين بدول اوروبا ده واحد معندوش خلفيه عن الوضع هناك العلاج ببلاش فى مستشفيان عامه انضف من ال5 نجوم فى مصر فى تأمين على الطرق وطيارات تنقل المصابين فى الحوادث التعليم ببلاش وتعليم بجد لحد الجامعه كل حاجه نضيفه لا اكل مسرطن ولا مدود المواطن هو رقم واحد والكل سواسيه سعر العربيه بسعر المصنع مش ضعف تمنها جمارك وضرايب وسرقه وكل ده كان تحت راية البنزين مدعوم طيب شلت الدعم شيل ده كمان وفى رد تانى سعر اللتر فى السعوديه 40 قرش مصري نقول كمان؟ الناس اللى شغاله مقارنه تقارن بكل حاجه كفايه تبرير على الفاضى