محتاج اركب فرش سيراتو 2015

**mse920** · 04-07-2014 03:47 PM

كنت محتاج اركب فرش جلد وارضية لسيراتو 2015 مش عارف اروح لمين ( جينز كار _ اسبير كار _ علي رضا ) وهل تركيب ارضيه دا عادي ولا ممكن الصنيعية ممكن يبهدلو العربية وكمان ياريت لو حد عندو فكرة عن الاسعار
شاكرين حسن تعاونكم

**الجنرال** · 05-07-2014 03:44 AM

متابع علشان هعمل زيك ان شاء الله

**said.d.y** · 05-07-2014 10:19 AM

انا اسمع ان جينز كار افضلهم والاسعار عندة اعتقد متقلش عن 1500جم للفرش.
بالنسبة لتركيب ارضية، الحقيقة انا لا اشجع هذا الموضوع ، بحس انة بيقلل من قيمة العربية، وطقم دواسات محترم ومغطى العربية كافى جداً ، ولو حابب تغيرة في اى وقت شيلة وارمية وهات غيرة.
انا معتقدش ان في عربية بتنزل أرضية جلد من الفابريكة بتاعتها !!!!!!

**raedegypt** · 05-07-2014 10:49 AM

اى فرش بيخرب مظهر السيارة ومحدش بيعرف يعملك حاجه زى ما انت متخيل فبريكا . معاك ها تدخل مواقع ويعطوك صور ودا شغلنا وفى الاخير المظهر سيىء وعمرة مايكون زى الفبريكا
اشترى تلبيسه استرتش وحطها على الكراسى الاماميه وخلصنا . انا اشتريت تلبيسه سودة استريتش الواحدة توازى 60ج مصرى صناعه تايوانى ودة تقعد سنه وترميها وتجيب غيرها وتحافظ لك على مظهر الكراسى

**mse920** · 06-07-2014 01:10 AM

بعد بحث وسؤال إستقريت علي جينز كار
والحمد لله رحت النهاردة وقابلت الحاج أحمد وإبنه عبد الله وتم إختيار الخامة من ضمن مجموعة من الخامات
الأسعار عندهم تبدأ من 1200 وإنتا طالع لغاية 2800 أنا حاسس إنو غالي شوية بس كل الناس اللي جربت بتشكر فيه قوي
وإستقريت علي فرش وأرضية وخياطة دبل ( بسعر لوحدها 200 ) كلو 2600
والتركيب إن شاء الله يوم 15/7 وأول ماركب إن شاء الله هارفع صور وقول أخبار التقفيل والشكل النهائي
دعواتكم إن الفلوس تكون فى مكانها الصح

**manfromegy** · 06-07-2014 02:15 AM

عن تجربة في لانسر 2013 يبقي جينز كار و اللي هايتفك هايرجع زي ماكان هوا غالي شويه بس لما تركب و تخلص و تشوف المنظر النهائي هاتعرف إنه أرخص من أي حد
بس جمد قلبك لما يجي يشتغل لاني و هوا بيفك الصالون كنت هاهيط و متخيل إنها مش هاترجع تاني
بصراحة محترفين