أسعار المنتجات البترولية الجديدة

**na3m977** · 05-07-2014 12:43 AM

المشاركة الأصلية كتبت بواسطة heart_sugar

قرار في محله اه معايه عربية بس موضوع الغاء الدعم دى صحيح مليون الميه مش معقول دوله مش لاقيه تاكل شعبها وميزانية الصحه والتعليم فيها 200 مليار جنيه ويكون فيها دعم المرحوقات ب 280 مليار بيطيروا في الهواء
الدعم دى يتحول للغذاء والصحه والتعليم ووقت ما المستوى الاقتصادي يعلى وضعنا حيتحسن
الناس طبعا مش حيعجبا بس احنا دوله بتشحت حضرتكم يا نشتغل يا نكمل شحاته

تحيه للدوله القويه

للاسف الشديد الناس عاوزة مشكلات سنين تتحل فى كام يوم يعنى الحكومة ممكن تفضل تدعم البنزين والسولار وتخفض سعرهم كمان وسعتها الناس طبعا هتهلل وتسقف وتقول شكرا للحكومة وبعد كام شهر ولا سنة البلد توقع وتغرق فى الديون واللى مكناش هنرضاة اليوم بمزاجنا بكرة هنرضى بالاسؤ منة غصب عنا الموضوع عامل زى الموظف يصرف 90 % من مرتبة فى اول اسبوع من الشهر وبعدين يقعد طول الشهر يشحت ياناس اعقلوها وتوكلو على الله مفيش حل الى الصبر لغاية الفرج لما يجى واللى يقول غير كدة يبقى ماشى بمنطق عيشنى النهاردة وموتنى بكرة ودة طبعا مش صح

**Hussein_Ramdan** · 05-07-2014 12:47 AM

المشاركة الأصلية كتبت بواسطة aly_hosny

انت معاك تستحمل
غيرك بعد الغلو دا مش هيلاقي ياكل اصلا

عندك حل تانى؟

**rompo10** · 05-07-2014 12:50 AM

بنزين غالي جمارك ضعف ثمن السياره ترخيص غالي ضرايب من أي حاجه وفي الاخر مافيش مرتبات ولا نيله

**aly_hosny** · 05-07-2014 12:52 AM

المشاركة الأصلية كتبت بواسطة hussein_ramdan

عندك حل تانى؟

مبدئيا كدا مش المفروض ان انا ال ادور على حل
و عمر ما دولة هتتقدم بانها تدوس على الغلابة

بس حضرتك ممن تقولي رايك في ال عنده 22 و اول قبض ليه 9500 جنيه عشان ابوه مستشار

و ممكن برضو تقولي رايك في ال عنده 21 سنة و اول قبض ليه 5000 جنيه دلوقتي

و موظفين الجكومة ال مرتباتهم فوق ال 50 الف جنيه

و مصانع الجيش ال ارباحها مبتدخلش ميزانية البلد و بياخدو تلت الموازنة العامة للبلد عليهم

**Elawany13** · 05-07-2014 12:57 AM

المشاركة الأصلية كتبت بواسطة aly_hosny

مبدئيا كدا مش المفروض ان انا ال ادور على حل
و عمر ما دولة هتتقدم بانها تدوس على الغلابة

بس حضرتك ممن تقولي رايك في ال عنده 22 و اول قبض ليه 9500 جنيه عشان ابوه مستشار

و ممكن برضو تقولي رايك في ال عنده 21 سنة و اول قبض ليه 5000 جنيه دلوقتي

و موظفين الجكومة ال مرتباتهم فوق ال 50 الف جنيه

و مصانع الجيش ال ارباحها مبتدخلش ميزانية البلد و بياخدو تلت الموازنة العامة للبلد عليهم

هما دول البشاوات اللى وكلنها والعه
ومش هتفرق معاهم لو لتر البنزين بقى بـ 20 جنيه
اهم حاجه محدش يبصلهم فى الآلاف المؤلفة اللى بياخدوها كل شهر
ومحدش يجيب سيرة حد أقصى وكلام فارغ من ده
وباقى الشعب يتحرق بجاز

**Omar Mahmoud** · 05-07-2014 01:30 AM

المشاركة الأصلية كتبت بواسطة شريف

اديني سعر عالمي للبنزين بس متخدش مني جمارك علي العربية مرتين تلاتة تمنها !!!!
أديني عقلك !!!!!!

هو ده الكلام الصح بس تقول لمين؟؟؟

**blazer** · 05-07-2014 01:35 AM

هو مش الدعم دا برده بيتاخد من فلوسنا ؟ ضرايب و رسوم و جمارك و و و و ,, يعنى ياخد فلوسنا و يقولك هحرمك منها
و بكره تشوفوا مسر

**spidars** · 05-07-2014 01:47 AM

انا موافق علي سعر البنزين 92 يكون 4جنيه او 5 علي حسب سعره العالمي لاكن شيل الجمرك من علي السيارات والي عايزو يركب يدفع لكن جمرك ورفع سعر البنزين لا

**عبدالله برعى** · 05-07-2014 02:06 AM

انا مع القرار لان كل من هب ودب يجبلو عربية
وثانيا
انا شغال فى شركة بترول مفيش اصلا عندنا اكتفاء ذاتى وكلة من مستورد البنزين 20 % استيراد والسولار 80 % استيراد يعنى الحكومة تستورد وبعدين تدعم واحد عندو 3 ميكروباص بيصفولو فى اليوم 600 جنية
الواحد يقول اللى لية واللى علية
انا مع القرار دا علشان الللى عايز يشترى عربية يفكر ميت مرة لان الشوراع زاطت والبنكوك خلت اللى معاه 5 الاف تاعبينو يسحب عربية انا مش ضد الناس اللى بتشترى عربيات المنظومة كلها فاشلة من المطبات الصناعية الى موضوع الدعم للمنتجات البترولية عامة
ستجد من يختلف فى الراى
وعلى راى الجزيرة الراى والراى الاخر