-
مشاكل كاربون العربيه
عاوز اعمل عربيتي كاربون علشان احافظ عليها من كتر الخدش البهدلها هل يوجد مشكله في المرور يعني لو وقفتني لجنه هيبقي في مشكله عربيتي لونها نبيتي وعاوز اعمل كاربون اسود مط كمان لما اجي اشيل الكاربون ساعة لما ارخص هل هياثر علي دهان العربية الاصلي للعلم انا عربيتي الحمد الله فابريكا برا وجوة مرشتش سم حتي يارب تفيدوني يا اصحاب الخبرة
-
عربيتك نبيتي و عايز تخليها اسود مط لو رش مفيش اي مشكلة كل اللي هتعمله إنك هتفحص و تغير اللون و خلاص
إنما الكاربون اللي هو اساسا ليه مخالفة ملصقات هتغير اللون و هتمشي بيه ازاي و لو وقفت في لجنة هتعمل ايه؟؟ لانك مغير لون منغير إثباته في الرخصة ودي مشكلة لوحدها
قصة انه بيأثر علي الدهان سواق تاكسي قاللي انه بيبوظ بوية الفابريكة بس الله اعلم إذا كان كلامه صحيح ولا لا
-
انصحك اوعي تحط الكاربون فعلا لما تيجي تشيله بيبوظ دهان العربيه وكان فيه كذا عضو في المنتدي اشتكي انه وهوه بيشيل الكاربون بوظله الدهان غير انه وجع دماغ ومخلفات وبيخلي العربيه شكلها بهتان فانا شايف ملوش اي لازمة بصراحة
-
شكرا لحضراتكم علي الردود لكن انا عندي مشكلتين الاولي هي الخرابيش والخدوش والتانيه الناس عندنا في الشرقيه بيفتكروها تاكسي لان الوان التاكسي عندنا حمراء ونبيتي
Content Relevant URLs by
vBSEO 3.6.0 PL2