استفسار عن النيو لوجان الجديدة مانول

**cobrahi** · 05-07-2014 01:53 AM

ارجوا من ملاك النيو لوجان الجديدة مانول
بعض الاستفسارات عن السيارة لانى حابب اشترى واحدة
نوع الموتور و العفشه ؟ اداء السيارة ع موتور 1600 cc ؟ اخبار التكييف ايه ؟ خامات السيارة و التقفيل ؟
من الاخر تقرير شامل و كامل جزاكم الله خير عن السيارة
ارجوكم بمنتهى الامانه

تم النقل لقسم لوجان

م.ع.3

**Omar2017** · 05-07-2014 02:03 AM

متابع

**ARKOON** · 05-07-2014 02:37 AM

هو ايه الي لفت نظر حضرتك للعربية غير الشكل الخارجي طبعا الشكل الجديد جميل بس من جوه العربية حسيتها فقيرة ومش تستاهل سعرها .. دا رأيي الشخصي وانا مش من ملاك العربية انا شوفتها في المعرض وجربت اشوف المقصورة بتاعتها هيا والاتراج اسعارهم مبالغ فيها بصراحة في حين ان البدائل موجودة ونفس الاداء ورفاهية اكتر وسعر ارخص ... دا مجرد رأي شخصي وربنا يوفقك للاختيار الاحسن :)

**hugan** · 05-07-2014 03:07 AM

لوجان في قسم اسبرانزا !!!!!!!!!!

**ARKOON** · 05-07-2014 02:31 PM

الاوبش الي زي ايه حضرتك ؟ انا مش بهاجم العربية وهيا فعلا ضمن مقارناتي حاليا بس شايف السعر مبالغ فيه كمبيوتر رحلات ميرفعش سعرها اوي كده اعلى فئة فيها ب 97 ألف وهيا عربية حلوة انا مش معترض عليها وهيا لو مع حضرتك يا ريت تعملنا تقرير مفصل عنها عشان كلنا نستفيد .. انا مش بهاجم العربية للمرة التانية . وبالمناسبة انا كنت بقارن من ناحية الفئة السعرية ودي مجموعة من العربيات الى كنت بقارن ما بينهم (بيجو 301 كأعلى اختيار بالنسبة للسعر - رينو لوجان ( شكل خارجي وواسعة بالنسبها للحجم من برا - سويفت - أنفي ) مقارنة غير منطقية بس انا بتكلم على الفئة السعرية تتدفع كام وتاخد ايه .. بس الاوبشنز الجديد نظام الملاحة ودا ميرفعش سعرها اوي كدا . ولا ايه رأي حضرتك ؟

**ARKOON** · 05-07-2014 02:36 PM

انا قريت تقرير حضرتك يا فندم عن العربية ألف مبروك يا باشا وربنا يباركلك فيها ويحفظها من كل شر ..
وانا مش كنت بهاجم العربية ولا حاجة بس انا بقارنها بغيرها من الموديلات الى في السوق وياريت استفيد من حضرتك بعد ما تعمل بيها كام مشوار وخصوصا السفر تعملنا تقرير مفصل اكتر .. ومبرووك مرة تانية على العربية :) تحياتي

**matrux** · 05-07-2014 11:42 PM

العربية كمجمل جميلة ومريحة وموفرة للبنزين كمان انا معايا لوجان 2014 الشكل الجديد اولا الاوبشنز بتاعتها كتيرة وبسعر كويس يعنى عربية سيدان فيها مثبت ومحدد سرعة وتكييف تاتش و حساسات ركن و2 ايرباج وabs وواسعة والتابلوة فخم احسن من ماركات عالية بكتير كمان والخامات كويسة اة ماتتقارنش بالالمانى او اليبانى بس الى حد كبير كويسة وكمان سعرهامنخفض عشان جماركها قليلة بسبب اتفاقية اغادير اعتقد على الاقل 10 الاف على ما افتكر والموتور اداءة متواضع ومع التكييف كويس بيأثر على الاداء سنة بسيطة والعربية ماشاء الله ثابتة والعربية ماينفعش تتقارن لا باللانوس او الافيو او الفيرنا
وبالنسبة للاتراج مغلينها زيادة عن اللزوم بس هو فية نقطة فى الاتراج الكل بيقول 3 سلندر يعنى الموتور ضعيف جدا بس هل عشان الموتور ايفك متطور شوية هل هيبقى بكفائة ال 4 سلندر ولا لا لو بنفس الكفائة هات الاتراج النقطة دى لغاية دلوقتى موصلتلهاش لحل عشان كدة جبت اللوجان

**cobrahi** · 06-07-2014 03:09 AM

المشاركة الأصلية كتبت بواسطة arkoon

هو ايه الي لفت نظر حضرتك للعربية غير الشكل الخارجي طبعا الشكل الجديد جميل بس من جوه العربية حسيتها فقيرة ومش تستاهل سعرها .. دا رأيي الشخصي وانا مش من ملاك العربية انا شوفتها في المعرض وجربت اشوف المقصورة بتاعتها هيا والاتراج اسعارهم مبالغ فيها بصراحة في حين ان البدائل موجودة ونفس الاداء ورفاهية اكتر وسعر ارخص ... دا مجرد رأي شخصي وربنا يوفقك للاختيار الاحسن :)

ممكن اعرف من حضرتك البدائل الى بتكلم فيها و بعدين فيه فرق موتور بين الاتراج و النيو لوجان
النيو لوجان ليها اربع فئات تبدأ ع ما اعتقد من 86 الف او اقل .. فقيرة بمعنى ايه من الداخل مش فاهم
ممكن تكون قصدك عمليه مش زى سيارات تعتمد ع الرفاهيه بالداخل .. مش عارف انا فهمت قصدك صح و لا لاء

**cobrahi** · 06-07-2014 03:15 AM

المشاركة الأصلية كتبت بواسطة matrux

العربية كمجمل جميلة ومريحة وموفرة للبنزين كمان انا معايا لوجان 2014 الشكل الجديد اولا الاوبشنز بتاعتها كتيرة وبسعر كويس يعنى عربية سيدان فيها مثبت ومحدد سرعة وتكييف تاتش و حساسات ركن و2 ايرباج وabs وواسعة والتابلوة فخم احسن من ماركات عالية بكتير كمان والخامات كويسة اة ماتتقارنش بالالمانى او اليبانى بس الى حد كبير كويسة وكمان سعرهامنخفض عشان جماركها قليلة بسبب اتفاقية اغادير اعتقد على الاقل 10 الاف على ما افتكر والموتور اداءة متواضع ومع التكييف كويس بيأثر على الاداء سنة بسيطة والعربية ماشاء الله ثابتة والعربية ماينفعش تتقارن لا باللانوس او الافيو او الفيرنا
وبالنسبة للاتراج مغلينها زيادة عن اللزوم بس هو فية نقطة فى الاتراج الكل بيقول 3 سلندر يعنى الموتور ضعيف جدا بس هل عشان الموتور ايفك متطور شوية هل هيبقى بكفائة ال 4 سلندر ولا لا لو بنفس الكفائة هات الاتراج النقطة دى لغاية دلوقتى موصلتلهاش لحل عشان كدة جبت اللوجان

(الموتور اداءة متواضع ) ومع التكييف كويس ( بيأثر على الاداء سنة بسيطة )
يعنى ايه ممكن تفسير اوضح لكلمه الموتور متواضع
و تفسير اوضح بالنسبه ان التكييف بياثر ع الاداء يعنى بيسبب ضعف ف العزم او تقليل سرعه او ايه بالضبط

-

الموضوع: استفسار عن النيو لوجان الجديدة مانول

LinkBack

أدوات الموضوع

عرض

استفسار عن النيو لوجان الجديدة مانول - انشر الموضوع فى :

-

-

-

-

المواضيع المتشابهه

قطع غيار النيو لوجان !!

اصحاب النيو لوجان

رحلة البحث عن النيو لوجان

النيو لوجان

استفسار عن اسعار قطع غيار لوجان اوتوماتيك الجديدة

الكلمات الدلالية لهذا الموضوع

المفضلات

المفضلات

ضوابط المشاركة