الموضوع: تسعير الجيب رانجلر

حضرتك تاخد حذرك و ملكش دعوة بالكلام الى بيقوله .... حضرتك تروح تبص على العربية و تعاينها كويس .... و لو مش خبير فى الموضوع ده ممكن تاخد ميكانيكى ثقة ... و بيفهم
و بصفة عامة ...

حضرتك حاول تاخد انطباع عن العربية بصفة عامة .... صاحبها مهمل و لا بيهتم بيها ؟! الفرش جوة اخباره ايه ؟ مسامير الرباط ( مسمار 10 مثلا ) شكلها كويس و لا حاطط مسامير اى كلام و مختلفة ؟ واحد طويل و واحد قصير ؟!!
تدور الموتور و تسمع صوته بنفسك .. و لو عرفت .. تجرب العربية بنفسك
مفيش مشكلة خالص ان حضرتك تنزل تحت العربية تبص عليها من تحت .... الشاسيه .. الكوارين اخبارها ايه .. ارضية العربية فيها بارومة و لا لأ .. و هكذا
و حضرتك حتشوف رخصتها و تتاكد منها ...

و اهم حاجة ... تصلى استخارة ...و تحط فى اعتبارك ان دى مش اخر عربية فى الدنيا .... يعنى متتعلق بيها ... حتشوف غيرها و تلاقى احسن منها كتير ان شاء الله
ربنا يوفقك للى فيه الخير

المشاركة الأصلية كتبت بواسطة ahmed_eng2001

حضرتك تاخد حذرك و ملكش دعوة بالكلام الى بيقوله .... حضرتك تروح تبص على العربية و تعاينها كويس .... و لو مش خبير فى الموضوع ده ممكن تاخد ميكانيكى ثقة ... و بيفهم
و بصفة عامة ...

حضرتك حاول تاخد انطباع عن العربية بصفة عامة .... صاحبها مهمل و لا بيهتم بيها ؟! الفرش جوة اخباره ايه ؟ مسامير الرباط ( مسمار 10 مثلا ) شكلها كويس و لا حاطط مسامير اى كلام و مختلفة ؟ واحد طويل و واحد قصير ؟!!
تدور الموتور و تسمع صوته بنفسك .. و لو عرفت .. تجرب العربية بنفسك
مفيش مشكلة خالص ان حضرتك تنزل تحت العربية تبص عليها من تحت .... الشاسيه .. الكوارين اخبارها ايه .. ارضية العربية فيها بارومة و لا لأ .. و هكذا
و حضرتك حتشوف رخصتها و تتاكد منها ...

و اهم حاجة ... تصلى استخارة ...و تحط فى اعتبارك ان دى مش اخر عربية فى الدنيا .... يعنى متتعلق بيها ... حتشوف غيرها و تلاقى احسن منها كتير ان شاء الله
ربنا يوفقك للى فيه الخير

و الله يأخى انا مش عارف اقوللك ايه على النصائح الجميلة اللى انت قولتهلى دى مشاء الله على حضرتك خبرة جامدة اووى و الله ، انا مستنى بس اعرف مكان المعاينة و اول ماشوفها و افحصها كويس و أتاكد من رخصتها و اوراقها انها سليمة هروح جايب الميكانيكى بتاعى و مخلص فيها على طول و طبعاً هاستخير ربنا لانه عالم بكل شئ و هأستشير حضرتك طبعاً لان ماخاب لمن أستشار و اشكرك بشدة و جزائك الله خيراً دائماً

المشاركة الأصلية كتبت بواسطة kantofanto

و الله يأخى انا مش عارف اقوللك ايه على النصائح الجميلة اللى انت قولتهلى دى مشاء الله على حضرتك خبرة جامدة اووى و الله ، انا مستنى بس اعرف مكان المعاينة و اول ماشوفها و افحصها كويس و أتاكد من رخصتها و اوراقها انها سليمة هروح جايب الميكانيكى بتاعى و مخلص فيها على طول و طبعاً هاستخير ربنا لانه عالم بكل شئ و هأستشير حضرتك طبعاً لان ماخاب لمن أستشار و اشكرك بشدة و جزائك الله خيراً دائماً

يا اخى كلنا بنتعلم من بعض .... و انا كنت اتمنى ان اعضاء تانية تشاركنا الرأى و نتعلم كمان

مينا ربنا يكرموا خبرة كبيرة جدا فى مواضيع الجيب دى .... و كان قالى على عضو معانا فى المتدى اسمه سبعاوى على ما اذكر .... ليه خبرة كبيرة فى الدفع الرباعى

و انا مش خبرة كبيرة و لا حاجة ... المعلومات دى يا دوب فاكرها من واحد زميلى فى الشغل كان معاه رانجلر و باعها و جاب شيروكى .... و بعد كدة باعها و جاب جراند شيروكى

و على فكرة ..... باع الرانجلر علشان اتقلب بيها ... و على حسب كلامه ... لو كان راكب عربية تانية كان مات !!!

غلى ذكر الحوادث .... احد اقاربى عمل حادثة بعربية جيب متجمعة ... و على حسب قوله ... العربية شالت جزء كبير من الصدمة

ربنا يوفقك للى فيه الخير

المشاركة الأصلية كتبت بواسطة ahmed_eng2001

يا اخى كلنا بنتعلم من بعض .... و انا كنت اتمنى ان اعضاء تانية تشاركنا الرأى و نتعلم كمان

مينا ربنا يكرموا خبرة كبيرة جدا فى مواضيع الجيب دى .... و كان قالى على عضو معانا فى المتدى اسمه سبعاوى على ما اذكر .... ليه خبرة كبيرة فى الدفع الرباعى

و انا مش خبرة كبيرة و لا حاجة ... المعلومات دى يا دوب فاكرها من واحد زميلى فى الشغل كان معاه رانجلر و باعها و جاب شيروكى .... و بعد كدة باعها و جاب جراند شيروكى

و على فكرة ..... باع الرانجلر علشان اتقلب بيها ... و على حسب كلامه ... لو كان راكب عربية تانية كان مات !!!

غلى ذكر الحوادث .... احد اقاربى عمل حادثة بعربية جيب متجمعة ... و على حسب قوله ... العربية شالت جزء كبير من الصدمة

ربنا يوفقك للى فيه الخير

قال تعالى: {قُلْ لَنْ يُصِيبَنَا إِلَّا مَا كَتَبَ اللَّهُ لَنَا هُوَ مَوْلانَا وَعَلَى اللَّهِ فَلْيَتَوَكَّلِ الْمُؤْمِنُونَ} صدق الله العظيم محدش بيهرب من قدره " و أعلم ان لى قدر سألقه سألقه " انا فعلا مشتت اوى انا راكب دولاقتى فورد فيستا و جايبها عن إقتناع و بصراحة مريحنى و كمان هى ثابته على الطريق و ناعمة و فيها كل الامكانيات مش عارف له طالبة معايا ابيعها و اجيب رانجلر مع ان البنزين غلى و عربتى موفرة للبنزين اووى و ناس كتير كلمتنى عشان يجوا و يشوفها و مش عارف اعمل ايه و خايف ابيعها و مش الاقى حاجة اشترها أيه رايك كأخ ؟؟ و كمان موضوع العربية الرانجلر موديل 2005 حساس انه نصب لانه رد عليا و مش بعتللى اة مستندات و بيقولللى ان العربية داخل حاوية و انها فى شركة الشحن و انه هو هايسدد جمركها و ضريبتها ، حتى الصور اللى متاخدة تحس ان العربية مش فى مصر و هو بيقول انها من مصر فانا هاصرق نظر عن الموضوع ده .

بص يا باشا ....

بصفة عامة .... لما تلاقى نفسك متعلق بحاجة مادية و عاوزها ..... حاول تهرب منها فى الوقت الحالى ... و تاجلها فترة من الوقت ... النفس البشرية كدة .... تحب التملك و تتعلق بالماديات .... من الاخر ... بتكون زى الاطفال ... عاوز تتملك حاجة و بعد فترة تزهق منها

انا انصح حضرتك ... بالبعد قليلا عن فكرة شراء الرانجلر .... و عيش حياتك عادى فترة ... اسبوعين تلاتة
و بعد كدة فكر فى الموضوع تانى ... لو حسيت انك مش متحمس للفكرة .... الغيها
لو وجدت نفسك لسة عاوز تشتريها ... اتكل على الله و ابدا فى البحث مرة تانية

و اهم سؤال ..... انا عاوز اشترى الرانجلر ليه ؟؟؟ منظرة ؟؟ ملل من العربية الحالية ؟؟ ناوى اطلع سفارى ؟؟
السؤال التانى .... مقدرتى المادية ايه ؟

عربيتك لو مش مزعلاك و مرتاح معاها ... ليه تغيرها ؟! .... اسأل نفسك السؤال ده و جاوب عليه مع نفسك

و لازم تستنى شوية .... تجرب موضوع اسعار البنزين الجديدة ... و تأثيرها عليك فى عربيتك الصغيرة .... و بعدين فكر انك حتدفع الضعف على الاقل مع الرانجلر .... قطع الغيار ... الصنايعية ... حاجات كتير محتاج تفكر فيها مع نفسك

استنى شوية على موضوع الرانجلر ال 2005 دى ... علشان الموضوع كدة مش واضح

المشاركة الأصلية كتبت بواسطة ahmed_eng2001

بص يا باشا ....

بصفة عامة .... لما تلاقى نفسك متعلق بحاجة مادية و عاوزها ..... حاول تهرب منها فى الوقت الحالى ... و تاجلها فترة من الوقت ... النفس البشرية كدة .... تحب التملك و تتعلق بالماديات .... من الاخر ... بتكون زى الاطفال ... عاوز تتملك حاجة و بعد فترة تزهق منها

انا انصح حضرتك ... بالبعد قليلا عن فكرة شراء الرانجلر .... و عيش حياتك عادى فترة ... اسبوعين تلاتة
و بعد كدة فكر فى الموضوع تانى ... لو حسيت انك مش متحمس للفكرة .... الغيها
لو وجدت نفسك لسة عاوز تشتريها ... اتكل على الله و ابدا فى البحث مرة تانية

و اهم سؤال ..... انا عاوز اشترى الرانجلر ليه ؟؟؟ منظرة ؟؟ ملل من العربية الحالية ؟؟ ناوى اطلع سفارى ؟؟
السؤال التانى .... مقدرتى المادية ايه ؟

عربيتك لو مش مزعلاك و مرتاح معاها ... ليه تغيرها ؟! .... اسأل نفسك السؤال ده و جاوب عليه مع نفسك

و لازم تستنى شوية .... تجرب موضوع اسعار البنزين الجديدة ... و تأثيرها عليك فى عربيتك الصغيرة .... و بعدين فكر انك حتدفع الضعف على الاقل مع الرانجلر .... قطع الغيار ... الصنايعية ... حاجات كتير محتاج تفكر فيها مع نفسك

استنى شوية على موضوع الرانجلر ال 2005 دى ... علشان الموضوع كدة مش واضح

بصراحة على الرغم أنى معرفش حضرتك شخصياً لكن و لى ليا الشرف انى تعاملت مع حضرتك من خلال البوستات تفكيرك مقنع جداً و يدل على شخصية عاقلة .احترامها بشدة و أرائك مرتبة اووى ، انا حقيقى أستفدت من المشاركة دى اووى ، فعلا زى ماقولت حضرتك النفس البشرية تحب التملك و تتعلق بالماديات و محدش بيحس بقيمة الحاجة و هى معاه و لكن لما بيخسرها بيبتدى يندم بعد كدا ، انا هأسمع كلام حضرتك و مش هأفكر فى الرانجلر لحد العيد و هأتهم بعربيتى شوية بالرغم انى كنت منزلها أعلان على دوبيزل و نايل ماتوز بس شيلته برغم ان ناس كتير اووى كلمتنى ، و كلام حضرتك صحيح العربية مريحنى له اغيرها و أساسيتها كويسة و مش مخنوق منها نفسياً بل بالعكس مريحانى و كمان انت عارف الامريكان بيهتموا بالراحة و النعومة اووى و كمان الفورد ماركة محترمة و قطع غيارها متوفرة و عارف كل الميكانيكيا اللى بيشتغلوا فيها و كمان كل تجار قطع الغيار ،،،،، لا و كمان موفرة فى البنزين جداً 1250 سى سى ( زيتك = إنجكشن ) إن شاء الله هاعرف اتعامل معاها و أقلم نفسى مع الظروف الجديدة. أما الرانجلر انا مش كنت ناوى أجبها منظرة و الله ابداً ، انا بس العربية الفورد اللى معايا واطية اووى و بتزعلنى اوى فى المطبات و فى الشوارع المكسرة عشان كدا قولت اجيب عربية فور بى فور و انا حابب شكل الرانجلر بس الواضح ان تكلفة مصاريفها عالية فى قطع الغيار و عالية كمان فى الصيانة و بعد ماالبنزين غلى كدا هتقدى عليا تماما. انا متشكر لحضرتك جداً لانك أفادتنى اووى و أقتنعت بكلامك جداً و انا نادراً لما بقتنع بكلام حد لانى عنيد ظ؟، قبل مأجيب الفورد كل الناس قالتللى أبعد عن الفورد و انا اصريت عليها بس بصراحة كنت بسأل الناس اللى معاهم العربية و كلهم أجمعوا انها مريحاهم فعملت إستخارة و توكلت على الله و أشتريتها، انا فى حاجات بسيطة أضبطها فى العربية لما أرجع القاهرة أن شاء الله و اعتذر للناس عن بيعها. أشكرك بشدة يأخى و يجعله فى ميزان حسانتك إن شاء الله " "من سئل عن علم علمه ثم كتمه ألجم يوم القيامة بلجام من نار" انت أفادتنى و الله و خبرتك كويسة جداً و مطلع و مثقف. شكرررررررررررررررررررراً

المشاركة الأصلية كتبت بواسطة kantofanto

بصراحة على الرغم أنى معرفش حضرتك شخصياً لكن و لى ليا الشرف انى تعاملت مع حضرتك من خلال البوستات تفكيرك مقنع جداً و يدل على شخصية عاقلة .احترامها بشدة و أرائك مرتبة اووى ، انا حقيقى أستفدت من المشاركة دى اووى ، فعلا زى ماقولت حضرتك النفس البشرية تحب التملك و تتعلق بالماديات و محدش بيحس بقيمة الحاجة و هى معاه و لكن لما بيخسرها بيبتدى يندم بعد كدا ، انا هأسمع كلام حضرتك و مش هأفكر فى الرانجلر لحد العيد و هأتهم بعربيتى شوية بالرغم انى كنت منزلها أعلان على دوبيزل و نايل ماتوز بس شيلته برغم ان ناس كتير اووى كلمتنى ، و كلام حضرتك صحيح العربية مريحنى له اغيرها و أساسيتها كويسة و مش مخنوق منها نفسياً بل بالعكس مريحانى و كمان انت عارف الامريكان بيهتموا بالراحة و النعومة اووى و كمان الفورد ماركة محترمة و قطع غيارها متوفرة و عارف كل الميكانيكيا اللى بيشتغلوا فيها و كمان كل تجار قطع الغيار ،،،،، لا و كمان موفرة فى البنزين جداً 1250 سى سى ( زيتك = إنجكشن ) إن شاء الله هاعرف اتعامل معاها و أقلم نفسى مع الظروف الجديدة. أما الرانجلر انا مش كنت ناوى أجبها منظرة و الله ابداً ، انا بس العربية الفورد اللى معايا واطية اووى و بتزعلنى اوى فى المطبات و فى الشوارع المكسرة عشان كدا قولت اجيب عربية فور بى فور و انا حابب شكل الرانجلر بس الواضح ان تكلفة مصاريفها عالية فى قطع الغيار و عالية كمان فى الصيانة و بعد ماالبنزين غلى كدا هتقدى عليا تماما. انا متشكر لحضرتك جداً لانك أفادتنى اووى و أقتنعت بكلامك جداً و انا نادراً لما بقتنع بكلام حد لانى عنيد ظ؟، قبل مأجيب الفورد كل الناس قالتللى أبعد عن الفورد و انا اصريت عليها بس بصراحة كنت بسأل الناس اللى معاهم العربية و كلهم أجمعوا انها مريحاهم فعملت إستخارة و توكلت على الله و أشتريتها، انا فى حاجات بسيطة أضبطها فى العربية لما أرجع القاهرة أن شاء الله و اعتذر للناس عن بيعها. أشكرك بشدة يأخى و يجعله فى ميزان حسانتك إن شاء الله " "من سئل عن علم علمه ثم كتمه ألجم يوم القيامة بلجام من نار" انت أفادتنى و الله و خبرتك كويسة جداً و مطلع و مثقف. شكرررررررررررررررررررراً

ايه يا عم الكلام الكبير ده ... كدة حتخلينى ازرف دمعة :(

الموضوع بس شوية اخطاء و خبرات الواحد وقع فيها ... فحبيت ادردش معاك فى بعض النقاط ... احتمال يكون فيه نقاط مش واخد بالك منها ....

و بالطبع انا عرفت معلومات جديدة عليا

معرفتك بمفاتيح عربيتك ده لوحده كنز .... المفاتيح هى الصنايعية ... قطع الغيار ... صيانات عربيتك .... دى حاجة تساوى كتير

نيجى للنقطة الى مضايقاك فى عربيتك ... المطبات .. و تفكيرك فى عربية عالية ....
حضرتك ان شاء الله حتاخد استراحة من التفكير فى الموضوع ده لحد العيد ... و بعد كدة تفكر تانى فى عربيات دفع رباعى او عربيات عالية عن الارض بصورة اكبر .....

عربيات اكتر ... و من ضمنهم الجيب

الجراند تيريوس .... الفيتارا و الجراند فيتارا ... التيجو .. الداستر .. الرانجلر ... و الشيروكى
دى عربيات عالية عن الارض و مريحة و اغلبهم 1600 سى سى ... ماعدا الرانجلر و الشيروكى
و ربنا يوفقك فى تفكيرك الجديد

للأسف السوق المصرى يأثر فيه حاجات كتير ... غير معاير المتانة و الاداء ... معلش ... دى ثقافتنا

اختيارك للعربية بيكون قرارك انت .... انت الى بتتحمل عواقبه ... و انت الى بتحصل على مزاياه
ربنا يوفقك و يهديك للى فيه الخير
شرفنى و امتعنى الحديث مع حضرتك :)