الموضوع: نظرة في ألغاء الدعم

المشاركة الأصلية كتبت بواسطة manfromegy

كلام صحيح

شكرا على المشاركة

المشاركة الأصلية كتبت بواسطة ahmedjemy

انا موافق على كل اللى بتقولة بس المشكلة اللى انا شايفها وهي فى حد ذاتها مصيبة ان البلد مفيهاش جهاز يحمي المواطن من الاستغلال والجشع لان اول ما البنزين يغلى كل التجار يغلو المنتجات المشكلة مش فى زياده البنزين بل فى التبعيات اللى هتحصل من ورا الزياده . مثل تاني وهو استخدام الفحم فى الصناعه وفى فيديو لرئيس الوزراء محلب بيقول فية ان دول عظمى بتستخدم الفحم فى الصناعه ولا يوجد خطر على حياه الانسان وكلامة فعلا صح بس فى حالة تطبيق النظم البيئية الصارمة عند استخدام الفحم غير ان المصانع بعيدة عن الاسكان والمناطق المئهولة . يكفى انك تشوف مصانع اسمنت حلوان والمدخنة بطلع عفرة لا يمكن تشوف نور الشمس من خلالها ودة لان المصنع بيفصل الفلتر اللى بينقى الشوائب لان تكلفة تشغيلة وصيانته غالية واللى بيخلية يفصلة وهو مرتاح ان مفيش رادع وحياه المواطن بتنتهك بدون ان تاخد الدوله اي تصرف ومن نفس المنظور دة اللى هنشوفة فى زيادة البنزين ارتفاعه هيؤدي الى ارتفاع مفرط فى جميع الاسعار ولا وجود للحكومة كالعادة . اللهم اني اسالك الرفق بمصر وشعبها اللهم وانر بصيرة اوليائها اللهم امين .

معاك 100 %
انا بتكلم على مبدء الدعم و السلبيات الموجودة أنا معاك فيها تماما

المشاركة الأصلية كتبت بواسطة yyy

زي ما قارنت بين اسعار العربيات و البنزين عندنا و عندهم قارن بقي مرتبات هنا بمرتبات اتجلترا

أنجلترا النهاردة مش أنجلترا من 50 سنة أو 30 سنة حتى فاتت

مرتبات الناس في انجلترا يا سيدي كالتالي

الحد الأدني حوالي 900 جنيه أسترليني شهريا و ده ما يأكلش عيش حاف هناك

و المتوسط حوالي 1700 جنيه أسترليني
فيه ناس أعلى و فيه ناس أقل .
الحياة هناك غالية تماما ....... السكن و المواصلات من أغلى الحاجات اللي هناك .

على فكرة 900 جنيه أسترليني هناك .......... زي بالظبط 900 جنيه مصري هنا
لأن أحنا بنتكلم بالوحدة للعملة ...
يعني السكن هناك بيبدء من 500 جنيه أسترليني أيجار شهري في حتة تعبانة أو سكن تبع البلدية المحلية (الحكومة يعني ) و الأكل و الشرب ممكن يدخل في 400 جنيه الباقية
لسة ما أتلكمناش على مصاريف البيت و الفواتير
يعني تليفون و كهرباء و غاز و ضريبة حي لو تملك البيت ..... الخ .

الفرق أن هناك الدنيا نظيفة و منظمة و الناس بتخلف عيال على أدها ........ هنا العكس

المشاركة الأصلية كتبت بواسطة ahmed abdkarim

كلام خاطى 100 % .


اولا الدعم مستفيد بيه كل الناس مش فئه واحده زى ما حضرتك بتقول يعنى الجاز لما يغلى المواصلات كلها حتغلى و اسعار جميع السلع حتغلى و ده حيأثر على 100 % من الشعب مش اصحاب العربيات بس .

أنا هاسألك سؤال أدام طلعت كلامي خاطئ 100 %

أنت أو أنا عندنا عربية ......... بنحط فيها بنزين تقريبا في الشهر متوسط قول 300 جنيه مصري يعني تقريبا حوالي 162 لتر بنزين
162 لتر بندفع فيه أو كنا بندفع فيه 1.85 قرش
تعالى نفرض أن سعر التكلفة للبنزين هو 4 جنيه (أنا معرفش هو كام فعليا )
يعني حضرتك و أنا بناخد من الحكومة دعم على كل لتر بنزين
تقريبا 2.15 جنيه
يعني في الشهر أكتر من 600 جنيه مصري
فين العدل في التوزيع ؟؟؟؟؟؟؟؟؟؟؟؟؟؟؟؟؟؟؟؟


يعنى الناس الغلابة اللى فى الصعيد اللى انت بتتكلم عنهم اكتر ناس حتتأثر بالغاء الدعم .

وده برضه على اساس انك اعتبرت ان اللى عنده عربية 128 سعرها 10000 جنيه او سيات سعرها 5000 جنيه شخص غنى ال 128 لو موجودة فى انجلترا اللى بتتكلم عنها بتتباع ب 100 جنيه استرلينى او اقل كمان ده اصلا لو لقيتها سعر المرسيدس الشبح المستعملة موديل 2001 3000 جنيه استرلينى يعنى تقريبا 60000 جنيه .
طيب أنت عارف بتدفع ضرائب كام و تأمين أجباري كام على العربيات دي ؟؟؟
أنا هاحكيلك على حكاية صغيرة
مرة شوفت عربية بي أم دبليو موديل 6 سنين فاتوا
الكلام ده كان تقريبا في 2005
أتصلت بشركة التأمين علشان أسالهم على التامين هايكون كام (التامين اجباري هناك)
قالي فوق 1000 جنيه أسترليني في السنة .....
عارف ثمن العربية كان كام ؟؟
كان 200 جنيه أسترليني و صاحبها بيدلل عليها
علشان الضرائب هناك و التأمين على العربيات الكبيرة في السي سي و و العربيات الغالية زي البي أم ........ بيكون غالي



وبعدين برضه انت بتقارن بتركيا فى الغاء الدعم و بتقارن بانجلترا و امريكا . كل دوله و ليها ظروفها تقريبا كل الدول اللى انت اتكلمت عنها فيها حد ادنى للاجور يطبق بشكل صارم علشان المواطن يقدر يدفع تمن الغاء الدعم . انما واحد يكون معاشه 80 جنيه يعنى 10 دولار فى الشهر فى امريكا حد ادنى 7 دولار فى الساعة فى اليوم الواحد .

أنا طبعا بتكلم عن مبدء ازالة الدعم و ده اللي حضراتكم مش فاهمينه في رسالتي .
كله فتح مواضيع جانبية . طبعا لازم يكون الشئ متاح و مقدور للجميع .
بس أنا عايزك ترجع لبداية وضع تركيا لما بدءوا عملية الأصلاح الأقتصادي و شوف الناس عانت كام سنة لغاية ما أصبح أقتصاد تركيا أقتصاد قوي .


وبعدين لو فى نيه فعلا لاصلاح البلد . الترشيد مش هو الحل الوحيد مفيش اصلاح بدون انتاج

عامل زى واحد بيشتغل نفس الشغل اللى مرتبه قليل و بيقلل مصروفاته مع ان فى حل تانى انه يشتغل شغل تانى او يشتغل شغل اضافى يزود انتاجه مش بس يقلل نفقاته .

حضرتك بنتكلم على 140 مليار جنيه بيتم صرفها على دعم الطاقة
ازاي ده مش حل ؟؟؟

المشاركة الأصلية كتبت بواسطة mohamed

كلام صحيح طبعا ومشاركة مميزة بس يا ريت توضيح لسؤال ناس كتير هو احنا مرتباتنا زى بره عشان نتقارن بيهم ؟؟
وشكرا

المشكلة مش في المرتبات أخي الفاضل
المشكلة في القيمة الشرائية للجنيه المصري ضعيفة .. يعني قيمة الجنيه ضعيفة

ما أنا ممكن بكرة أطبع فلوس زيادة و أزود المرتبات و بالتالي يحصل تضخم علشان مفيش أنتاج مقابل لهذه الزيادة في المرتبات .و أيضا هناك طلب كبير على السلع بسبب الزيادة السكانية الرهيبة اللي مش بتحصل في أي دولة متقدمة و أي دولة ظروفها على أدها , شوف الدول اللي عدد سكانها ثابت ... النمو الأقتصادي فيها عامل ازاي ... و بالتالي القيمة الشرائية للعملة المحلية لهذه الدول بتكون عالية .

يعني لو هانتكلم على المرتبات
المرتبات هنا في مصر كعملة (وحدة عملة محلية ) هي هي زي برة

المهم الجنيه بيجيب أيه ؟؟؟ قيمته كام ؟؟؟؟

المشاركة الأصلية كتبت بواسطة amrelsaqqa

اسف يعنى
كلامك ده برضه عبث
وليه الانفجار السكانى مش عامل مشكلة في الصين واليابان والهند وكوريا ؟

الصين و اليابان و كوريا ......... اعدادهم ثابتة منذ عقود مضت و كلهم دلوقتي دول متقدمة

الوحيدة اللي مليانة فقر و تخلف هي الهند بسبب نفس السبب .

الصين عندها سياسة تحديد النسل منذ سبيعنيات القرن الماضي بالاجبار
في المدن طفل واحد و في الريف طفلين فقط لا غير .