-
مشكلة في تانك البنزين
السلام عليكم و كل سنة و انتم طيبين يا احلي منتدي
دلوقتي انا عندي مشكلة في اللوجي و هي اني دلوقتي لما اجي افول العربية بينزل بنزين من تحتهابعد التفويل و حبة حلوين يعني مش قليلين المهم بيخلي ريحة العربية كلها بنزين و انا ماشي.
انا شاكك ان التانك اتخرم المهم ركنت العربية يومين و هي فيها كل البنزين و بصيت تحتها ملقتش اي تسريب فعاوز اعرف ايه المشكلة و ايه الحل و لو فيه اي تكاليف للحل ده ممكن يكون كام لأني دلوقتي بطلت اقول عشان اتفادي الموضوع ده.
-
ايه يا جماعة هو الموضوع صعب للدرجة دي
-
و عليكم السلام و رحمة الله و بركاته
دا بنسبة 99 % جوان غطا طلمبة البنزين أو الغطا نفسه
حضرتك هاتفول تاني و أثناء التفويل هاترفع مقعد الكنبه الخلفيه و لو فيه فرش تحتها ترفعه و تبص علي الطلمبه تشوفالبنزين بيجي من الغطا لو كده ... يبقي حضرتك تجيب جوان و غطا أصلي و تركبهم ...يا ريت التركيب يبقي عند حد عنده زرجينة الغطا (أداه فك الغطا) علشان ميبهدلش أرضية العربيه و يفك بالطرق و علشان يركب بأحكام
و أبقي قولنا عملت أيه
بالتوفيق
-
بص يا باشا اولا كل سنة وانت طيب وباختصار زى ما الباشا قالك ف رده هو فعلا غطا طرمبة البنزين الموضوع عندى كانت العربية بتتخنق وانت عارف الصنايعية - اقتراحات وتجارب طرمبة لا حساس شكمان المهم طلع ماتور طرمبة - انا بقا فتيت وفكيت الصامولة البلاستك اللى رابطة الطرمبة حاولت بايديي مجبتش المهم بمفك وبعدين بالدق لغاية ما طلعت مهلهلة - اشتريت التركى ب55 ج مبتركبش و الاصلى ب225 ج واحتمال متركبش جبت المستعمل هى ب 100 جبتها ب55 ج بعد الفصال - جربتها وانا بشتريها لفت لفتين عند الميكانيكى مرضتش تركب بقت ملووحه لفيت ودوخت ع الصنايعية معرفوش يركبوها رحت لخراط فضل يوسع السن وف الاخر ربطتت بايدى وكملنا بالزرجينة فكت تانى - خلاصة الموضوع وانت بتفك الطرمبة لازم تتحل بالزرجينة - ولازم تتربط بيها برضوا - متنساش الجوان بيتباع لوحدة ابتداءا من 10 ج - بالمرة نضف المصفاة اللى ف الطرمبة
قبل ما افك الطرمبة كنت بشم ريحة البنزين ف العربية بعد التفويل ولما شيلت الفرش لقيت الغطا بيسرب
وبعد ما غيرت الصامولة وربطت لقيت البنزين نزل تحت العربية يعنى طفح من الطرمبة لانها متربطتش بالزرجينة - وحستنى بعد التان ما يفضى وحنزلة و اشوف سن التان لانه غالبا باظ ولازم يتمشط عند الخراط انا طولت عليك بس عشان الناس تستفاد م التجربة ومتغلطش وتلف زيي
وبالتوفيق ان شاء الله
-
شكرا للتفاصيل المهمة دي و ان شاء الله هجرب و اقولكم عملت ايه
-
ياريت ياحماعه صوره لشكل الزرجينه
-
طب اجيب الغطا او الجوان منين و مين اللي يقدر يركبهم هل الميكانيكي ولا حد تاني
-
-
Content Relevant URLs by
vBSEO 3.6.0 PL2