نور شنطة سيراتو 2014

**mzaki** · 05-07-2014 01:38 PM

السلام عليكم

نور الشنطة لقيتة بيرعش - بينور و يطفى - بشكل عشوائى ، و فجأة الفيوز ضرب و نور الشنطة و الصالون فصل، لما غيرت الفيوز الانوار رجعت حتة نور الشنطة اللمبة كانت سليمة.

المهم رجعت الفيوز اللى بايظ مكانة و رحت مركز الرواس فى العبور و حكتلهم القصة عشان يشوفوا اية اللى بوظ الفيوز ، كانت المفاجأة انهم قالولى خلاص اتصلحت
عملتوا اية ؟
غيرنا الفيوز.
طيب اية اللى بوظة ؟ مفيش رد، ببص على الفيوز لقيتهم ركبوا فيوز 10 امبير بدل ال7.5 اللى كان راكب من غير ميعرفش اساسا اللى بوظ الاول و بيقنعنى ان دا عادى ، بعد مناهدة غير الفيوز بفيوز صح.

المشكلة ، النور لسة بيلعب دلوقتى - وطبعا و انا فى مركز الخدمة بيشتغل زى القرد ، المشكلة دى ممكن تكون اية يا رجالة ؟

ملحوظة : انا عملت نفس البوست فى قسم الكهرباء ، بس حبيت احطة فى الكيا للأرتباط
شكرا

**shiko85** · 05-07-2014 01:53 PM

وعليكم السلام ورحمة الله وبركاته
هى دى وظيفه الفيوز انه يتحرق علشان يمنع اى مشكله فالكهرباء
و لما الفيوز بيكون ضعيف و بيتحرق بسرعه خصوصا لو فيوز بتاع حاجه مش عليها حمل كتير بيتغير بفيوز اعلى
المشكله عندك ممكن تكون من اللمبه نفسها حاول تغيرها و تركب ليد او تركب فيوز 10 زى ما هم عملوا و المشكله هتتحل ان شاء الله

**Hany Saad** · 05-07-2014 02:49 PM

المشاركة الأصلية كتبت بواسطة mzaki

السلام عليكم

نور الشنطة لقيتة بيرعش - بينور و يطفى - بشكل عشوائى ، و فجأة الفيوز ضرب و نور الشنطة و الصالون فصل، لما غيرت الفيوز الانوار رجعت حتة نور الشنطة اللمبة كانت سليمة.

المهم رجعت الفيوز اللى بايظ مكانة و رحت مركز الرواس فى العبور و حكتلهم القصة عشان يشوفوا اية اللى بوظ الفيوز ، كانت المفاجأة انهم قالولى خلاص اتصلحت
عملتوا اية ؟
غيرنا الفيوز.
طيب اية اللى بوظة ؟ مفيش رد، ببص على الفيوز لقيتهم ركبوا فيوز 10 امبير بدل ال7.5 اللى كان راكب من غير ميعرفش اساسا اللى بوظ الاول و بيقنعنى ان دا عادى ، بعد مناهدة غير الفيوز بفيوز صح.

المشكلة ، النور لسة بيلعب دلوقتى - وطبعا و انا فى مركز الخدمة بيشتغل زى القرد ، المشكلة دى ممكن تكون اية يا رجالة ؟

ملحوظة : انا عملت نفس البوست فى قسم الكهرباء ، بس حبيت احطة فى الكيا للأرتباط
شكرا

حضرتك عملت عين العقل أنك طلبت تركيب الفيوز بنفس القيمة (7.5 أمبير) و رفضت تركيب القيمة الأعلى (10 أمبير) و إلا كان هيأذيلك الضفيرة كلها
طبعاً العربية نازلة من بلدها متعاير فيوزها صح حسب الأحمال و لا يجب أبداً حل المشكلة برفع قيمة الفيوز لأن ده شغل ناس مش فاهمة
كلام حضرتك سليم مية فى المية....هما لم يبحثوا عن العيب اللى بيعمل الرعشة و اللى أغلب الظن هيكون حاجة بتلمس يأما لمبة الشنطة....يا لمض الصالون واحدة منهم يا سويتشات الأبواب أو الشنطة اللى بتدى إشارة للمض تنور....فيه تلميسه أو قفله هى اللى بتعمل الرعشة و تضرب الفيوز....تليمسه ما بين طرفين الكهربا.....
الموضوع عايز كهربائى بيفهم و عنده ضمير علشان يوجد العيب فين و يعزل الطرفين و تنتهى المشكلة تماماً
لو حضرتك كنت عملت أى شغل كهربا قريب (تركيب إنذار أو حساسات رجوع أو كاميرا أو ما شابه...) وارد قوى قوى يكون العيب من الشغل ده أن الصنايعى مقفلش شغله كويس

تحياتى

**besso** · 05-07-2014 11:52 PM

فيه احل ممكن تعملله بنفسك

تجيب افوميتر وماتحطش المفتاح فى الكونتاكت

وتفك فانوس الشنطه وتشيل الفيشه وتوصل طرفيه الافو عليها بس تكون قافل اللوك بتاع الشنطه بمفتاح (تزق السان نفسه وتقفله كانك قفلت الشنطه) وتشوف لو فيه short بينهم هايبان على الافو هاتتظبط الافو على وضع buzzer علشان لو فيه تلميس يعمل صوت صفاره

وغالبنا ممكن تكون الدوايه بتاعت اللمبه سايحه من الاطراف الداخليه فخلياهم ملمسين فى بعض بص عليها بردو