الموضوع: رحلة مع سياح الى الاهرامات

لا عادى المصريين طبعا :) ( ماعدا الاعياد )

وانت داخل ماتسمعش كلام اى حد من الى بيوقفك ويقولك الباب من هنا والدخول من هنا وهاتلاقيهم بيقفلولك الطريق ويقولولك التذاكر من هنا ومش عارف اية ( هاتوصل لانهم يقفولك قدام العربية ومش عايز يدخلك بس دوس بنزين وسيبك دول شوية عيال شمامين) اطلع بالعربية لفوق لحد ما تلاقى بوابة وفيها امن وكشك تذاكر على شمالك غالبا ( ماتاخدش تذاكر من الناس الى واقفين ولا اى حد ) ادخل اقطع تذاكر من الشباك وادخل من البوابة الحديد ب العربية ( ماتتدخلش مشى وماتسمعش كلام الناس الى واقفة) انا باحظرك هههههههه دة بجد كلهم نصابين وحرامية
لما تدخل البوابة الحديد هاتلاقى باركينك اركن فية وتمام وانزلو اتمشوا وعيشو بقى
الاسعار : الخيل لفة حوالين الاهرامات وابو الهول ( هايقولوك ارقام فلكية) بس هيا ب 50 ج : 40 ج ماتدفعش اكتر من كدة
ولو اخدتو الخيل ونزلتو ورا الهرم ممكن تتفق معاة ب الساعة ب 100 : 120 للفرد ودى كمان غالية بس تستاهل

خد معاكو ماية وبيبسى وكدة لان الموجودين جوة سخنين وغاليين

البس هدوم مريحة وشوز مريح لان الارض صخرية واسفلت ف هاتطلع عينك
طبعا هاتلاقى عينة ( تتصور مع ابو الهول يا باشا - واحد رخم بخيل يفضل ماشى معاكم ولازلق وعمل يقنعك بركوب الخيل - واحد بيبع كابات وتذكارات - حاجات كدة ) بس سيبك من كل دول انت ال مطلوب منك

تدفع التذاكر ( اسعارها مش غالية بس مش فاكرها للاسف) وتدخل جوة البارك ( انا ب ااكد عليك تدخل جوة البارك وبيكون لية بوابة حديد وامين شرطة واقف وانت داخل هايفتش العربية اديلة 10 ج وهو هايعديك بدون تفتيش) بعدين تنزل تاخدو لفة وتشوفو الدنيا اخبارها اية وبعدين تشوفو موضوع الخيل او الجمال وترجعوا من مكان ما خرجتو

للاسف كان نفسى اقولك كلام احسن من دة وتجربة احسن بس السياحة مضروبة والشوية الى يدوب بييجو العيال الشمامين دول بيطفشوهوم وان شاء الله تنبسطو