afh ,1400 cc twiny cam , كوردوبا 2001(استفسار ضروري بخصوص طقم شنبر )

**amranwar** · 05-07-2014 03:59 PM

السلام عليكم ورحمه الله وبركاته ، وكل سنه وانتو طيبين بمناسبه شهر رمضان ،

انا امبارح سمعت صوت تكتكه كدا في المكنه قولت يمكن متلته د غيرت البوجيهات برضوه فيها نفس المشكله ، ركنتها والصبح ببص. عليها لقيت تحتها زيت ،
المهم انا ساكن في العاشر من رمضان ومعنديش ثقه فى الصنايعيه اللي هنا ، بس قولت اروح برضوه اسألهم ايه المشكله اللي الموجوده فى العربيه . وكلهم اجمعو ان العربيه كاسره شنبر وعايزه نص عمره ، مع ان العربيه من ساعت ماجبتها لحد معملت صوت التكتكه دا كانت زى الفل والمكنه ملهاش صوتو اصلا والاداء كان عالي جدا .
فكنت عايز اسئال كذا سؤال كدا بعد اذن حضراتكو
. موضوع الشنبر دا هيتكلف كام تقريبا ومين احسن واحد ممكن يعملو
. هل المكنه هترجع زي ماكنت ولا تغير الشنبر دا هيقصر على اداءها وصوتها اللي مكنتش بحس بيه اصلا
. وياريت لو اعرف المكان اللي ممكن اشتري منه الشنبر والطلبات دي للمكنه بتاعتي
. وهل فيه حل افضل من اني اغير الشنبر ؟ يعني الموضوع يستدعي اني مثلا اجيب شورت بلوك ولا حاجه

وشكرا ليكو جميعااا

**Karim Ibiza** · 05-07-2014 04:50 PM

وعليكم السلام ورحمة الله

الشنبر ميعملش تكتكة
ياريت تقدر تحدد الصوت جاى من وش السلندر ولا من البلوكة
وشوف مقاس الزيت وقولنا الزيت اللى تحت العربية جاى منين بالظبط

الـ afh حاجته مش سهل تلاقيها بسهولة

**hossamalsadik** · 05-07-2014 05:18 PM

وعليكم السلام ورحمة الله ورمضان كريم عليك
طبعا الموضوع كده غريب طيب كان فى زيت على على سن البوجيه
هرد عليك على أعتبار الموضوع شنبر
الشنابر تجبها من عند ملك الشنابر فى التوفيقيه
الموضوع ده لما بيتعمل اقصد طقم الشنبر فقط
بتحتاج طقم شنبر + زيت ماتور + جوان وش سليندر ( وتجيب الاصلى ) وموجود أعتقد عند فتح الباب برمسيس
بيفك الكرتيره من تحت ويحل البساتن ويشدها من فوق ويركب الشنبر ويرجعه مكانه بس كده
بالنسبه لمين يقدر يعمل الموضوع ده اى ميكانيكى بيفهم بس كده ديه بالنسبه للصنعه لازم يكون عرفها
وعمتاً عندك الموضوع المثبت باسماء الورش والصنايعيه من تجارب الزملاء الاعضاء
http://www.nilemotors.net/Nile/365862-a.html
أو عندك موضوعى الخاص بالعمره
بس أرجع وأقلك لازم حد يكشف عليها الأول ممكن تكون حاجه تانيه
بالتوفيق

**SYD** · 06-07-2014 01:04 AM

مقياس الزيت بيقل مع الأستخدام ؟؟
ولو بيقل
بيقل قد أيه في كام كيلو ؟؟

**hossamalsadik** · 06-07-2014 01:19 AM

التكلفه مش هقدر احددها لاكن أعمل حسابك على ألف كله بالمصنعيه

طلما الماتور قبل ماتعمل الموضع ده كان أدائه كويس يبقى ان شاء الله طقم الشنبر هيظبط وترجع افضل من الاول كمان أنا مثلا مغيره مع حجات تانيه طبعا والحمد لله وفضله الكبس تمام واداء الماتور زى الفل
وأقصد بأدائه كويس يعنى الكرنك مظبوط السبايك الصبابات جميع أجزاء الماتور
بص فى ناس لما بتفتح الماتور بتكون ناويه بالمره تعمل اى حاجه فيه يعنى كوتش صباب اسطوانه او ديسك بلى شداد وماشابه وبتعمل حسابها على كده
عمتا لو هتعمل ماكنت تشتكى منه فقط مافيش مشكله

**SYD** · 06-07-2014 04:15 AM

المشاركة الأصلية كتبت بواسطة amranwar

ازيك يااستاذ سيد
. هو انا اصلا ممشتش بيها من بعد محستها مش مظبوطه لاني الصراحه معرفش هل عادي امشي ييها كدا ولا لا
، فمعرفش الزيت بيقل ولا ايه ، لكن لما فتحت المكان اللي بنحط منو الزيت لقيت فيه دخان ( والزيت لونو طبيعي مش طحيني يعني )

وشكرا جدا لاهتمام حضرتك

بخر الزيت والدخنة إلي حد ما بيكون طبيعي
وانا اقصد بوجه عام نقص الزيت
لأن الشنبر مش بينتهي في يوم وليلة - بيكون ليه مقدمات واهمها طبعاً نقص الزيت

تحياتي