Small note
Kia Picanto(EIT Warranty) package doesn't include ABS or EBD
check this please Kia Picanto | Kia Motors Egypt Official Website
عرض للطباعة
Small note
Kia Picanto(EIT Warranty) package doesn't include ABS or EBD
check this please Kia Picanto | Kia Motors Egypt Official Website
البيكانتو هاى لاين 108500
فتحة سقف - جنط 14 - فتحة سقف - فرش جلد وشكرا
ولا ايرباج ولا abs
انا راى خليك فى الاتراج
فيها واحد ايرباج و abs وجنوط 15 اسبور
موتور يابانى 1200 cc موفر جدا فى البنزين 3 سلندر 79 حصان
للأسف أنا مش عارف أوصل لمدى توافر قطع الغيار بتاعة السويفت وأسعارها
أنا لسة واخد بالي فعلا إنها مافيهاش إيه بي إس ولا إي بي دي ولا إير باج ... ولو أنا هافكر في الأتراج يبقى هاجيب السويفت بدون تردد فيها كل اللى الواحد يحلم بيه عدا فتحة السقف والفرش الجلد (والفرش الجلد ممكن يتعمل في أي حتة وفتحة السقف مش معضلة أساسا) وتقفيل تحفة من جوة بالنسبة لسعرها ...
في نقطة كمان أنا مش متأكد إذا كان السويفت فيها إيموبيلايزر ولا لأ ...وإير باج واحدة ولا أثنين
انزل شوف العربيات على الحقيقة لأن مواصفات كونتاكت مختلفة عن الواقع
كده كده انت لما تشتري حترو التوكيل
فنزله للتوكيل قبل شراء و خد بصه
و نزلة على النت شوف العربية متشابهة في قطع العيار مع أيه
الفرق مغري و دي ياباني و دي كوري
غاضل نقطة قطع الغيار
أعتقد لو موجود و غاليه مش مشكله لأانك كسبان فرق قيمة كبير
أنا أقصد جنوط سبور ... لأن الفئة اللى قبلها جنوط عادية حديد
أنا فعلا نزلت شفتها بس الهاتش باك السويفت لسة هاتنزل على الاسبوع الجاي ... والسيدان بتاعتها تقفيلها أحلى من البيكانتو بكتير من جوة
أنا فعلا نزلت كذا مرة وشوفت العربيتين كذا مرة ... وشغلت البيكانتو ونعمومة متورها ملحوظة جدا وهادية وجميلة ... بس للأسف معرفتش أشغل السويفت علشان كانت جوة صالة العرض وقالي ممنوع تشتغل جوة عشان العادم والتكييف
اللى اتأكدت منه انهاردة إن السويفت فيها إيموبيلايزر و abs, ebd واثنين إيرباج ... البيكانتو مافيهاش أي حاجة من الكلام ده خالص عدا الإيموبيلايزر ... يعني بيبيع صندوق وموتور وعفشة بـ 108 ونص ألف ... مافيش جدال إن تقفيلها أحلى من عربيات كتير فعلا هل الفارق يستاهل فرق الفلوس دي كلها ... وكمان أهه السويفت تقفيلها أحلى منها برضه وأرخص 10000 جنيه .. ومجهزة بكماليات وعوامل أمان أكتر بكتير
النقطة الوحيدة اللى أنا خايف منها مدى توافر قطع الغيار في السوق ... مش في دماغي سعر إعادة البيع ... لأني لو حطيت في دماغي الفكرة دي يبقى مش هاخرج عن أربع ماركات في السوق المصري كيا وهيونداي وتويوتا وميتسوبيشي ... وأنا مابحبش تويوتا وهيونداي ... وكيا أسعارها مبالغ فيها بالنسبة للي حواليها زي السويفت وميتسوبيشي مافيهاش اللى أنا عايزه اساسا برغم إني بحب الماركة دي فعلا
يعني أشتري عربية أغلى بـ 10000 جنيه ومتنفضة من الكماليات بتاعتها وكوري وأنا عندي عربية ياباني تاتية أرخص منها بالفرق ده كله وفيها كل حاجة عدا فتحة السقف والفرش الجلد
ربنا يسهل الأمور بإذن الله
متابع معاك يا باشا - بس انا ماعرقش السويفت دى حتى شكلها ايه و لا مواصفاتها و لا صناعه وتأفيل فين
لو عندك اي معلومات او رابط ليها يبقى كتر خير
بسم الله الرحمن الرحيم
الأخ الفاضل الدكتور أيمن
أنا عندى ماروتى منذ 5 سنوات و كنت مواظب بشكل دقيق على الصيانه مع الوكيل مودرن موتورز حتى إنتهى الأمر بتحرير محضر ضد الشكره فى جهاز حماية المستهلك بل وإن الأمر وصل إلى أننى كنت على وشك إستدعاء الشرطه إلى داخل مركز الصيانه الرئيسى بأبو رواش. و تستطيع سؤال كل من تعامل مع مودرن موتورز لتعرف إلى ما وصل إليه مع هذا الوكيل.
آسف على المقدمه الطويله و لكنها ضروره لتعرف ما قد تقدم عليه.
بالنسبه لى أنا فأنا أرى و بشكل شخصى الآتى :
1 - مودرن موتورز هى المسؤله عن غياب سوزوكى عن السوق المصرى (بإستثناء الماروتى) . . . هل تعرف لماذا؟ . . . لأن الماروتى هى الموديل من سوزوكى التى لا تحتاج فيها لمراكز صيانة مودرن موتورز نهائيآ ولولا مودرن موتورز لكانت كل موديلات السوزوكى فى كل حاره و شارع فى مصر و لوجدت الشركات المنافسه صعوبه بالغه فى التسويق
2 - أرى من وجهة نظرى أن السويفت الجديده الهاتش باك أفضل من البيكانتو فى كل شىء بمعنى الكلمه و حرفيآ. حتى و إن تساوت السيارتين فى بعض النقاط تظل الإعتماديه و العمر الطويل و الآداء القوى للمحرك لصالح السويفت
3 - و لكن ربما تتفوق البيكانتو على السويفت فى الإرتفاع عن الأرض
تستطيع أن تشترى قطع الغيار من منفذ بيع قطع الغيار لشركة مودرن موتورز بشارع المساحه بالدقى و تركيبها بأى مركز صيانه للسوزوكى. و منها على سبيل المثال مثلآ مركز المهندس محمد أمين بباب اللوق أو أى ميكانيكى محترف.
أما عن توافر قطع الغيار. فستكون متوفره بشكل متقطع فى منفذ بيع قطع الغيار و بشكل دائم داخل مراكز الصيانه (فى حالة الإضطرار لذلك).
أم إن أحببت أن تريح بالك من كل هذا و تفضل أن تسلم سيارتك للوكيل ثم تستلمها بعد 4 أو 5 ساعات بغض النظر عن التكلفه أو كفاءة الصيانه فعليآ فالبيكاتو أفضل لك.
أعتذر عن الإطاله
هداك الله لأرشد أمرك و أقومه
السلام عليكم ورحمة الله و بركاته
خليك في السويفت يادكتور .. البيكانتو حرام فيها الفلوس دي كلها وكمان مفيهاش اي عوامل امان