الموضوع: صحيت اليوم علي خبر "جميل" بلاغ في مباحث الكهربا وغرامة شهرية

العمارة اللي انا فيها فيها مشكلة ان العدادات راكبة للدور ال 13 اما من الدور ال 14 الي 16 لا عداد لهم "مباني قبل الثورة بدون تراخيص طبعاً"

وبالبحث والسؤال وجدنا ان المقاول الله ينتقم منه كان دافع رشوة علشان العدادات تركب و مفيش عداد 360 وسارقين من العمومي عشان تشغيل الاسانسير

والان تم تبليغنا ان هناك من ابلغ عننا انه لا توجد عدادات لدينا في مباحث الكهرباء وتم الاتصال من احد الموظفين وابلاغ مسئول اتحاد الملاك ان هناك غرامة علي كل الشقق التي بدون عداد وانا منهم وهناك 4 اشخاص اخرين وهناك شقتين علي الطوبة لسة مدخلهمش كهربا

المفروض ندفع غرامة فورية 1000 جنيه عن كل شقة ودي مش القصة

القصة اني مش مقيم في الشقة دي والمفروض ادفع ال 1000 جنيه بالاضافة ل 100 جنية غرامة شهرية
فهل هذا عدل يعني ادفع 1200 جنية سنوياً لشقة مغلقة لا اسكن فيها

الحل ايه في المشكلة دي لأصحاب التجارب مع شركة الكهربا!!!! و السادة المحامين كيف نحل هذه المشكلة افادكم الله.

وجزاكم الله خيراً

دفعت ال 1000 جنية غرامة ومفيش فيها اي تفاهم
تدفع من غير ولا كلمة

مهما قولت"يا جماعة الشقة مقفولة وانا مش مقيم فيها ومفيهاش عفش حتي"

لازم تدفع الالف جنية

وبالنسبة للغرامة الشهرية 106 جنية هدفعها برده !!!!!

لا ممكن تفصل الكهربا عن الشقة يعني تقطع الكابل الرئيس اللي داخل الشقة

عارفين كل ده بقي رغم اني عايز اعمل عداد بقالي سنين لكن المقايسة الرئيسية اللي راكب بيها عدادات شقق ال 13 دور ضاعت في الشركة "ملف العمارة ضاع"

حاجة تضحك صح !!!!!!!
يعني بسبب اهمال موظفي شركة الكهربا ادفع انا وغيري غرامة نتيجة اخطائهم

لكن ده كسل وتقصير مني برده كان المفروض اجتمع مع الناس ونشوف محامي يخلص القصة دي ويتصرف مع الشركة ونركب العدادات زي بقيت الناس