الموضوع: اريد معرفة مميزات و عيوب كورولا 2006 و الاسعار اية

المشاركة الأصلية كتبت بواسطة boing

عاوز تركب اوتو ابدا ب 2000 سي سي وانت طالع

أخالفك الرأي في النقطة دي يا باشا ... الكلام ده لا ينطبق نهائي عل الكورولا 1300

يمكن المعلومة دي صح في اللانسر 1300

لكن أنا مش حاسس بأي نقص من إن الموتور 1300 وأوتوماتيك

المشاركة الأصلية كتبت بواسطة boing

عاوز تعرف مشكاكل الكورولا اقولك
1 عفشتها مش مرنه وتحس بكل نقرة في الارض لو انت اللي سايق
2 نظام التوجيه بتاع الكورولا اللي هوا الدركسيون خراااا كل فتره عاوزة زوايا
ده لو انت هتستخدم العربيه كتير زيي
3عدم الثبات طبعا بس الكلام ده هتبدا تحس بيه على 140 وده مش عيب اوي لان فين الطريق اللي هيمشيك مثبت على 140 سرعتك
4بعد سرعة 100كم بتحس انك راكب عربيه نقل صوت ما كنتها مش معزول عن االصالون بس مش بالصورة اللي انت متخيلها وهوا مزعج اه بس هتتتعوووووود
5الفتيس والدبرياج في المانيوال فيهم خشونه عن اي فتيس في عربية تانيه

المشاركة الأصلية كتبت بواسطة Abdo_Eldesokey

العيوب :
- الثبات مش قد كده لأن العفشة ناعمة جدا ً فتلاقي العربية عمالة تتطلع وتنزل ع الطريق
- عايزة تربيط عفشة وزبط زوايا كل شوية ، انت ومشيك طبعا ً

المشاركة الأصلية كتبت بواسطة boing

ياجماعه والله عربيتي العفشه فيها كل شهر عايزة تربيييييييييييييييط
زهقت
يمكن عشان الجنووط اللي انا مركبها
وبعدين انا استخدامي للعربيه صعب عن اي حد فيكم
انا عملت 80 الف في سنتين

والثبات طبعا مش اد كده بس معرفش ليه المصريين بيتحاكو بثبات الانسر
ركبتها ما بتفرقش عن الكورة في حاجه
المهم نعومة الطريق
وفيه نقطه مش لاقيكم متفقين معايا فيها وهيا اني بحس بكل نقره عالطريق والله
عملت زوايا وعملت اتزان وترصيص وبردو مفيش فايده

كلام مظبوط جدا
أنا ليه واحد صاحبى معاه كرولا 2004 و بيشتكى دايما من إن عفشة العربية مش مرنه و بحتاج عالطول تربيط عفشة و إلا بتحس إن العربية مفككة
يعى من الاخر العفشة مش بتاعة بهدلة

و فعلا الفتيس و الدبرياج فيه خشونة شوية

لكن بالنسبة للعزل فعزلها حلو و أفضل كثيرا من اللانسر لكن أقل مثلا من الميجان أو الأسترا

هاي يانوبودي
شكرا على تفاعلك وردودوك معانا

انت بتقول وسعت شويه
هقولك خش على اليو تيوب ودور وهتلاقي بنفسك

ثانيا مش عراف حد قال تقريبا حتى الانسر 1600 مانيوال ما اقدرش عليها

هقولك على موضوع
بعد ما جبت عربيتي ناس كتير قعدت تتيريأ وقلتلهم االموضوع ده
انا كنت عايش في السعوديه وشفت موضوع 2000 و1300 بعيني
والاتنين كانو مانيوووووووووووووووووال

بعد حواري بقا واحد صاحبي جاب لانسر 1600 اوتو كانت عاملة 700كم بسسسسسس
وانا كنت عامل 55000 كم طلعنا وجربنا نشد
بصراحه اتكسف يرجع لاصحابنا ويحكيلهم على اللي عملتو فيه علما اننا كنات بنشد من الثبات مش غرز ومهارات
وكنت اخليه يجي جنبي على 140 وبخيطو تاني

المهم قالي اصلي انا اوتو قلت ماشي
بعدها بفتره بردو كان زيك كده جابلي واحد صاحبو معاه لانسر 1600 مانيوااااااااال المرادي
وطلعنا عالخط وصاحب الانسر كان شاب كبير حوالي 35 سنه وسواق ماهر مش اي كلام

كانو بردو بيترياو على الكوكو بسبب موضوع وسعت منك دي

طلعنا تاني وشدينا وياريتني خليت حد المرا دي يصور عشان اعرفك الفرق في الشد

بعدها بردو ما نتهاش الموضوع جربت الشد مع اوكتافيا خيطو بردو
وجربت مع جيتا تعبني جدا بس غلبتو
جربت بردو مع الانترا مفيش وجه مقارنه


االلي علمو على الكورورلا عربيتين اتنين بصراحه
نيسان تيدا مانيوال
وبيجو 307 ما قدرتش عليهم

ياجماعه نصيحه محدش يستهون بالكورولا جربو الحرق بسي عليها هوا اه حرام على المكنه
بس التحدي ما بنعملهوش حدود

واللي عاوز يجرب يكلمني ونتقابل اوي يشوف حد من معارفو معاه كورولا حالتها حلوة

وده بقا تقريبا يا نو بودي
اللي بهدل الرشاشات عندي يمكن
لاني بشد كتير اوي وبسقط غيارات على سرعة160كم

السلام عليكم يا شباب
و الله انا متشكر ليكو جدا علي المعلومات دية بس انا كنت عاوز اجيب 1600 اتوماتيك بس مش لاقي و لو لقيت تسمع ارقام غريبة 117 الف و كلام عبط كدا و بعدين لاقيت 1300 كتير بس انا تعبت من ال1300 خلاص لان ال 1600 احسن عشان التكييف طبعا و اخيرا استقريت علي لانسر 1600 super actionومش عارف اركب اية اعتقد ان الانسر 1600 كويسة اية رايكم

والله يا كريم منير الكلام اللي بقولك عليه مظبوط

مش بس انا انا معظم شلتي كلهم جايبين كورولا بعد الهوجه اللي حصلت في السوق بالنسبة للكوكو اللي بقت في كل شارع اكتر من اي عربيه
وهقولك على حاجه كمان يمكن تكونو متعرفوهاش
الكورولا اللي هو الشكل اللي معايا 2006
ولحد 2007
حققت مبيعات عمرها والله ما حصلت في تاريخ اي عربيه ف يالدنيا
ودخلت موسعة جينيس كمان

انا عارف ان الكوكو عمليه
وان مميزاتها غلبت عيوبها عشان كده انا اشتريتها
بس الكلام اللي بقولك عليه لو ركبت عربيات تانيه
هتحس بيه
لانكم هنا في مصر الكورولا والميجان والاوبل والباسات واللفوكس والانسر كل دي عربيات فئة متوسطه ولازم تلاقي فيها عيوب
سواء من ناحية عزل او ثبات او مرونه او او او

لكن لو ركبت بقا ماكسيما او افالون او ماجنا او لومينا
بردو دي عربيات فئة متوسطه بس اعلى شويه من مثلاتها هتلاقي بردو فيها عيوب

لكن انا قلت اللي للكوكو واللي عليها لاني مجربها بقالي 2سنتين ونص بالظبط
مش بس كده جربت كل عربيات اصحابي الكورولا والعيوب نفسها هناك بردو

طبعا لكاتب الموضوع الرئيسي بقا اقولك

كورولا 2006 اوتو 1600 عربيه ما شاء الله حلوة واحسن مليون مرة من 1300
الهورس باور عندك هيبقى 110
بس لو جبتها مانيوال هتدعيلي والله

بالنسبة للاسعار انا عراف ان بقا مبالغ فيها فعلا بالذات الكورولا الاوتو
انا عاوز ابيع عربيتي عشان بفكر اجيب افينسيس
مش جايبالي سعر حلو عشان ما نيوال
مش عارف الناس كلها اتعودت على الانتخه

ربنا يوفقك وتلاقي العربيه اللي تانسبك وخليك واثق مفيش عربيه هتديك اللي فدماغك ميه في الميه

انا متفق مع الاستاذ كريم منير بالنسبة للكلام اللى قاله عن العربية
انا معايا كورولا 2007 مانيوال 1300 سى سى وبقالها معايا سنة وشهر تقريبا وعملت بيها 25 الف كيلو .... العربية ما شاء الله ناعمة جدا على الطريق وعمرى ما اشتكيت من العفشة والعزل بتاع العربية أكثر من ممتاز واستهلاك الوقود رهيب حتى اللى عندهم ياريس عمرهم ما يقدروا يحققوه
بصراحة العربية ممتازة

ولكن توجد بعض الملاحظات يجب ذكرها:

1- التوكيل بيستهبل فى الفلوس وفى التعامل (تعاملت معاه حوالى 4 مرات لغاية دلوقتى)
2- الثبات بيكون بشع بعد 130 (بس تقدر تقول لى ايه طريق فى مصر تقدر تمشى عليه لغاية 130)
3- دهان العربية ضعيف جدااااااااااااااااااااااا اااااااااااااااااااا

ولكن فى المجمل تقدر تقول ان العربية ممتازة
شكرا