لو سمحتو يا جماعة عايز اعرف مميزات و عيوب الكورولا ال2006 لاني بفكر جديا اشتريها مع العلم اني بسافر كتير
لو سمحتو يا جماعة عايز اعرف مميزات و عيوب الكورولا ال2006 لاني بفكر جديا اشتريها مع العلم اني بسافر كتير
اولا انت عاوزها ما نيوال ولا اوتو
لان كل فتيس عربيه تانيه غير التاني
يعني هقولك
انا معيا كورولا 2006 مانيوال
عاوز تعرف مشكاكل الكورولا اقولك
1 عفشتها مش مرنه وتحس بكل نقرة في الارض لو انت اللي سايق
2 نظام التوجيه بتاع الكورولا اللي هوا الدركسيون خراااا كل فتره عاوزة زوايا
ده لو انت هتستخدم العربيه كتير زيي
3عدم الثبات طبعا بس الكلام ده هتبدا تحس بيه على 140 وده مش عيب اوي لان فين الطريق اللي هيمشيك مثبت على 140 سرعتك
4بعد سرعة 100كم بتحس انك راكب عربيه نقل صوت ما كنتها مش معزول عن االصالون بس مش بالصورة اللي انت متخيلها وهوا مزعج اه بس هتتتعوووووود
5الفتيس والدبرياج في المانيوال فيهم خشونه عن اي فتيس في عربية تانيه
كفايه بقا كده مشاكل ظلمت حبيبة قلبي الكورولا انا كده
طبعا مش هقدر اوصفلك مميزاتها مع ان عيوبها مش بالدرجة اللي تخلي حد يكرهها
1 الاقتصاديه في البنزين بطريقه غريبه وعمرك ما هتلاقي زيها حت ىالياريس بتستهلك بنزين اكتر منها
2العزم بتاع المانيوال ماشاء الله من غير حسد تطلع على اي عربيه في السوق برغم انها 1300 تخيل بقا 1600 مانيوال
3 تجميع العربيه وانت ماشي على طريق سريع بيبقا سريع ومش هتتعب انك تجمع سرعتك تاني ابدا اخرك تلمس سنة دبرياج بس وهتشوووووف
4اتقفيلها الداخلي روعه ماشاء الله هيعيش معاك وقت طويل جدا
5كفاية الاسم بس كورولا
بردوحضرتك ما حددتش بياناتك خالص
انت عاوزها 1300 ولا 1600 عشان اقدر افيدك بالسعر
كان معاك ايه قبل الكرولا يا اخ بوينج؟؟
بالنسبه للعيوب
1-حرااااااااااااااااااااااا ااااااااااااااااااام عليك :) بس كدا كفايه :D
2-معرفش
3-ممكن بس انا عندي لأ (يمكن عشان انا معايا الفول اوبشنز الي فيها اسبويلر و جنوط رياضيه فالثبات احسن شويه)
4-يعني متفق 30 % مثلا بس مش بالوصف ده خالص مش للدرجادي يعني اركب الانسر و انت تعرف يعني ايه عزل وحش :) مع الاعتزار لجميع ركاب الانسر
5-متفق
انا معايا كورولا 1.6 2007 فول اوبشنز مانوال
بالضبط كده يعني واحد صاحبي معاه كوكو 2005 وكان لافت إنتباهي عزلها لكن بعد أما ركبت اللانسر عرفت يعني إيه عربية بدون عزل نهائيا ولقيت عزل الكورلا بالنسبلها فرق كبيييراقتباس:
4-يعني متفق 30 % مثلا بس مش بالوصف ده خالص مش للدرجادي يعني اركب الانسر و انت تعرف يعني ايه عزل وحش :) مع الاعتزار لجميع ركاب الانسر
في رأيي مميزاتها:
1- توفير جاااااااااااااااااااااااا ااااااااااااااااااااااااا مد للبنزين اللانسر بتاخد أدها مرة ونص بالضبط لنفس السعة اللترية
2- عفشة ناااااعمة جدا تحس إنك ماشي على سجاد مش أسفلت
3- كوالتي المواد الداخلية ممتازة
4- إعتمادية بدرجة أولى صاحبي ركبه ولا كأنه راكب حمارة كمل بيها 120 ألف ومودهاش التوكيل ولا مرة ومغيرش غير الحاجات الدورية فقط
5- المتور صوته هادي جدا ومش خشن زي عربية تانية ؟؟
العيووووب:
1- بتتنطط شوية على الطريق وثباتها يعني
2- عزل مش قوي بس مش زي اللنسر نوهائي
تقريبا هي دي العيوب إللي لفتت إنتباهي
آه صحيح في عيب مهم نسيت أقوله العربية بتفطس عند تحميلها بعدد الركاب الكامل وساعتها بتحك على المطبات
وسعر 2006 1300 أوتو في حدود ال 90
الصراحة عربية مش خسارة فيها الفلوس أبدا ً
المميزات :
- عفشة ناعمة جدا ً ، تحس إنك راكب الموج مش ماشي في الشارع
- التقفيل الداخلي ممتاز ، والخامات فخمة
- متحسش أبدا ً إن ده موتور 1300 ، سحب ممتاز
- العزل أحسن من اللانسر بكتير
- السحب مش بيتأثر كتير بالتكيف
العيوب :
- الثبات مش قد كده لأن العفشة ناعمة جدا ً فتلاقي العربية عمالة تتطلع وتنزل ع الطريق
- عايزة تربيط عفشة وزبط زوايا كل شوية ، انت ومشيك طبعا ً
- زي ما شاهين - بنز قال بردوا ، لو حملت العربية هتحس إنها قعدت على الأرض
- طبعا ً استهلاك البنزين عادي في الأتوماتيك مش مميز ولا حاجة ، لكن في المانيوال معنديش فكرة
نصيحة يا باشا ، حرام تركب كورولا مانيوال لأنها مش عربية سبور ، دي عربية عشان تريحك وانت ماشي فمش هتحتاج الشد والحرق في حاجة ، هات أوتوماتيك أحسن والسحب بتاعه كويس بردوا
ياجماعه والله عربيتي العفشه فيها كل شهر عايزة تربيييييييييييييييط
زهقت
يمكن عشان الجنووط اللي انا مركبها
وبعدين انا استخدامي للعربيه صعب عن اي حد فيكم
انا عملت 80 الف في سنتين
والثبات طبعا مش اد كده بس معرفش ليه المصريين بيتحاكو بثبات الانسر
ركبتها ما بتفرقش عن الكورة في حاجه
المهم نعومة الطريق
وفيه نقطه مش لاقيكم متفقين معايا فيها وهيا اني بحس بكل نقره عالطريق والله
عملت زوايا وعملت اتزان وترصيص وبردو مفيش فايده
اصحابي السعودينن برغم ان الطرق هناك انظف مليون مرة من هنا قالولي كل الكورولا كده هتحس فيها باي نقرة تحت الكوتش حتى في الكورولا 1800 الفل ابشن
طبعا كل العيوب اللي قلتها دي انا عراف انها عيوب اي كلام وممكن نغفر للكورولا طالما بتدينا مميزات اكتر من العيوب وهيا ادي النقطه اللي دورت عليها عند قراراي شراء سياره
لاقيت الكورولا افضل من غيرها برغم كان قدامي من سنتين الانسر 1600 فل ابشن كامله اوتو جلد جنوط سبويلر فوجات سي دي وووووووو كان سعرها 112500 الف جنيه
انا بقا اشتريت كورولا مانيوال 1300 الاوشن الفل العادي اللي من غير سي دي ولا جنوط ولا سبويلر ولا اي بي اس ب 109000
تخيلووو وكان بايدي اجيب الانسر وانا اللر رفضت عارفين ليه
الانسر في السعوديه 2000 سي سي مانيوال ما بتقدرش على الكورولا 1300 مانيوال
واللي عاوز يتاكد يسال
بالنسبة بقا لسعر الكورولا ال 2006
اولا على حسب الفتيس وعلى حسب الحاله وعلى حسب عداد الكيلومترات
وبما ان الكورولا عربيه بتستحمل جدا هتاخد 2006 هتحس انها لسه بكفاءتها
السعر يتراوح للمانيوال من 88 الف لحد 93 الف
الاوتو من90 لحج 95 الف تقريبيا
ونصيحه مني الاوتو في اي عربيه 1300 سي سي حرام تجيبو
حتى في 1600 مش حلو بردو
عاوز تركب اوتو ابدا ب 2000 سي سي وانت طالع
المانيوال اوفر من الاوتو في استهلاك البنزين بكتييير واتاكد من الشباب