سؤال للمهندس سبعاوي وخبراء النيسان صني

**mado_1977** · 16-10-2008 04:31 PM

السلام عليكم ورحمة الله وبركاته
انا ليا سؤال ومحتاج اجابه من خبير انا اشتريت نيسان صني ex منذ حوالي سنه موديل 2008 زيرو وعملت الي الان 45000 كيلو وليا صديق استلم نفس العربيه في نفس الفتره تقريبا وعربيته عمله لحد دلوقتي 17 الف كيلو المشكله اني لما بسوق عربيته بحس بالتسارع بتعاها جامد والعربيه جرايه اما عربيتي بحس انها مخنوقه اوي ممكن حد يرد عليا الموضوع ده ليه علما بان السياراتان اتوماتيك

**mrbond88** · 16-10-2008 05:50 PM

طبعا هو نفس الموتور فاكيد مفيش فرق في العربية
بس ممكن يكون انت سواقتك هادية مثلا فالموتور مش متفتح
انا طبعا ممكن اكون بفتي
فانت روح اسأل في التوكيل و شوف؟
وان شاء الله تتصلح

**Nissan** · 17-10-2008 03:21 PM

غالبا هيكون عندك ال IAHC فى مشكله و ده الأيديال أكتويتور تروح التوكيل و تقول عايز أنضفه و أعمله Learning
و طمنى على النتيجة

**mado_1977** · 18-10-2008 02:24 AM

شكرا يا جماعه انشاء الله هاعمل اللي قولته عليه وهاقولكو ا

**sab3aawy** · 22-10-2008 01:47 PM

المشاركة الأصلية كتبت بواسطة Nissan

غالبا هيكون عندك ال IAHC فى مشكله و ده الأيديال أكتويتور تروح التوكيل و تقول عايز أنضفه و أعمله Learning
و طمنى على النتيجة

معلش انا بس مش قادر اربط العلاقة بين الأيدل اكتويتور Idle actuator والتسارع لأن معلوماتى ان الأيدل مسئول عن ظبط الآر بى ام بتاعة السلانسيه عن طريق التحكم فى كمية الهواء الداخلة للمحرك لما يكون على السلانسيه، واللخبطة فيه بتخلى المحرك مش مظبوط فى السلانسيه او الآر بى ام بيلعب لما اكون بشيل رجلى من على الاكسراتير كما انه ممكن يلخبط النقلات فى الجير الأوتوماتيك، لكن اللى اعرف انه ممكن يؤثر فىالتسارع هو حساس التى بى اس او الايرماس او حساس الأكسجين ، فلو الصورة عندى مش كاملة بشأن بلف الأيدل وعلاقته بالتسارع ياريت توضحها حتى تكتمل المعلومة لدى الجميع ويبقى لك جزيل الشكر

**sab3aawy** · 22-10-2008 01:59 PM

اما بالنسبة لصديقنا صاحب المشكلة فانا بقترح عليه قبل اى مصاريف فى التوكيل انه يجرب منظف الرشاشات

علبة منظف رشاشات ويا حبذا لو كان بريستون او Stp ، وممكن كمان سناب او جانك على تفويلة بنزين ، وياسلام لو مشوار سفر معاها وبعدين شوف النتيجة، لو المشكلة اتحلت يبقى بها ونعمت، متحلتش نفكر فى الحساسات والقصص المتعلقة بها

**mado_1977** · 22-10-2008 08:00 PM

جزاكم الله خيرا كثيرا علي مجهودكم وتجاوبكم واخلاصكم
محمد الخضري

**Nissan** · 24-10-2008 02:55 PM

عملت فى توكيل نيسان لفترة و عن تجارب حساس الإيديال هو سبب المشكلة دى

و لو رجعت ردى يا استاذ سبعاوى هتلاقينى بقول أنضف الإيديال و معنى كدة ال Throttle Body كمان و أعمله Learning و بالطبع أظبط ال TPS

**sab3aawy** · 25-10-2008 03:26 AM

المشاركة الأصلية كتبت بواسطة Nissan

عملت فى توكيل نيسان لفترة و عن تجارب حساس الإيديال هو سبب المشكلة دى

و لو رجعت ردى يا استاذ سبعاوى هتلاقينى بقول أنضف الإيديال و معنى كدة ال Throttle Body كمان و أعمله Learning و بالطبع أظبط ال TPS

على فكرة انا والله مش بشكك نهائيا فى كلامك، لكن انا فعلا حابب افهم، على اساس لو معلومة فايتانى اضيفها وبكدة تكتمل المعرفة للجميع

الموضوع: سؤال للمهندس سبعاوي وخبراء النيسان صني

LinkBack

أدوات الموضوع

عرض

سؤال للمهندس سبعاوي وخبراء النيسان صني - انشر الموضوع فى :

-

-

-

-

-

المواضيع المتشابهه

سؤال لمالكى وخبراء البومة

نداء عاجل للمهندس سبعاوي

سؤال لمالكى وخبراء a113

استفسار للمهندس سمير وخبراء المنتدي

سؤال لسبعاوى وخبراء الفيات

الكلمات الدلالية لهذا الموضوع

المفضلات

المفضلات

ضوابط المشاركة