عرض للطباعة
ايه فرق بين اكسل 1500سى سى و1300سىسى
هل تفرق عشان التكيف للازم محرك يكون 1500 ولا ايه
انى عايز اشترى سياره اكسل مش عارف 1500 ولا 1300
انى عايز سياره تكون فيها: التكيف - باور- سنتر هل حاجات دى مش 1300سىسى ولا ايه
معليش انا جديد فى عربيات اول مره اجيب عربيه فى حياتى انا مهم عندى التكيف وتكون باور
ياريت اعرف موديلات كويسه فى اكسل1500او1300سىسى
واسعارهم كام فى سوق وشكرا
كمان بسمع لمه ناس لمه تجيب عربيه مستعمله تصرف عليه 1000ج او 2000ج مش عارف ليه
يعنى للازم مجيب عربيه اتصرف عليه
شكرا لكم
السلام عليكم
الاختلافات اللي فاكرها غير فرق الموتور 1300 و ال 1500
ال 1500 فيها زيادة سبويلر وسنتر وازاز كهربا وفتح التنك من الداخل بدون مفتاح دول اللي فاكرهم, والأسعار حتكون في الثلاثينات حسب نظافة العربية.
احنا كن معانا 1300
واقولك الفرق
ازاز كهرباء ..تكييف .. باور...فتح الشنطة والتنك من الداخل .. اسبويلر ..بس كدة
اقتباس:
المشاركة الأصلية كتبت بواسطة قلب الاسد
شكرا على تواضح
معليش فى حاجات عايز اعرفه
الاول انا ان شاء الله عايز اشترى عربيه سياره اكسل انا لسه بتعلم سواقه عشان اشترى عربيه مش عارف لى تنفع لى اكسل 1500سىسى ولا 1300 سىسى انا لى عاوزه من عربيه التكيف وباور دول اهم حاجه عندى التكيف وباور هل اكسل 1300فىها التكيف ولا انى شوفت كلام ناس على النت ان1300بيكون فاضيه خالص
فامش عارف مش عايز اجيب عربيه تزهقنى ...... ناس راشحت لى اكسل انه قطع غيار رخصيه وكويسه مناسب اسره او شغل فى ناس راشحت لى عربيه السوزوكي سويفت تقول كويسه
كمان عايز اعرف مناسب لى انا لسه جديد 1500سىسى ولا 1300سىسى
كمان حساس ان كبوت اكسل1500سىسى طويل شويه عن 1300سىسى خايف انى لسه جديد معرفيش احدد ابعاد عربيه
عايز اعرف عربيه اكسل متعبه فى تصليح وكده ولا كويس لواحد لسه جديد
شكرا
ممكن حد يرد على سوالى
الاكسيل ال 1300 زى ال 1500 فى الكبوت
وهات ال 1500 عشان تستحمل معاك التكييف وانت مشغله
والزجاج الكهربا مهم اوى
هات ال 1500 هتكون افضل كتيييير اوى من 1300
وياريت كمان لو موديل خليجى او كورى مش مصرى
واهم حاجه تكون عربيه كويسه مش محتاجه مصاريف وماتورها يكون كويس ودى مهمة اوى
ولازم يكون معاك ميكانيكى وانت بتجبها
قطع غيارها اسعارها كويسه جدااااااااااا
ال 1500 الحاله الكويسه ب 35 الف ومتقلش ابدا عن 33 الف
بص يا اخ قلب الاسد اولا العربيه الاكسيل بتستحمل جدا وقطع غيارها رخيصه ثانيا هات موديل 1995 او قبل كدا عشان من اول 1996 تقفيل مصرى هاتها 1500 cc عشان تحس انك راكب هيونداى وهاتها تكييفها شغال وبللاش كلمه محتاج كباس ولا شحن حتوجع دماغك تمام هاتها بشنطه مش هاتشباك عشان الهتشباك حتخسر فيها لما تيجى تبيعها واخر حاجه اتاكد من ان دواخلها من عند الموتور نضيفه وركب المساعدين من تحت سليمه ومش ملحومه وان صدر العربيه من بعد مكان البطاريه من النحيتين من تحت مش ملحوم خالص تمام وربنا يوفقك لعربيه نضيفه وتتعلم عليها وعلى فكره انا اول عربيه جبتها هى ااكسيل وصدقنى بعد فتره حتزهق من السواقه حتى لو بتحبها