مطلوب مساعدة من مالكي نيو لوجان

اذيكو يا رجالة رينو و رمضان كريم عليكوا
انا اخوكم احمد كنت من ملاك بيجو 301 لحد فترة قريبة و الحمد الله مشيت من شركتي و رحت شركة تانية فاضريت ابيع البيجو لان غصب عني لازم اسدد قرض البيجو لانو كان بضمان شركتي القديمة عشان مطولش عليكو انا ان شاء الله مقبل علي شراء عربية وكنت بفكر جديا في السانديروا ستيب واي او نيو لوجان اعلي فئة بس كنت خايف من كام حاجة
1 الموتور ناس كتير بتقول عليه ضعيف
2 السخونة اللي من تحت الطابلوه
3 قطع الغيار

انا مش معايا الا و ده اخر اخر اخري 105 ومعنديش استعداد اركب 301 مش عشان هيا و حشة لاكن لان انا اتعقدت منها لان الراجل اللي بعتلو عربيتي اتقلب بيها بعد لما بعتهالوا باسبوع عشان كان ماشي علي 160 و عربية نقل خبتطو
ولا اركب صني لاني اللي شوفتوا من العربية دي من اصحابي عقدني
انا ميفرقش العربية مانوال ولا اوتو اهم حاجة تبقي ركوبة و متفتحش بقها 5 سنين ان شاء الله و متهنيش بس ياريت لو مانوال تبقي مليانة دلع فهل الكلام ده انسب حاجة ليه اللوجان ولا ايه

ساعدونا يا رجالة بس اهم حاجة بحيادية وربنا يباركلكم جميعا
معلش اسئلتي كتيرة ياترا فرق ال 4000 بين النيو لوجان والستيب واي الوحد بياخد بيه حاجة ولا سوكوبولس في الكوباية
شكرا

الله اكرم ... متااابع
و ربنــــــــــــآآ يقدملك الى فيه الخير

رجالة رينو مش بيساعدونا ليه

بص انا معايا نيو لوجان العربية ككماليات حلوة جدا والموتور اداءة الى حد ما كويس مش وحش زى ما الناس بتقول انا كنت فى نفس حيرتك الاستيب واى كانت عجبانى جدا بس لقيت ان فية فرق ٨ الاف جنية بين الاتنين علشان الاتى
١_ الاستيب واى فيها روف راك اللى بتثبت عليها الشنط
٢_ فيها حليات كروم زيادة
٣_ فيها عتب بطول العربية
٤_ فيها اوفر ديفينس
٤_ جنط ١٦ ودة بيخليها اعلى من اللوجان
مع العلم ان العربية هاتش باك
بس الصراحة الحاجات دى مديلها منظر تحفففة بس برضو ٨ الاف كتير اللوجان ب ٩٧ و الستيب واى ب ١٠٥ مع العلم انو نفس التابلوة ونفس كل حاجة

متاااابع بإهتمام

عربية كويسة توكل على الله

توكل على الله وخليك فى النيو لوجان العربية كلها كماليات والحمد لله موفرة جداً فى البنزين وعالية عن الارض وكمان مساحة الشنظة كبيرة وبالنسبة لأسعار قطع الغيار متقلقش فى المتناول