افيو مانيول 2011 بتبطل علي السلانسيه...

**darkdefender** · 06-07-2014 03:16 AM

انا اختي معاها افيو 2011 كوري , كانت مش عايزة تدور امبارح رحنا كشفنا علي البطارية لانها بايظة و جبنا واحدة جديدة بس دلوقتي كل اما تشيل رجلك من علي دواسة البنزين العربية تبطل..

انا اعرف ان دي بتبقي مشكلة بنزين وحش ولا ايه عندي فاليارس بستعمل منظف الرشاشات فالحالة دي,,

فكركم يا شباب الشيفرولية دي مشكلة بوبات و حساس الايديل ولا دورة البنزين؟؟

اشكركم مقدما...

**hi_nmr** · 06-07-2014 05:27 AM

غير فلتر البنزين الاول قبل ما تلعب في العربيه

**exact** · 06-07-2014 05:49 AM

تغيير البطارية يستوجب يا اما تعمل Idle Learning يدويا (وده ما اعرفش بيتعمل ازاي عندك) او انك تروح لحد عنده كمبيوتر يبرمجها لك تاني... وهتلاقي كل الامور ظبطت

**amdd** · 06-07-2014 10:05 AM

المشاركة الأصلية كتبت بواسطة exact

تغيير البطارية يستوجب يا اما تعمل idle learning يدويا (وده ما اعرفش بيتعمل ازاي عندك) او انك تروح لحد عنده كمبيوتر يبرمجها لك تاني... وهتلاقي كل الامور ظبطت

اول مره اعرف المعلومة دى!!

**drmagieed** · 07-07-2014 08:03 PM

ده حاجة من ثلاثة:
1- الأيدل كنترولر وفيشة التب بي إس.
2- الرشاشات.
3- فلتر البنزين.
أما الأيدل ليرن يخلي العربية مبرجلة لفترة قصيرة مش لدرجة إنها تبطل وبيظبط الكمبيوتر نفسه بعد المشي يومين تلاتة.
أنا بارجح السبب الاول لأني مرة روحت التوكيل وتاني يوم والعربية باردة بقت تبطل لو رفعت رجلي من علي دواسة البنزين لكن لما تسخن تمشي عادي ما تبطلش لحد ما كشفت عليها برة وإكتشفت إن فيشة التي بي إس مفصولة.