ميرسييي يا احمد على المعلومة
ربنا يباركلك
عرض للطباعة
مش مشكله الايصال لان العربيه اتسجلت بأسمى فى المرور خلاص ده اثبات ملكيه و رخصة العربيه بأسمى وممكن اجيب الايصال منهم مفيش مشكله
أنا الحمد لله أستلمت النسخة التانية من المفتاح والولاعة بس لسة الضمان
بس كنت عاوزة اسأل اللى جاب البيكانتو لية الاستبن اللى فى الشنطة اللى ورا حسة انة أصغر من العجل الحقيقى للعربية
حاجة تلنية المعرض عرض عليا أركب سنتر وأنذار وكاسيت 1350 جنية 500 للأنذار والسنتر 830 كاسيت سى دى بيونير بالريموت........هل كده كويس
ياريت حد يرد عليا
مش البيكانتو بس هى اللى بتنزل بالاستبن الصغير فيه كتير من العربيات بتنزل بيه وده على اساس انه يبقى خفيف فى عملية تركيبه بدلا من الاطار اللى حدثت به مشكلة وهو مش مصمم انك
تركيبه طول الوقت فقط فترة قصيرة حتى اصلاح الاطار التالف ولاتتجاوز سرعتك بيه 80 كم
الاسعار الخاصة بالسنتر والكاسيت تعتبر فى الرينج بس قوليلينا ايه نوعية الانذار والسنتر وموديل الكاسيت وقبل متركبى الانذار والسنتر... ياريت اتصال صغير منك لـ19542 وتأكدى
انهم مش هيخرجو العربية من الضمان (هما فى التوكيل بيقولو مايخرجهاش من الضمان بشرط تتعمل فى مكان معتمد) بس مش هاتخسرى حاجة انك تأكدى على المعلومة دى,
لانى وانا فى التوكيل كانت هناك بيكانتو مركبة جنوط اسبور وقالو لصاحبها ان العفشة كده بقت بره الضمان مع ان الراجل اكد لهم اكتر من مرة انه شاريها من موزع ليهم بالجنوط الاسبور بناء على طلبه - بس مافيش فايدة
مبروك الكوكو ...عربية اعتمادية ربنا يديك خيرها ويكفيك شرها
مبروك عليكى العربية ان شاء الله تنبسطى منها ويباركلك فيها
هى اختيار جميل للعربيات الصغيرة وكانت معايا لمدة سنتين وكنت مبسوطة منها الحمد لله
وبالنسبة لموضوع كتيب الضمان ماتقلقيش منه لان واضح ان ده بقى سيستم فى المعارض والتوكيلات لانى زمان لما جبت البيكانتو سلمولى الكتيب مع الشراء لكن لما جبت عربيتى دلوقتى مع انها من نفس المعرض قالولى الكتيب بصورة الرخصة وقالوا ان ده نظام جديد واعتقد ان ده نظام عملاه التوكيلات مش المعرض عشان تتاكد ان اللى اشترى العربية هو اللى اخد الضمان عشان ماتتباعش الضمانات دى بره التوكيل والله اعلم
وبالنسبة لموضوع المفتاح مااعتقدش انه يعمل عليه نسخة لانه مش غبى عشان يستنى لما العربية تتباع لو كان عايز كده كان عمل لكل العربيات اللى عنده نسخ ومتهايألى يبقى كل واحد اشترى عربية يشك فىكده حتى لو شاريها من التوكيل نفسه
والف مبروك مرة تانية
يارب تكون الأمور أفضل من الأول و تكوني أخذتي المفتاح و الولاعة ...
المهم ايه أخبار العربية ... طمنينا علشان ناوي اشتريها إن شاء المولى عزوجل