فلتر بنزين السيراتو وبوابة الهواء

**ma7med** · 08-07-2014 06:06 PM

المشاركة الأصلية كتبت بواسطة ahmedelrayan

والفلتر المفروض يتم تنظيفه امتى والبويجهات انا عايز اغيرها رغم ان الميكانيكى قالى كويسة بس انا هغيرها عشان بقالها 25 الف كيلو ايه نوع البويجهات اللى اشتريه بس معلش عايز اسمهم بالطريقة انى لما اروح عند بتاع قطع الغيار يكون عارف هو هيجيب ايه بالظبط

طب تصدق بالله انا البوجيهات عندي متغيرتش من الزيرو وانا دلوقتي عامل 152 وكسور انا عارف انه اهمال مني بس خلاص ان شاء الله هغيرهم ﻷن استهلاك البنزين زاد بغباوة بقى 12.3/100 والسلام ختام

**ahmedelrayan** · 08-07-2014 10:32 PM

المشاركة الأصلية كتبت بواسطة moha4tec

فلتر البنزين بيتغير و المصفاه هى اللى بتتنضف .
فلتر الهوا بيتغير كل 20 الف كم
البوجيهات تتغير من 20 الى 30 الف كم عمرها الافتراضى حسب حرقك و مشيك و البنزين و الجو و المنظفات و غيرها
البوجيها ان جى كى سن 16 قوله بتاعه السيراتو و هو هيعرفها على طول

الف شكر يا باشا

**ahmedelrayan** · 08-07-2014 10:35 PM

المشاركة الأصلية كتبت بواسطة ma7med

طب تصدق بالله انا البوجيهات عندي متغيرتش من الزيرو وانا دلوقتي عامل 152 وكسور انا عارف انه اهمال مني بس خلاص ان شاء الله هغيرهم ﻷن استهلاك البنزين زاد بغباوة بقى 12.3/100 والسلام ختام

طيب واداء العربية متغيرش معاك انت عارف انا معرفش اعمل زيك خالص انا يوم ما المكانيكى بيشوفنى داخل عنده بيقول استر يارب لانه عارف انا بعمل فيه ايه لما يجى يعمل حاجة فى العربية اقوله لو فيه حاجة شغالة بنسبة 90فى المية ارميها وانا اجبلك غيرها

**ma7med** · 09-07-2014 12:18 AM

المشاركة الأصلية كتبت بواسطة ahmedelrayan

طيب واداء العربية متغيرش معاك انت عارف انا معرفش اعمل زيك خالص انا يوم ما المكانيكى بيشوفنى داخل عنده بيقول استر يارب لانه عارف انا بعمل فيه ايه لما يجى يعمل حاجة فى العربية اقوله لو فيه حاجة شغالة بنسبة 90فى المية ارميها وانا اجبلك غيرها

الصراحة التسارع مش عجبني بقالو فترة بس مبتغبش في الدوارة بتدور على طول بس هو الاستهلاك الطبيعي للبنزين كام

**ahmedelrayan** · 09-07-2014 02:31 AM

المشاركة الأصلية كتبت بواسطة ma7med

الصراحة التسارع مش عجبني بقالو فترة بس مبتغبش في الدوارة بتدور على طول بس هو الاستهلاك الطبيعي للبنزين كام

يعنى المفروض بشتا الطرق متقلش عن لتر لكل 10كيلو انا عملت معايا من العجمى لحد القاهرة قبل رمضان على طول ومشغل تكييف ومعايا 5افراد وسرعة من 150الى 160 حوالى 23لتر