-
مشكلتي مع رينو العبور
السلام عليكم
أنا عندي رينو لوجان اتوماتيك 2013 العربية عاملة 14 ألف كيلو تقريبا وبقالها سنة وكام شهر. المشكلة اني فجأة لقيت العربية بتبطل مني ومش راضية تدور. كشفت عليها بره قالولي يا إما بطارية يا إما دينامو. ولأن العربية تعتبر لسه جديدة رحت مودياها لتوكيل رينو العبور عشان يشوفوا فيها ايه
قابلني واحد هناك اسمه محمد بهجت قال لي هنشوف ونقول لحضرتك. ... الكلام ده بقاله 7 ايام !!!! والعربية من ساعتها لا حس ولا خبر!!!
مش عارفة أعمل ايه؟ اتصل بسي محمد ده بعد 4 أيام رد بطريقة مستفزة جدااا انه لسه بيفحص العربية ولما هيعرف فيها ايه هيقول لي!! رجعت اتصلت بيهم كذا مرة واخر مرة مدير الصيانة قال لأخويا هنتابع مع حضرتك .... وآدي وش الضيف!!!!
المشكلة بأه ان العربية فيها برضو شغل سمكرة من حادثة خفيفة، وكل شوية المهندس بتاع السمكرة يتصل بيا يقول لي عايز ابدأ في السمكرة وانا اقول له لأ مفيش شغل سمكرة غير لما العربية تتحرك الأول وأعرف ايه المشكلة اللي فيها..
بجد انا مش عارفة أعمل ايه!!!
آسفة على الإطالة دي أول مشاركة لي في المنتدى ده
-
هوا لغز
ممكن يكون الموضوع اكبر من امكانيتهم ومش قدرين يوصلوا للعطل
او العطل معروف واصلاحه مكلف بالنسبلهم
كلها احتمالات بس ممكن تخسر مشوار وترحلهم بنفسك وتصمم انك مش مروح من غير العربيه
-
طيب معلش عندي سؤال:
هو لو العيب في البطارية أو في الدينامو ممكن يتطلب الوقت ده كله؟ وممكن يكلف كام لو صلحتها بره؟
-
باشا اتصل بخدمة العملاء بتاعتهم وقولهم عايز اعمل شكوي في فرع العبور واحكي الي حصل بالتفصيل وقولهم انا كده هبعت ايميل للشركة الام اشتكي من خدمة ما بعد البيع هيعملوها علي روحهم واسال مجرب هيخلي حد من خدمة العملاء هيكلمك بعدها بيوم او يومين بالكتير وهيعملولك كل الي انت عايزة خصوصا موضوع الشركة الام بيخوفهم وممكن كمات تشتكي المهندس الي رد عليك بطريقة وحشة ده انا عملتها مرة وكانوا بيبوسوا رجلي لما عرفوا اني هبعت للشركة الام
-
حماية المستهلكك نصيحة جربي حماية المستهلك افضل حاجة وهيشدهم شدة كويسة
-
روح بنفسك التوكيل واطلب تقابل المسئول وهم هيحلوهالك ، الموضوع محتاج زن بس ، انا مجرب رينو العبور سنتين ونص صيانه وكانو محترمين جدا لحد اما نقلت توكيل مصر اسكندرية الصحراوى
-
يا ريت تطمنى عملت معاهم ايه
-
ربنا معاك ومتابعين التفاصيل .. بس طلع عينيهم فى الاتصال وانك هتعمل شكاوى فى حماية المستهلك و للشركة الام
Content Relevant URLs by
vBSEO 3.6.0 PL2