السلام عليكم يا جماعة رمضان كريم ، انا لسة مخلص من 5 ايام امتحاناتةالثانوية العامة فكنت عايز اعرف بعد ما تلنتيجة تظهر ايه الخطوات اعملها في الالتحاق بالجامعات من خلال التنسيق و ايه الاوراق المطلوبة للتقدم ، و معلش ايه موضوع الساعات المعتمدة زي جامعة القاهرة كده ، هل ده بحطه في رغبات التنسيق برضه ولا ايه نظامها بالظبط
انتا مش محتاج اي اوراق ف التنسيق كله من ع النت هتكتب الرغبات و هما هيقبلو علي حسب المجموع و المنطقة الجغرافيه
اما لموضوع الساعات المعتمده دا فا اعتقد انه ملوش دعوه بالتنسيق لأني سألت فيه قبل كدا
هو بيبقي اشتراط من الجامعه نفسها انك مثلا جايب 90% و هتدفع مبلغ و قدره
شوف موضوع الساعات المعتمده بيبقى داخل الكليه نفسها يعني حضرتك دخلت هندسة القاهرة بتروح بتسال في الكليه عن قسم الساعات المعتمده وتقدم فيه عادي تقريبا بيبقى السنة حوالي 16 الف جنيه
اللي انا عايز اوضحه انك لازم تكون داخل الكليه عشان تقدم فيها يعني مش زي ما بعض الناس فكره انها اقل في المجموع
الميزه في اقسام الساعات بتبقى اعداد الطلبه صغيره والاقسام مميزه والدراسه من مراجع علميه
الكلام دا صحيح 100% انا بس التبس عليا الأمر لأني لما جيت اقدم كنت جايب المجموع اساسااقتباس:
المشاركة الأصلية كتبت بواسطة eng/ahmed_go
طب بالنسبة للجامعات الخاصة في هندسة ايه الافضل عشان لو لا قدر الله التنسيق مجاش في صالحي و ايه الجامعات الحكومية الافضل برضه غير القاهرة ؟
افضل الجامعات الحكومية في الهندسه القاهرة عين شمس الاسكندريه
افضل الجامعات الخاصة :
1-auc
2-guc
3-miu
طب ايه رأيكم في معهد الطيران في امبابة سمعت انه زي القاهرة كده و بيخاد اقل منها في التنسيق 2 او 3 % لأن انا كده كده عايز هندسة قاهرة عشان ادخل قسم طيران لأنها الوحيدة اللي فيها القسم ده
هو لما بتخرج منها بيبقى معايا شهادة زي خريج الهندسة العادي و لا بتبقى ايه بالظبط ؟
معلش دوشتكم معايا بس الفترة دي لازم ارتب اموري فيها
انا درست ف miu .. صعبه جدا جدا مفهاش هزار او لعب ومستوي تعليمي راقي
بس ارشحلك اكاديميه الشروق لو قريبه منك بس بتاخد اعتقد مجموع مقارب من الحكومه ! و تعليم محترم جدا
انا بالفعل حجزت فيها و عملت الاختبارات و باين انها صعبة فعلا و انهم مبيهزروش و لو اتقدرلي اخشها فهدخل قسم هندسة الكترونيات و اتصالاتاقتباس:
المشاركة الأصلية كتبت بواسطة adnfalcon
اكادمية الشروق هتبقى بعيدة اكثر عني
توكل علي اللهاقتباس:
المشاركة الأصلية كتبت بواسطة Abdo Taha
انا عشت احلي 5 سنين من عمري فmiu بس اعمل حسابك ان لو فكرت تهمل هتندم
انا بخوفك عشان تاخد بالك .. وربنا معاك .. حاول تجيب gpa عالي عشان المصاريف تنزل كمان واي استفسار انا موجود
شكرا ليك و عموما اي مكان هدخله هشغل فيه كويس عشان انا عارف في الكليات ممكن الواحد يقضيها طول السنة و محدش بيقله حاجة بس بيجي في الاخر بيتبهدل و يسقط و كمان ابقى فاهم مجالي كويس ، انا نفسي الصراحة في القاهرة او عين شمس في المقام الاول لكن هدخلها لو اضطريت و ربنا يستر .اقتباس:
المشاركة الأصلية كتبت بواسطة adnfalcon
و شكرا ليك مرة تاني