عرض للطباعة
العربية عاملة حالياً 700 كيلو تقريباً
بس انا شايف انها محتاجة شوية صيانة وتنضيف محترمين
سحبها مش تمام والموبينة فيها مشكلة
واعتقد ان فى مشكلة فى البوجيهات
فهل ينفع اعمل الشغل بتاع صيانة الـ 1000 دلوئتى
وبالمرة اشوف الحاجات اللى مش مريحانى دى
ولا يستحسن استنى ؟
عادى ممكن
اولا الف مبروك و ربنا يديلك خيرها و يكفيك شرها ان شاء الله
ثانيا مش لازم تستنى الصيانه
العادى ان اى عربيه زيرو لو فيها مشكله بتروح التوكيل قبل معياد اول صيانه حتى لو ماشيه 50 كم
بسم الله الرحمن الرحيم
الأخ الكريم أحمد متولى
كم كنت أود ألا أخبر حضرتك أنك مقبل على مشكله مع الوكيل إن كنت تنوى التعامل معه و لكننى مضطر و سأشرح لحضرتك لماذا.
إن صحت شكوى حضرتك (عفوآ لا أقصد أى شىء غير لائق و لكن إن صح تشخيص حضرتك للمشكله و تحديد قطع الغيار) فهذا يعنى أنك مقبل على تغيير الآتى
1 - الموبينا (إحتمال عالى الحدوث)
2 - البوجيهات (إحتمال متوسط الحدوث)
3 - الأبلاتين (إحتمال عالى الحدوث)
4 - الكوندينسر (إحتمال عالى الحدوث)
5 - أسلاك البوجيهات (إحتمال ضعيف)
كل سيارات الماروتى بها موبينا بدائيه جدآ و عمرها قصير و هى موبينا الزيت (أنا أصف لحضرتك بناءآ على تجربه واقعيه فأنا عندى الماروتى منذ 5 سنوات) و طبعآ التوكيل ينكر هذه الحقيقه و إذا سالت عنها ستسمع من قصائد الشعر الحماسى عن الأصليه و عن إنفراد الوكيل بها ما يطرب أذنك
و قد تشتعل حرب كلاميه ضروس بينك و بينهم حول تغييرها و فى النهايه لن تحصل على أى شىء. ولو حصلت المعجزه و تم تغييرها فى الضمان فما صنعت إنتصار لأن الجديده لن تكون رائعه كما تتصور لأنها تكنولوجيا بدائيه. فى الوقت الذى تستطيع فيه شراء موبينا إلكترونى يابانى ب 85 جنيه و هى أدائها أفضل و عمرها الإفتراضى أطول
أعتذر عن الإطاله و لكن إن كنت تريد حل المشكله فعلآ إبتعد عن الوكيل و إن كنت تعتقد أن لديك ضمان تخاف عليه فإلزم الوكيل ففى النهايه لن تظفر منه بشىء يذكر
أسعدك الله بسيارتك و بارك لك فيها
السلام عليكم ورحمة الله و بركاته
روحلهم ياعزيزي عادي...
تحياتي
Sent from my mobile using Forum Runner
اقتباس:
المشاركة الأصلية كتبت بواسطة scientist9508
مفيش مشكلة يا باشا