مشكلة ضعف السحب جدا جدا

**abdulhafeez** · 10-07-2014 07:36 PM

احنا ممكن نجرب حاجة ............. حط منظف دورة وقود من نوع اسمه ليكوي مولي .......... ان شاء الله هيفرق معاك هو سعره 40 ج ......... تمن 15 لتر بنزين بس وبلاش المنظفات اللي من البنزينة لانها زي قلتها .........

و516 الغيار التاني آخره 80 والار بي ام بيكون على 6000 لفة يعني طم الدبياج عندك تمام ....... سعادتك طقم دبرياج 516 مش بيتغير قبل 120 الف كم دا غير يناس وصل معاها ل 150 الف ولسة ما غيرش حاجة

**abdulhafeez** · 10-07-2014 07:37 PM

طبعا حضرتك بتستخدم بنزين 92 مش كدا

**drmedo82** · 10-07-2014 08:30 PM

المشاركة الأصلية كتبت بواسطة abdulhafeez

طبعا حضرتك بتستخدم بنزين 92 مش كدا

السلام عليكم
انا باستخدم بنزين 92 علي طول
والعربيه بتجيب 160 علي الغيار الرابع
لكن المشكله في الغيار الخامس وبجد هاتجنن
وهجرب احط زيت ليكوي موي مع التفويله الجيه باذن الله
بس هيا ممكن تفرق؟
لان زي ما قلت لحضرتك هيا ممكن تجيب 160 بس علي الغيار الرابع فهل ممكن يكون ده السبب ولا ايه؟
انا والله زهقت من العربهيه بسبب الموضوع ده هتجنن ونفسي الاقيله حل

**drmedo82** · 10-07-2014 08:34 PM

[quote=abdulhafeez;3875659413

و516 الغيار التاني آخره 80 والار بي ام بيكون على 6000 لفة يعني طم الدبياج عندك تمام ....... سعادتك طقم دبرياج 516 مش بيتغير قبل 120 الف كم دا غير يناس وصل معاها ل 150 الف ولسة ما غيرش حاجة[/quote]
حضرتك طمنتني علي الطقم ربنا يطمن قلبك لان العمليه مش مستحمله اصلا انا مقضيها مصاريف بالهبل من يوم ما اشتريت العربيه لما حاسس انها كانت غلطه اني اشتريت عربيه اصلا
بس عقبال ما الاقي حل للعيب اللي فيها

**hugan** · 10-07-2014 10:38 PM

المشاركة الأصلية كتبت بواسطة drmedo82

السلام عليكم
منسوب الزيت مظبوط يا مستر هيما
ورحت للميكانيكي النهارده وحطها تاني ع الكمبيوتر وفاللي تمام وحط ايده من ورا علي الشكمان يشوف الهوا اللي طالع منه لقا الهوا سخن والعربيه علي السلانسيه قاللي في سده في الشكمان رحت لبتاع الشكمان وفك العلبه اللي ورا وقاللي مسدوده نضفها وغير كاوتشات وجوان وقفلنا ولقيت فعلا الهواء اللي طالع من الشكمان بقا اقوي وبقا بارد والعربيه علي السلانسيه
المهم طلعنا جربنا العربيه والمفاجاه ان
يبقا الوضع علي ماهوا عليه العربيه علي الغيار الخامس بتجيب 130 بالعافيه ودواسة البننزين مش بتزود سرعتها ولو زادت يبقا بالعافيه المهم بقا المياكانيكي بيقوللي انه طقم دبرياج لان الطقم عندي ضعيف لانه جاب سرعة 80 علي الغيار التاني وكان الار بي ام علي 6000 لفه بيقوللي المفروض يكون علي 5000 لفه بس
بس انا مش مقتنع ان دي مشكلة طقم دبرياج وبجد تعبت وصرفت كتير واتخنقت من العربيه
ياريت يا جماعه تفيدوني بالكلام الصحيح والمفيد

لاء طبعا مش طقم دبرياج
معلش الميكانيكي تعبان
الانسدد اللي في الشكمان هايكون علي كل الغيارات مش غيار واحد
حصلت معايا في ا كانت علبه البيئه الفحم اللي فيها اتفتت وسد الشكمان
طب ماحاولتش تغير ماكينه الاستوب وتشوف

**hugan** · 11-07-2014 05:46 PM

المشاركة الأصلية كتبت بواسطة drmedo82

انا خلاص قررت اغير ما كينة الاستوب يا مستر هوجان يوم السبت ان شاء الله هشتريها وهاروح لاي كهربائي يركبهالي
ادعيلي بس تطلع هيا السبب لاني بجد زهقت واتخنقت وكرهت العربيه بسبب الموضوع ده

زي ماقولت لك عندي نفس المشكله
بس فعلا مش فاضي خاصه في رمضان اني اروح للكهربائي بتاعي يشوف سببها ايه
علي الجروب
ناس بتاكد علي انها ماكينه الاستوب
لكن انا شخصيا مش مقتنع بماكينه الاستوب
لكن بنحاول

**drmedo82** · 11-07-2014 11:43 PM

المشاركة الأصلية كتبت بواسطة hugan

زي ماقولت لك عندي نفس المشكله
بس فعلا مش فاضي خاصه في رمضان اني اروح للكهربائي بتاعي يشوف سببها ايه
علي الجروب
ناس بتاكد علي انها ماكينه الاستوب
لكن انا شخصيا مش مقتنع بماكينه الاستوب
لكن بنحاول

اهو فعلا ادينا بنحاول يا مستر هوجان وانا متاكد انك لو فاضي هتجيب قراره عموما بكره ان شاء الله هاغير ماكينة الاستوب واوافيك بالنتيجه باذن الله

**drmedo82** · 11-07-2014 11:44 PM

المشاركة الأصلية كتبت بواسطة ashrafmahmoud93

ايه ماكينة الاستوب دى يارجالة

ماكينة الاستوب ي عباره عن حاجه صغيره كده فوق دواسة الفرامل ودي اللي بتخلي لمض الاستوب تشتغل واسمع ان فيها طرفين واصلين لدواسة الفرامل وطرفين واصلين لفصل دواسة البنزين