يا ريت الكل يحتفظ بموتور طلمبه بنزين معاه في العربيه احتياطي(الرداخ)
السلام عليكم احبائي اعضاء وزوار المنتدي
كل عام وانتم بخير ورمضان كريم
يا ريت الكل يحتفظ بموتور طلمبه بنزين احتياطي معاه في العربيه علشان الموضوع ده حصل معايا
من 3ايام قبل الفطار بعيد عن البيت 15كيلو
وبدون مقدمات العربيه قطعت النفس وماتت كنت متخيل يمكن البطاريه قعدنا نزق لما طلعت عنينا
المهم جاء سواق أبن حلال قالي الفتح الكبوت
فك خرطوم فلتر البنزين من صدر العربيه لقي مفيش بنزين طالع من الطرمبه وبعدين الحل
الله يكرمه ركب عربيته بسرعه وراح اشتري لي
موتور الطرمبه اللي هو الرداخ الكهرباء ب120جنيه وراح فاكك الكنبه اللي ورا وقعد يدق ويفك لغايه ما ركب الموتور الجديد وركب كل اللي فكه وقفل الكنبه والحمد لله اشتغلت العربيه
لكن بعد ايه بعد مرمطه وتعب تخيلوا لو الموضوع ده حصل مع واحد بيسافر او حصل في مكان ضلمه ايه حيحصل او مش معاه فلوس
يا ريت الكل يتعلم من التجربه دي ويكون معاه في العربيه بوجيهات احتياطي _ قلب طرمبه بنزين ـــ مفتاح لفك العجل ___ كوريك
بصراحه ممكن الواحد يتزنق لما يكون لوحده ممكن شويه يعيط من الغلب وكمان قله الخبره