اقتباس المشاركة الأصلية كتبت بواسطة abo yasmin مشاهدة المشاركة


الأول ألف شكـر لردك يا بشمهندس :)

رمضــــان كــريـم :)

1- عفشـة العربيـة وحشـة جـداً بالنسبة لى ، أنا جربت عربيات كتييير جداً وبهتم أوى بموضوع العفشة بالذات
2- أنا جربت اللانوس طبعاً وهى مش ثابتة على الطريق خالص وبالنسبة لى البيكانتو زيها :)
3- بالنسبة لموضوع السحب سألت مرة المهندس اللى فى التوكيل بتاع سموحة الراجل استغرب وقعد يبحث لقى إن نظام الإيكو شغال وقالى ده نظام بيوفر الوقـود فراح لاغيه بس أنا محستش بفارق كبير ! يعنى مثلاً الشغل عاطينى دلوقتى عربية فيرنا مستعملة ومفحوتة شغل لكن سحبها رااااااااااائع :)
4- بالنسبة لشغلى موضوع التنك ده عيب مش ميزة لأنى ممكن أروح المنيا مثلاً وآجى فى نفس اليوم على اسكندرية أو بروح محافظات بعيدة ومش معقول كل شوية أدخل أبنزن وكنت بتعذب السنة اللى فاتت أيام أزمة البنزين ! هيا ممكن العربية تكون كويسة من ناحية التنك بالنسبة للى مشاويره صغيرة وعلى أده بس بالنسبة للشغل والجرى على السكك لا :)
5- عندك حق :) إيه اللى يستاهل سعره فى مصـر :)
6- برضـه موضوع الاستبن ده مش ينفعنى بسبب شغلى برضه لأن الاستبن الصغير متقدرش تمشى عليه بسرعة أكتر من 80 كم/ساعة وطبعاً كتير جداً ببقى فى المجاهـل على الطريق :)

فى النهاية الحمد لله الشركـة عرفت إن البيكانتو مش بتاعة شغل هاردكور وسحبت كل العربيات من المهندسين وعطتنا هيوندايات وشيفروليهات :) نصيبى جه فى الفيرنـا :)

بشكرك جداً على مناقشتك الثرية

تحيــــاتى لك

ياباشا ربنا يبارك لك فى الفيرنا واكيد كل عربية ليها عيوبها
1- العفشة انا مبئولش انها مرسيدس ولكن هى على اد فئتها واستخدامها . مش ناعمة مراجيح ومش ناشفة
2- اللانوس مش ثابتة والبيكانتو مش ثابتة لكن لو قارنتها باللانوس مثلا او الصنى العربية اثبت شوية فى المناورات والسرعة بالرغم من فرق الوزن والحجم وبالرغم من ان الباور الكهربا مزود شوية احساس عد الثبات .. كلامى عن تجربة للعربيات دى كلها ومعايا فكترا وفوكاس فا عارف كويس اوى معنى الثبات والهاندلنج
3- مهندس التوكيل ده مع احترامى ليه مش فاهم حاجة , لمبة الـ eco مش اكتر من بيان انت ماشى اقتصادى ولا لأ ولو كبست بنزين هتطفى ... واكيد مينفعش نقارنها بالفرنا , عربية ريشة على موتور 1600
4 و 5 دى متبقاش عيب فى العربية اد ماهى متطلبات استخدام وعلى فكرة تحديد السرعة على 80 بالنسبة للاستبن ملوش دعوة بالكاوتش رفيع ولا عريض .. الفوكاس وعربيات تانية كتير بتنزل باسبتن نفس مقاس باقى الكاوتش ومحدد السرعة على 80