يا جماعة أنا حصلتلي ظروف كدة الحمد لله ومش حقدر أجيب زيرو المهم أنا معروض عليا دايو أسبرو مو 97 ب 30.000 انا مش بسأل علي السعر أنا عا يز أعرف أيه نظام العربية علشان انا سمعت ان مالهاش قطع غيار.وشكرا ليكم جدا.
عرض للطباعة
يا جماعة أنا حصلتلي ظروف كدة الحمد لله ومش حقدر أجيب زيرو المهم أنا معروض عليا دايو أسبرو مو 97 ب 30.000 انا مش بسأل علي السعر أنا عا يز أعرف أيه نظام العربية علشان انا سمعت ان مالهاش قطع غيار.وشكرا ليكم جدا.
اهلاً بيك معانا ,
اللي اعرفه عن العربية دي ان قطع غيارها قليلة شوية و كنت سألت عنها محلات بتاعة قطع غيار فقالوللي ابعد عنها احسن ,
و على العموم اعمل بحث عنها هنا في المنتدى في كل المواضيع و ليس فقط في قسم الدايو.
انا كانت مع واحد صاحبى و كنا بنجيب قطع الغيار من التوفيقيه من واحد هناك بس ناسى اسمه بصراحه و ممكن اجيبلك اسمه عامة بس نصيحه ابعد عنها معقده جدا مكنتها و حاجتها قليله جدا و فيها لعب كتير بس هى صالون حلو واسع جدا و عامة هو صاحبى خلص منها و جاب لانسر
يا جماعة مين اللي قال انها معقدة قطع غيارها موجودة عند سرور في شامبليون وفي التوفيقية وفي شارع دمشق مصر الجديدة و متوفرة ونفس اسعار اللانوس و العربية بجد تحفة فخامة و امكانيات وشكل بس محتاجة اهتمام زي اي عربية بس بجد عربية تحفة و انا معايا اسبيرو و بجد عربية حكاية
هي عربية حلوة بس قطع غيارها مش منتشرة و انت بتقول إنها موجودة عند محلين مثلاً و بالإسم ,
لكن اللانوس متقدرش تعد المحلات اللي موجود فيها قطع غيارها ,
و ده هو الإنتشار اللي بنتكلم عليه , لكن الإسبيرو مش منتشرة .
العربية مع زميل لى فى العمل
وهى بالفعل ممتازة كقوة وصالون
بس بيطلع عينه لما بيحتاج قطع غيار
هي ماتتقارنش بالانوس من حيث الأنتشار و قطع الغيار انما هي افخم من اللانوس و اقوي منها و في رأيي ان الشكل احلى
مشكلتها فى قطع غيارها
قليلة وغالية فعلا
بس موجودة و مش غالية اوي قطع غيارها
عامة اي حد عنده اي معلومات عنها ياريت يكتبهالنا و كلنا نستفيد
سعرها
أيا م ما كانت زيرو 96ألف جم