عدل بنفسك شاشه العدادات واظهر حساب الاستهلاك للبنزين والمسافه المتبقيه
اولا: كل سنه وانتم طيبين و رمضان كريم عليكم كلكم :giveflowers:
ثانيا :الموضوع ده بنيه صدقه جاريه عن نفسي لكل اعضاء المنتدى مالكي الافيو و من باب نفع و مساعده الاعضاء :Bravo:
ثالثا : كله يدعي على منصور شيفروليه و انتم صايمين لاخفاءه امكانيه سهله و متاحه عن ملاك السياره :8954[1]:
انا على فكره زميلكم من قسم الدايو و اللي ميعرفش ان الافيو اصلا دايو مش شيفروليه و كانت بتنزل بره عليها علامه دايو يعني احنا ولاد عم
الموضوع يتلخص في ان الافيو كلكم عارفين فيها شاشه الكيلومترات بس صح ؟؟
تؤتؤ :dontudear:
العربيه فيها بالفعل شاشه كامله بخلاف الكيلومترات تحتوي على معدل استهلاكك و المسافه المتبقيه على نفاذ الوقود و الشاشه كبيره لكنها متغطيه بورقه سوداء مش باين منها الا الكيلومترات
شوفتوا باه ....!!!!!!!
المهم عشان منبوظش صيامنا على منصور ندخل في الجد ماشي؟؟
ملحوظه : كعادتي مبنزلش موضوع الا لما اكون مجربه في نفسي لكنه المرادي جربته في صاحبي ههههه :shine[1]: (عشان معنديش افيو ماتفهومش غلط هه؟ ههههههه )
العده المطلوبه :
1- مفك صليبه طويل
2- مفك صليبه قصير
3- كتر
بس كده
الخطوات :
1- نفك المسمارين دول المعلم عليهم بالاحمر (الشاشه قبل التعديل متعلم عليها ) وبعديها اخلع الفريم اللي مغطي العدادات من جوه و هوا ماسك بكلبسات جمد قلبك وانت بتشد متخفش
http://nileup.com/up/uploads/nilemotors_14046961451.jpg
2-بعد كده فك المسمارين اللي متعلم عليهم في الصوره واخلع الطاقيه او الكفر الفبر اللي فوق العدادات و برضوا راكب بكلبسات شده و اخلعه
http://nileup.com/up/uploads/nilemotors_14046961452.jpg
3-فك المسمارين اللي متعلم عليهم و بكده العدادات بقيت حره و تقدر تشدها لبره
http://nileup.com/up/uploads/nilemotors_14046961453.jpg
4- الفيشتين دول كانوا في العدادت ورا فكهم عشان تخلع العدادات لبره خالصhttp://nileup.com/up/uploads/nilemotors_14046961455.jpg
5- العدادات بره و ماسكها بايدي
http://nileup.com/up/uploads/nilemotors_14046961454.jpg
6-الكلبسات المعلم عليها بالاحمر ديه ماسكه الوش الباغه بلوحه العدادات و الكلبسات المعلم عليها بالازرق اللي قافله ضهر العدادات ..... فك جميع الكلبسات ديه
http://nileup.com/up/uploads/nilemotors_14046961456.jpg
7-كده اللوحه بقيت معانا بره و خرجنا اللوحه بره العلبه بتاعتها و طبعا باينه قوي اد ايه الشاشه صغيره
http://nileup.com/up/uploads/nilemotors_14046961467.jpg
http://nileup.com/up/uploads/nilemotors_14046961468.jpg
8-هنا باه هوووب احترس......
عايز واحد ايده ثابته وبلا ارتعاش ماشي؟؟؟
حتحسس بايدك حوالين الورقه السودا اللي مغطيا الشاشه و تحس بحواف الشاشه من تحت الورقه عشان تعلم للقطع اللي حتعمله و زي مانا عامل في الصوره
حتعمل خطين بالكتر طولي مجرد مجري دليل لقطعك بعد كده لحد ماتحس انك وصلت لاخر الفراغ اللي تحت الورقه وتقف لانها حتكون نهايه الشاشه
http://nileup.com/up/uploads/nilemotors_14046961469.jpg
9-بعد ماتعرف الطول اللي حيتقطع اد ايه توصل مابين الخطين الطوليين و تقطع المستطيل كله
ههههههه واتفرج ايه اللي تحت الورقه كان مداري من منصور باشا شيفروليه
http://nileup.com/up/uploads/nilemot...0469614610.jpg
10-مبروك يا حبيب هارتي على شاشتك الجديده ولوحه عدادتك اللي الترا هاي لاين
http://nileup.com/up/uploads/nilemotors_14046962331.jpg
11- وكده خلصنا خالص و الصوره اهيه شوفوا كنتوا فين
http://nileup.com/up/uploads/nilemotors_14046961451.jpg
و بقيتوا فين
http://nileup.com/up/uploads/nilemotors_14046962332.jpg
اي خدمه يا رجاله انتم تؤمروا بس.... ورمضان كريم عليكم ديه هديه رمضان والعيد وانتظروا مفاجأه الكروز ( ده لو صاحبها سابني اعملها هههههه ) :wink:
ملحوظه:
المجهود ده مجهود شخصي وليس منقول... برجاء الدعاء لي و انتم صايميين و برجاء التثبيت لعموم الافاده على الجميع