موضوع للمناقشة مدى تاثر أسعار السيارات الجديدة والمستعمل بالزيادة فى البنزين

**D.Ahmed Ismail** · 07-07-2014 05:15 PM

لا اعتقد حدوث تغيير طالما مفيش دعم حسب السعة اللترية
العبرة باستهلاك البنزين ... محركات كتيير كبيرة و مش بتاكل بنزين زي محركات اصغر
عربية صاحبي c250 بتاكل بنزين اقل من الفيرنا

**islamtayel** · 07-07-2014 06:31 PM

اعتقد ان المستعمل اللي اقل من ١٥٠٠ ممكن يغلي

**sha2e** · 07-07-2014 06:32 PM

فكرة التأثر بارتفاع سعر البنزين مش هيكون ملحوظ فى الشهور القليله القادمه ولكن هيبدأ يكون ليه تأثير على اسعار السيارات مع الخطوة التاليه من تخفيض الدعم على المحروقات

لو اخذنا السيارة كمثال لاى سلعة هنلاقي تكليفتها حاجتين :
1- تكلفه الشراء "ثمن السيارة عند شرائها"
2- تكلفة التشغيل "البنزين والصيانه والترخيص"

لو السيارات تكلفة تشغيلها انخفضت ايه الى هيحصل ؟
هيحصل ان هيكون الاقبال على الشراء أكتر واسعارها هتغلى
ولو حصل العكس تكلفة تشغيلها ارتفعت ؟
كتير من الناس هتبدأ تستخدم المواصلات لارتفاع مصاريف السيارة وبالتالى اسعار السيارات "خصوصا المستعمل هتنخفض"

الكلام ده واقع مش توقعات او تخمينات
مصر فى اوائل التمنينات البيجو 504 او الفيات 132 المستعملة ( كانو ايامها بيوازو السيراتو والكرولا واللانسر حاليا موديل 2010 مثلا الي سعرهم حاليا 90-110 الف) كان ثمنهم حوالي 4 الاف جنيه ايامها ( مكنش مبلغ ضخم وقتها ما يوازي 40 الف جنيه حاليا) يعنى تقريبا نصف الثمن
وبرغم كده كان نسبة العربيات لتعداد البشر اقل كتير من دلوقتي لان تكلفة التشغيل كانت اعلى كتير "بالنسبة لوقتها" فكانت نسبة العربيات اقل برغم ان اسعار السيارات وقتها مكنش مرتفع زي دلوقتي

وبالتالي لو تكلفة التشغيل "وعلى رأسها البنزين" ارتفعت هتقل اسعار السيارات المستعمله بشكل ملحوظ