السلام عليكم ورحمة الله وبركاتة
موضوع للمناقشة : مدى تاثر أسعار السيارات الجديدة والمستعمل بالزيادة فى البنزين ياريت الاعضاء المحترميين وأصحاب الخبرة يفدونا فى الموضوع دة علشان كلنا نستفيد
السلام عليكم ورحمة الله وبركاتة
موضوع للمناقشة : مدى تاثر أسعار السيارات الجديدة والمستعمل بالزيادة فى البنزين ياريت الاعضاء المحترميين وأصحاب الخبرة يفدونا فى الموضوع دة علشان كلنا نستفيد
البيكانتو وما أقل من 1600 سعره هيعلي و بالنسبة لل2000 فما فوق هيرخص جامد أما بالنسبة لل1600 فأعتقد و الله أعلم إنه هيثبت و هذا مجرد رأي شخصي
في اتجاهين : الاول : انخفاض الاسعار نتيجة العرض والطلب ( بما ان البنزين غلي الناس مش هتشتري عربيات " وبالتحديد العربيات ذات السعات الترية الكبيرة " إذن عملية تخفيض سعر السيارة عشان التسويق والرواتب والعجلة تمشي .
الاتجاه التاني : إرتفاع الاسعار نتيجة ارتفاع اسعار الطاقة ( خط الانتاج بيشتغل على الطاقة " من بنزين وسولار وكهرباء وما إلى ذلك " وطبعا لو استيراد يبقى سعر الموصلات ( النقل ) هيزيد مما يؤدي إلى ارتفاع الاسعار
هذا والله أعلم .. تحياتي :)
ولا هيحصل اى حاجه والعربيات اسعارها هتبقى زى ما هى وهتزيد كمان زى السجاير كده محدش لما السجاير سعرها بيزيد بيبطلها
وعليكم السلام ورحمة الله وبركاته
مفيش اى تأثير كقوه شرائيه كل التأثير هيكون بعد بعض الناس عن شراء عربيات فئه 2000 cc سواء جديد او مستعمل و ده اللى موجود من فتره بس هيزيد اما العربيات اللى بتشتغل ببنزين 95 او العربيات 4X4 فأعتقد انها مش هتتأثر لان اللى هيشترى عربيات زى bmw او مرسيدس او رانجلر كامثال المفروض انه مش هيفكر يلغى فكره الشراء علشان زياده سعر البنزين غير ان الزياده فسعر الـ 95 مش كبيره و غير ان الفئه دى من العربيات ملهاش بديل فالسوق
بالنسبه للمواطن العادى هيشترى عربيات زى زمان سواء جديد او مستعمل و ممكن اكتر لان كل اللى بيعتمد على التاكسى مثلا بعد زياده سعر الغاز اكيد الأجره هتزيد و بالتالى هيبقى عبء على المواطن العادى اللى ممكن توصل مصاريف استخدامه للتاكسى شهريا رقم قريب من قسط عربيه جديده او قسط جمعيه مثلا فأعتقد هيبقى فيه تفكير فشراء عربيه
المشكله ان مفيش بديل يعنى اللى عايز يشترى عربيه جديده او مستعمله هيشتريها لان قرار الشراء بيكون مرتبط بأسباب كتير و كون البنزين سعره زاد فده مش هيخلى حد يعدل عن فكره الشراء الا لو هو عنده بديل ما و فكره الشراء كانت مجرد فكره مش لسبب قوى او دافع قوى للشراء
**هيحصل زى ما حصل زمان لما اسعار العربيات زادت - البيع و الشراء مستمر عادى و ممكن اكتر**
بالنسبه للمستعمل .. معظم السيارات من فئه 1200 الي 1600 سي سي وما بعد موديل 2000 اسعارها لن يحدث بها تغيير كبير.
اما السيارات الأقدم الكاربيراتير وسعه 2000 سي سي وما فوق اسعارها ستنخفض لضعف الاقبال كالشيروكي القديم
اذكر هنا تحديدا علي سبيل المثال البيجو 504 وهي احد السيارات الأكثر انتشارا بالأقاليم .. ونص تاكسيات الزقازيق منها :)
اما بالنسبه للسيارات الجديدة .. فاعتقد ان اسعارها ستستمر كما هي بالزيادة ولكن بنسبه اقل كثيرا مما حدث بأخر 4 سنوات .. والسبب في ذلك سيرجع الي ضعف نسبي للإقبال علي الشراء بالتقسيط خصوصا مع غلو البنزين
والسبب الأخر هو توقع شخصي بإرتفاع نسبي في سعر صرف الجنيه امام الدولار خلال الفترة المقبلة.
ربنا يكرم الجميع .. ويصلح حال البلد.
ربنا يكرمك كلامك محترم جدا :_Alshmokh15[1]:اقتباس:
المشاركة الأصلية كتبت بواسطة EngAhmedSakr
السعات اللترية للعربيات القديمة سعرها هيقل ايوه ودي عربيات اساساً محدش كتير كان بيقبل على شرائها حتى من قبل اسعار البنزين
اما بالنسبة للـbmw ومرسيدس اللي محركاتهم تبدأ من 2000 سي سي في معظم عربياتهم - الشركتين دول بالذات مش بيخاطبوا عامة الشعب - لما تلاقي العربية بـ350 الف جنية يعني خلاص قربت على الـ400 الف يبقى دي مش مشكلة عندك البنزين يغلى اد ايه
ثم ان خلي بالك المحركات الجديدة موفره جداً للبنزين يعني انا معايا 2000 سي سي في العربية بس استهلاكه ممتاز جداً جداً جداً زي الـ1600 العادي خالص وهنا بتتلخص خبرة الشركة في عمل محرك كبير وبأستهلاك ممتاز للبنزين
السوق زي ماهو - الفئة اللي بتشتري bmw او مرسيدس مكنتش بتشتريها علشان البنزين !!!!!! كانت بتشتري الماركة يا فندم وباقي الناس هتفضل برضه تشتري كورولا وسيراتو واسترا لأن دي العربيات العادية اللي ممكن كلنا نشتريها (او بنسبة كبيرة من الشعب المصري يقدر يركب كورولا زيرو او سيراتو او استرا)
انا شايف ان كل العربيات الجديده بالذات سعرها مش هيقل بس هتلاقى منوقت للتانى عروض على العربيات وخصومات عشان تشجع الناس من فتره للتانيه بس الاكيد برضه ان شراء العربيات هيقل لان معظم اللى بيشترى دلوقتى بيشترى تقسيط ومع زيادة البنزين مفيش ميزانية بيت هتستحمل قسط وبنزين بالسعر ده ناهيك عن الصيانه الاجبارية مع التقسيط،اما العربيات القديمه واللى بتمشى ببنزين ٨٠ فاكيد سعرها هيغلى لانه بقى ارخص حاجه دلوقتى وقطاع كبير هيتجه ليه وهيبقى عليها طلب جامد لان اللى كان محوش مقدم عربيه هيروح يجيب بيه مستعمل ويحط فيه ٨٠ وهيبقى ارخص من المواصلات وطبعا ارخص من التقسيط
اللي هيتأثر فعلا العربيات اللي فوق 2000 سي سي القديم يعني انا شفت من كام يوم ليبرتي 2003 ب 105 الف فنزلت جدا بس زي ماقال الأعضاء المحترمين الجديد مش هيتأثر اوى والزمن الجاي للمواتيراللي زي tsi بتاعت فولكس ومايعادلها
لا اعتقد حدوث تغيير طالما مفيش دعم حسب السعة اللترية
العبرة باستهلاك البنزين ... محركات كتيير كبيرة و مش بتاكل بنزين زي محركات اصغر
عربية صاحبي c250 بتاكل بنزين اقل من الفيرنا
اعتقد ان المستعمل اللي اقل من ١٥٠٠ ممكن يغلي
فكرة التأثر بارتفاع سعر البنزين مش هيكون ملحوظ فى الشهور القليله القادمه ولكن هيبدأ يكون ليه تأثير على اسعار السيارات مع الخطوة التاليه من تخفيض الدعم على المحروقات
لو اخذنا السيارة كمثال لاى سلعة هنلاقي تكليفتها حاجتين :
1- تكلفه الشراء "ثمن السيارة عند شرائها"
2- تكلفة التشغيل "البنزين والصيانه والترخيص"
لو السيارات تكلفة تشغيلها انخفضت ايه الى هيحصل ؟
هيحصل ان هيكون الاقبال على الشراء أكتر واسعارها هتغلى
ولو حصل العكس تكلفة تشغيلها ارتفعت ؟
كتير من الناس هتبدأ تستخدم المواصلات لارتفاع مصاريف السيارة وبالتالى اسعار السيارات "خصوصا المستعمل هتنخفض"
الكلام ده واقع مش توقعات او تخمينات
مصر فى اوائل التمنينات البيجو 504 او الفيات 132 المستعملة ( كانو ايامها بيوازو السيراتو والكرولا واللانسر حاليا موديل 2010 مثلا الي سعرهم حاليا 90-110 الف) كان ثمنهم حوالي 4 الاف جنيه ايامها ( مكنش مبلغ ضخم وقتها ما يوازي 40 الف جنيه حاليا) يعنى تقريبا نصف الثمن
وبرغم كده كان نسبة العربيات لتعداد البشر اقل كتير من دلوقتي لان تكلفة التشغيل كانت اعلى كتير "بالنسبة لوقتها" فكانت نسبة العربيات اقل برغم ان اسعار السيارات وقتها مكنش مرتفع زي دلوقتي
وبالتالي لو تكلفة التشغيل "وعلى رأسها البنزين" ارتفعت هتقل اسعار السيارات المستعمله بشكل ملحوظ
اللى بيحرك سوق العربيات الدولار وليس اى شئ اخر
العربيات سعة لترلية قليلة هتكون مطلوبة اكتر شوية
وبعدين الامر هيرجع عادي