كل سنه وكل اعضاء نايل موتورز بخير
منفضلكم ساعدوني في اختيار الكورونه الاسرع من بين البيانات اللي انا كاتبها دي
43/11 3.9
43/10 4.3
43/9 4.7
41/10 4.1
40/9 4.4:worried:
عرض للطباعة
كل سنه وكل اعضاء نايل موتورز بخير
منفضلكم ساعدوني في اختيار الكورونه الاسرع من بين البيانات اللي انا كاتبها دي
43/11 3.9
43/10 4.3
43/9 4.7
41/10 4.1
40/9 4.4:worried:
كل سنه وكل اعضاء نايل موتورز بخير
منفضلكم ساعدوني في اختيار الكورونه الاسرع من بين البيانات اللي انا كاتبها دي
43/11
43/10
43/9
41/10
40/9
???????????????????????
الكورونا الأولى اللي نسبتها 3.9 هتديك سرعة قصوى عالية.. بس التسارع هيبقى بطيء.. ومش هتوفر معاك بنزين إلا على الطوالي بس
الكورونا التالتة اللي نسبتها 4.7 هتديك تسارع عالي وتوفير في البنزين داخل المدينة والسرعات المنخفضة... بس مش هتديك سرعة قصوى عالية.. ولو مسافر بيها هتلاقي نفسك دافع بنزين زيادة بدون الحصول على أداء..
يعني كإنك مسافر وانت ماشي على الثالث.
أنا عن نفسي ما أنصحش بتغيير الكورونا مادمت ما غيرتش الموتور أو الفتيس
وما تنساش إن تغيير الكورونا المفروض يكون معاه تغيير لمقاس الكاوتش.. وبالذات القطر الخارجي.. وده ممكن يقلل أو يزود الثبات.. على حسب ارتفاع العربية الجديد.. ده غير إن قراية العداد هتخلف وهتبقى محتاج ترس جديد للعداد.
...
الكارونا الاسرع ليست ميزه لانها تتسبب في اجهاد المحرك بسرعه لا تتعدى الاشهر او الاسابيع ففى الحالات الاتيه يتم تركيب كارونا بسرعات معينه يعنى عندك
المحرك بطئ لا تنفع الكارونا البطيئه
المحرك سريع لا تنفع الكارونا السريعه
كل محرك له عدد دوران معين لا يصح معه الا كارونه بنسب معينه مثلا كام على كام
فكلما زادت اعداد دوران المحرك كلما بطئ عدد دوران الكارونه والعكس صحيح
لو المحرك على وضعه هات الكارونه بتاعته حتى لا تدخل في دائرة فتى صنايعيه بيشتغلو بالنظريه وهذا النوع من الميكانيكيه يسحبك في دائرة مصاريف وتعديل لا حصر لها وهو لا يعلم ايضا وفى الاخر ستهدم كل ما عملت
اما لو بتعدل المحرك اصلا شوف المحرك كان شايل كارونه كام على كام ولا تزود ولا تنقص
دى دائره كبيره جدا اوعى تدخل فيها علشان انا واحد من الناس هزعل لتضررك من شىء لذا وجبت النصيحه
ويارب يوفقك لما هو الاصلح .
القصة اني معايا لادا 2105 موديل 81 انا شاريها مستعملة ولقيت فيها فتيس 5 غيار وماكينة 1500 الكورونه بتاعتي فيها ونه حبيت اغيرها وطبعا استنتجت ان تكون الكورونه اللي في العربية بطيئه عشان فبريكة لما سالت الميكانيكية وبتوع اقطع الغيار قالولي هات السريعة بس لاحظت ان مفيش ولا واح فيهم فاهم حاجه خالص كله بيفتي:worried:
الف شكر علي حرصك علي عضم اللتحاق الضرر بي
القصة اني معايا لادا 2105 موديل 81 انا شاريها مستعملة ولقيت فيها فتيس 5 غيار وماكينة 1500 الكورونه بتاعتي فيها ونه حبيت اغيرها وطبعا استنتجت ان تكون الكورونه اللي في العربية بطيئه عشان فبريكة لما سالت الميكانيكية وبتوع اقطع الغيار قالولي هات السريعة بس لاحظت ان مفيش ولا واح فيهم فاهم حاجه خالص كله بيفتي
بساطه حتى تصلك المعلومه
هتدى العربيه الاول هتحس انهاواخده التانى وثقيله فى الطلعه
انما على الغيار الاخير الخامس يعنى هتجرى كويس واسرع من المعتاد
هل تضمن ان العربيه تفضل تجرى بدون ما تهدى خالص اذا ضمنت ده ركب كارونا سريعه
اوضح شويه
عندما يقابلنا مطب خفيف يتطلب ان نخف بنزين وندوس فرامل خفيفه الى ان نتخطى المطب فالعادى اننا نسقط نقله من الخامس للرابع مثلا علشان نستعيد السرعه من تانى بعد ما دوسنا فرامل خفيفه . انت هنا بقى محتاج تسقط نقلتين او تلاته وفى الاخر لن تحصل على تجميع جيد كالمعتاد عموما ده موضوع شرحه يطول وارجو تكون الفكره وصلت
تغيير الموتور أو الفتيس المقصود بيه هنا هو تغيير الموتور بواحد تاني يكون أقوى على سبيل المثال... أو تغيير الفتيس بواحد مختلف تكون نسب التعشيق فيه مختلفة
لو كان الموتور أقوى (مثلا كان 1300 وركبنا 1500) في الحالة دي ممكن نغير الكورونا ونجيب واحدة "أسرع".. بمعنى إننا نجيب كورونا النسبة بتاعتها أقل ... يعني لو القديمة كانت 4.2 مثلا نجيب الجديدة 3.9 .
ونفس الكلام في الفتيس
طبعا اختيار النسب عملية معقدة وليها حسابات وتجارب كتير وتأثيرها جذري على الأداء واستهلاك البنزين .. فبالتالي علشان توصل لأحسن أداء أو أحسن استهلاك بنزين ممكن تكون محتاج تجرب كذا حاجة.. وده معناه إنك يكون عندك فلوس زيادة ووقت فاضي للتجربة..
ومعتقدش إن معظمنا عنده الحاجتين دول.
لو عايز تعرف إزاي الكورونة بتأثر في سرعة العربية.. اتفضل وادخل على الموضوع ده وتحديدا في المشاركة رقم 2:
http://www.nilemotors.net/Nile/329379-rpm.html
...
ربنا يكرمك ... معلومات رائعة
حضرتك بتقول ان تغيير الكارونة بيأثر على المحرك .... بمعنى ان لو الكارونة باظت ... و ركبت كارونة سريعة ... حتاثر بالسلب على المحرك ؟
لو فرضنا إن عندك فتيس 5 سرعات.... فاللي هيحصل هيبقى كإنك لغيت الغيار الأول من الفتيس وزودت غيار بعد الخامس
بمعنى إن كل الغيارات في الفتيس حتبقى أبطأ في التسارع... بس على الطوالي هتقدر تجيب سرعة أعلى بنفس عدد اللفات .
مثلا...
لو اعتبرنا إن الفتيس القديم كان بيجيب السرعة القصوى على الأول 40 .. وعلى التاني 70.. وعلى الثالث 110
بعد تركيب الكورونا السريعة ممكن يكون الوضع زي كده:
الأول 55... التاني 90... الثالث 135
حلو على الطوالي.... بس جوه البلد في الزحمة مش حاجة حلوة أبدا... لإن استجابة الموتور هتبقى أبطأ عشان الحمل بقى أكبر عليه... وكمان استهلاك الوقود هيعلى أكتر من المعتاد في كل مرة تيجي تزود سرعتك.
...
الفتيس الاربعه ده بناع المحرك ولا هتعدله
لو بتاع المحرك يبقى عادى ولو هتعدله شوف الاول هو كان راكب على محرك كام حصان وضاهى اى قارن بين محركك
المشاركه دى بقى مش كلام علمى اوى انتظر رأى الاخوه الافاضل يمكن يكون حد عنده معلومه بالقطع يفيدك اكتر. تحياتى
خويا كان ماشى على الدائرى سمع صوت خبط جامد فى أسفل العربية و فقد التحكم فيها بس كان ماشى على اليمين و ربنا ستر و عرف يوقف العربية
راح على أقرب ميكانيكى فى الحى العاشر قالوا بلية الكورونا جبها من شارع دمشق
و الميكانيكى ركبها و قلوا يزود زيت للكورونا
أخويا مشى بيها شوية سمع صوت الخبط هو هو رجع للميكانيكى تانى
قلوا عادى يا بيه امشى بيها مشوار و هى هتفك والصوت هيروح لوحده
المهم و هو مروح بيها و على الدائرى عند طريق السويس العربية كلبشت فى الارض زى ماتكون فرملت لوحدها لفت كزا لفة و فقد السيطرة عليها تماما و قف بيها و وش العربية عكس الاتجاه فى الحارة الشمال و ربنا ستر وما كنش فى عربيات على الطريق يا أما كانت هتكون كارثة
الحمد لله ربنا نجاه
بس العيب فين فى الصنايعى و لا قطعة الغيار
و لا فيه مشكلة تانية فى العربية
شكل حضرتك فاهم فقولت أستفسر