الموضوع: ابنى داخل اولى ثانوى ومحتاج رايكم

المشاركة الأصلية كتبت بواسطة aboomar22

ابنى الحمد لله داخل اولى ثانوى السنة دى (مدرسة الاورمان الثانوية ) ورحت اقدم فكان المفروض اختار اللغة الثانية ناس هناك بتقولى بلاش فرنساوى ولا المانى الايطالىي او الاسبانى لغة سهلة وامتحانتها سهلة وناس تقولى فرنساوى وناس تقول المانى المهم رجعت ومرضتش اقدم ولا اكتب رغبة لحد ما اسألكم هو خد فرنساوى من ابتدائى لانه كان مدرسة خاصة بس مكنش بيحب المادة فقلت اكيد هنا هيكون فيه راىء يساعدنى على الاختيار وبرضه عايز اعرف هو نظام اولى ثانوى هل فعلا بيقى تيرم للمواد العلمية وتيرم للمواد الادبية ولا كل المواد فى التيرمين عادى يعنى مثلا كيمياء ترم اول وكيمياء تيرم ثانى وكده ولكم جزيل الشكر

حضرتك هو الفرنساوي لحد ما سهل وأكيد هيكون بالنسباله سهل عشان خده قبل كدة بس برده حضرتك ﻻزم تسأله عشان هو لو مبيحبهوش مش هيذاكرة وخليه يختار برده وهو براحته ﻻنه هو اللي هيذاكر
اما بالنسبة للمواد فهي بتكون متقسمة كده (عربي_انجليزي_رياضة_احياء_ت� �ريخ_كمياء_دين_تريية وطنيه_لغة اجنبية تانية) دول ف ترم لوحدهم سواء الاول او التاني حسب المدرسة والترم اللي بعدة هياخد بدل الكميا والاحياء والتاريخ (فزيا_فلسفة) .. وعموما اي تساؤل أنا موجود
انا لسه طالع من اولي ثانوي

الفرنساوي لغة ماتت خلاص رغم ان في شعوب كتير ببكلمها لكن المغرب العربي لا يعلي عليهم في الفرنساوي
الالماني هو اللي ممكن يفيده مستقبلا خصوصا ان مفيش حد بيتكلمها كتير ومطلوبه في السوق

ألماني أو أسباني
لسبب بسيط، أن معظم اللي بيتكلموا فرنساوي، بيعرفوا برضوا عربي، ده غير انه الفرنساوي بدا يموت زي ما الاخ الكريم ذكر في مشاركته.
الالماني لغة سهلة ومطلوبه للعمل سواء في المانيا او بعض البلاد التانية المجاورة ليها
اما الاسباني فدي لغة منتشرة وليها مستقبل، يكفي ان في امريكا الاسباني ترتيبه بعد الانجليزي

الالمانى سهل و قواعده سهله و امتحاناته مفيش فيها لف ولا دوران