ابنى داخل اولى ثانوى ومحتاج رايكم

**aboomar22** · 07-07-2014 02:53 PM

ابنى الحمد لله داخل اولى ثانوى السنة دى (مدرسة الاورمان الثانوية ) ورحت اقدم فكان المفروض اختار اللغة الثانية ناس هناك بتقولى بلاش فرنساوى ولا المانى الايطالىي او الاسبانى لغة سهلة وامتحانتها سهلة وناس تقولى فرنساوى وناس تقول المانى المهم رجعت ومرضتش اقدم ولا اكتب رغبة لحد ما اسألكم هو خد فرنساوى من ابتدائى لانه كان مدرسة خاصة بس مكنش بيحب المادة فقلت اكيد هنا هيكون فيه راىء يساعدنى على الاختيار وبرضه عايز اعرف هو نظام اولى ثانوى هل فعلا بيقى تيرم للمواد العلمية وتيرم للمواد الادبية ولا كل المواد فى التيرمين عادى يعنى مثلا كيمياء ترم اول وكيمياء تيرم ثانى وكده ولكم جزيل الشكر

**shiko85** · 07-07-2014 03:29 PM

فرنساوى لانه خد فرنساوى من الأبتدائى فهيكون المنهج ان شاء الله سهل عليه
او الحل الأفضل حضرتك اسأله هو عايز يدرس ايه

**Amr.Fathy** · 07-07-2014 03:57 PM

فرنساوى عشان كان بيدرسه من ابتدائى

**Ladawy** · 07-07-2014 04:06 PM

كلها مشتقات اللغة اللاتينية ،،
فرنساوى علشان المعرفة المسبقة بيها

انا اول مرة درست فرنساوى كانت فى اولى ثانوى ،، على ايامنا كان جزء كبير من المنهج فى البدايات ( ارقام و تكوين الجملة .. الخ )

**hilal** · 07-07-2014 04:41 PM

بيقولوا الاسباني سهل وممكن ياخد الدرجة النهائية بسهولة

**Elawany13** · 07-07-2014 05:47 PM

فيه مواد فى أولى ثانوى بتتقسم على الترمين ... نص المدرسة بيدرسوها فى الترم الأول .وبعدين بيبدوا المواد فى الترم الثانى
أنا شايف ان الفرنساوى مادة بسيطة وامتحاناتها هايفه

**aboomar22** · 07-07-2014 06:13 PM

شكرا ياجماعة والله اى حاجة محيراني بكتبها فى المنتدي الاقى الحل على طول ربنا يخليكوا يارب

**J A G U A R** · 07-07-2014 06:15 PM

الفرنساوى سهل والالمانى اسهل منه

**YahiaAshraf** · 07-07-2014 06:16 PM

أنا لسه مخلص ثانوية عامه لما كنت فى اعدادى كنت باخد من اولى اعدادى فرنساوى بس الصراحه مكونتش بحبه ولما دخلت اولى ثانوى توكلت على الله ودخلت المانى الالمانى جميل وسهل والتعامل معاه بسهولة وكمان بتنطقه زى ما بتكتبه يعنى هى بس قواعد تعرفها و هتبقى سهله يعنى sp تنطق ش وهكذا اما الفرنساوى فنطقه غير كتابته غالبا

اصحابى اللى دخلوا فرنساوى قالولى احنا دخلنا فرنساوى علشان كنا واخدينه فى اعدادى لما عدا شهر واحنا فى اولى ثانوى كانوا بيتمنوا انهم يدخلوا المانى بس مكنش ينفع وقتها التحويل

بالنسبة كمستوى امتحانات السنه دى كل اللغات الاجنبية الثانية جت سهله والحمد لله والسنه اللى فاتت كانت سهلة برده

تحياتى

الموضوع: ابنى داخل اولى ثانوى ومحتاج رايكم

LinkBack

أدوات الموضوع

عرض

-

-

-

-

المواضيع المتشابهه

ابنى فى اولى ابتدائى عمل مصيبة وغير اسمة فى ورقة الامتحان على ورقة زميلة الاول فى فصل

ايه رايكم فى مشروع ابنى بيتك فى 6 اكتوبر الان وفى مستقبله

مشروع داخل علية ومحتاج حد يشترك معايا

داخل على عمرة ومحتاج مشورة (( بيتل 76))

داخل علي نص عمرة ومحتاج نصايحكوا

الكلمات الدلالية لهذا الموضوع

المفضلات

المفضلات

ضوابط المشاركة