الموضوع: البيكانتو 2014 مفاجأه غير سعيده بعد صيانة ال1000 و استفسار

المشاركة الأصلية كتبت بواسطة hany_maged

سلام عليكم...يا جماعه انا اشتريت كيا بيكانتو من شهر تقريبا و العربية كانت ماشيه زي الفل..رحت عملت صيانة ال 1000 في المقطم و ياريتني ما رحت...بعدها بشوية حسيت ان سحب العربية قل كتير و باحس بالنقلات (العربية اوتوماتيك) و لما اشيل رجلي من عالبنزين باحس ان فيه حاجة بتمسك العربية و ان الدركسيون تقل..رحت التوكيل بعد شويه غيرلي بوجيهات و عمل callibration للبوابات و ظبطلي الدركسيون علي europe ...المهم ان كل ده و بدون فائده ..حد عنده تفسير؟هل الزيت اللي اتحط زيت تقيل اثر في السحب؟..هل ريجلاش الفرامل عايز يتظبط؟

التوكيل بيحط شل الترا لل 10000 ومفهوش مشكلة ... اخبار البنزين ايه؟؟
ايه موضوع الدركسيون على europe

بص طبعا الله يكون فى عونك بس العربيه لو بتعمل كده بعد فتره من المشى يعنى مش من اول ما تطلع بالعربيه يبقى العربيه ديه فيها الماستر بيعلق الفرامل بعد لما يسخن وانا حصلت معايا المشكله ديه قبل كده وكان الماستر بيقفش فرامل ويكتم العربيه والدريكسيون بيغربل معاك بعد تلت او نص ساعه من المشى وعرفت انه عيب ماستر طبعا بعد عذاب مع الصنايعيه لان الفتى مفيش احسن منه والمشكله ديه اللى عرفتها انها ظهرت فى البيكانتو نفس الموديل بتاعى 2006 طلع عيب فى تصنيع الماستر نفسه شوف كده وقولى ايه الاخبار

جرب تروح لبنزينه و ترفع العربيه و تلف كل عجله بأيدك و شوف حتلف ولا لأ
, كمان الطنابير بتسخن مع المشى ولا لأ؟
تقريبا ريجلاش الفرامل عايز يتظبط

المشاركة الأصلية كتبت بواسطة hunter2010

بص طبعا الله يكون فى عونك بس العربيه لو بتعمل كده بعد فتره من المشى يعنى مش من اول ما تطلع بالعربيه يبقى العربيه ديه فيها الماستر بيعلق الفرامل بعد لما يسخن وانا حصلت معايا المشكله ديه قبل كده وكان الماستر بيقفش فرامل ويكتم العربيه والدريكسيون بيغربل معاك بعد تلت او نص ساعه من المشى وعرفت انه عيب ماستر طبعا بعد عذاب مع الصنايعيه لان الفتى مفيش احسن منه والمشكله ديه اللى عرفتها انها ظهرت فى البيكانتو نفس الموديل بتاعى 2006 طلع عيب فى تصنيع الماستر نفسه شوف كده وقولى ايه الاخبار

اشكرك علي اهتمامك بالرد لكن الحقيقه المشكلة بتحصل بمجرد طلوعي بالعربية فمتهيألي انه مش ماستر لانه ملحقش يسخن ..وللا ايه رأيك؟

المشاركة الأصلية كتبت بواسطة tmhami

جرب تروح لبنزينه و ترفع العربيه و تلف كل عجله بأيدك و شوف حتلف ولا لأ
, كمان الطنابير بتسخن مع المشى ولا لأ؟
تقريبا ريجلاش الفرامل عايز يتظبط

اولا اشكرك علي اهتمامك بالرد...غالبا انا هاعمل كده و اتمني بس اعرف ايه المشكلة و تكون بسيطة و سهل حلها ان شاء الله

المشاركة الأصلية كتبت بواسطة ENG\AHMED

التوكيل بيحط شل الترا لل 10000 ومفهوش مشكلة ... اخبار البنزين ايه؟؟
ايه موضوع الدركسيون على europe

اشكرك علي اهتمامك بالرد..ضبط الدريكسيون علي europe و بناءا علي كلام مهندس التوكيل هو ان الدريكسيون بيكون له ضبط حسب المنطقة اللي بتكون فيه العربية ..يعني فيه ضبط خاص بمنطقة اوروبا (بيكون الديريكسيون اخف نظرا لان الشوارع هناك ممهده طبعا مش زي عندنا).

المشاركة الأصلية كتبت بواسطة hany_maged

اشكرك علي اهتمامك بالرد..ضبط الدريكسيون علي europe و بناءا علي كلام مهندس التوكيل هو ان الدريكسيون بيكون له ضبط حسب المنطقة اللي بتكون فيه العربية ..يعني فيه ضبط خاص بمنطقة اوروبا (بيكون الديريكسيون اخف نظرا لان الشوارع هناك ممهده طبعا مش زي عندنا).

اول مرة اسمع موضوع الدريكسيون ده
طيب متعرفش الظبط ده بيتم ازاى؟