مراية الأوبترا ناحية السائق.....ومشكلة الأبعاد أرجو الإفادة

**mohamed_mohsen** · 13-07-2014 10:17 PM

يعني المراية الشمال المصغرة موجودة بس إستيراد؟

**mohamed_mohsen** · 13-07-2014 10:24 PM

[QUOTE=totymulder;3875661975]

المشاركة الأصلية كتبت بواسطة abou-yahia

لا فعلا الاصلي الشمال كده

اولا : انا نت بادور مع واحد صاحبي وكل اللي بيبيع يقول انه دي الاصلي لحد ما صاحبي شك اني بادور على حاجة وهمية
فا دخلنا مكان بيع استيراد في صلاح الدين وشفنا المراية الاستيراد وفيها فعلا المراية الشمال ابعاد مصغرة زي اليمين بالظبط...!!

ثانيا انا فعلا اشتريتها ابعاد مصغرة شمال ومش مرة واحدة لأ مرتين بس نادرة شوية ومحتاجة تدور.

ثالثا: المفروض اننا نكون على نفس المواصفات بتاعت بره ومعظم العربيات المحترمة المرايتين فيهم بينزلوا ابعاد مصغرة وهي مسالة تعود

رابعا: وده الاهم.. فيه اكتر من موضوع اتعملوا على حاجة اسمها (النقطة العمياء) ودي بتكون خطورتها اكتر لما تكون عربية بتعدي من جنبك وانت مش شايفها.. وبتحصل اكتر مع المراية اللي هي مش مصغرة ومش بتجيد الصورة الكاملة لجانب الطريق...
يعني باختصار مفيش اي فرق بينها وبين مراية الوش ...!!

خامسا: جرب تشوف النور بتاع اللي جنبك في المراية المصغرة بيتشتت ازاي ومش متعب لعينك مقارنتة بالمراية العادية اللي بتجمع النور في الوش وكأنها مراية مقعرة..!!

المشاركة الأصلية كتبت بواسطة totymulder

انا عندي نفس المشكلة .. اني باحب كل حاجة مظبوطة مش زي الشعب ده اي حاجة ياخدها وخلاص..
وخد بقى اشتغالات اللي بيبيع .. ويا استاذ دي دي الاصلية اللي بتنزل وكلام نفخ..
انا دورت لحد ما لاقيتها مرتين مش مرة واحدة بس في اسكندرية عند حد في سيدي بشر قرب سوق السيارات
المهم المراية بـ 50 جنيه
وكمان فيه ناس في شارع صلاح الدين بتعملها من المرايات الكبيرة بتاعت العربيات النقل والاوتوبيسات بيقطع منها بالظبط الجزء اللي ينفع يركب لعربيتك ايا كان نوعها وبتكلف برضه 50 جنيه,..
يعني كل حاجة ليها حل ومع ذلك هي فعلا موجودة بس محتاجة انك تدور شوية وبلاش تحكي كتير مع الباع لانه حافظ مش فاهم.

أخيراً لقيت واحد بيعاني نفس المشكلة
أنا بسبب المراية دي ببقي شايف العربية اللي ماشية في الحارة اللي جنبي بس ومش شايف أي حارة تانية + إنها بتقرب نور العربيات قوي وأي حاجة ماشية وراك تحس إنها لازقة فيك

**mohamed_mohsen** · 20-07-2014 05:09 PM

أنا رحت عملت مراية بالأبعاد اللي أنا عايزها ب60 جنيه (تمن كف المراية الأصلي ب65 جنيه)
عند واحد بتاع مرايات في شارع السودان وبقت الأبعاد زي الفل
أحسن من الأصلي 100 مرة
أنا قلت أرجع أرد للإفادة عشان لو حد عايز يحل الموضوع ده

**abou-yahia** · 20-07-2014 09:23 PM

المشاركة الأصلية كتبت بواسطة mohamed_mohsen

أنا رحت عملت مراية بالأبعاد اللي أنا عايزها ب60 جنيه (تمن كف المراية الأصلي ب65 جنيه)
عند واحد بتاع مرايات في شارع السودان وبقت الأبعاد زي الفل
أحسن من الأصلي 100 مرة
أنا قلت أرجع أرد للإفادة عشان لو حد عايز يحل الموضوع ده

:)

Sent from my SM-N900 using Forum Runner