مراية الأوبترا ناحية السائق.....ومشكلة الأبعاد أرجو الإفادة
السلام عليكم ورحمة الله وبركاته
أنا عندي مشكلة إن المراية الشمال أبعادها غير طبيعية (مقربة العربيات قوي وجايبة جنب العربية بس)
علي العكس المراية اليمين مظبوطة
لاحظت إن الأوبترا واللانوس فيهم نفس المشكلة أو الموضوع ده
المراية دي مالهاش حل
ماينفعش تبقي زي المراية الشمال إن الأبعاد تبقي مظبوطة وتجيب مدي أكبر للطريق وراك
ممكن تتغير أو حد غيرها قبل كده؟
يا ريت تفيدوني في الموضوع ده
المراية الشمال ابعاد موجودة
انا عندي نفس المشكلة .. اني باحب كل حاجة مظبوطة مش زي الشعب ده اي حاجة ياخدها وخلاص..
وخد بقى اشتغالات اللي بيبيع .. ويا استاذ دي دي الاصلية اللي بتنزل وكلام نفخ..
انا دورت لحد ما لاقيتها مرتين مش مرة واحدة بس في اسكندرية عند حد في سيدي بشر قرب سوق السيارات
المهم المراية بـ 50 جنيه
وكمان فيه ناس في شارع صلاح الدين بتعملها من المرايات الكبيرة بتاعت العربيات النقل والاوتوبيسات بيقطع منها بالظبط الجزء اللي ينفع يركب لعربيتك ايا كان نوعها وبتكلف برضه 50 جنيه,..
يعني كل حاجة ليها حل ومع ذلك هي فعلا موجودة بس محتاجة انك تدور شوية وبلاش تحكي كتير مع الباع لانه حافظ مش فاهم.