الموضوع: الجراج ومشكلة مع مستشارين

السلام عليكم ورحمة الله وبركاتة ورمضان كريم
الموضوع عبارة عن والدى اشترى شقة من حوالى 8 سنين وشطبناها وللاسف ما سكناش فيها
بس قعدنا فيها من سنتين
هو مشروع سكنى اسمه عمارات النيابة العامة
المهم هو عبارة عن 19 عمارة تحتهم جراجات
(المشروع كلة على عداد مياة واحد انا عارف انها معلومة مش مهمة)
المهم انا العمارة اللى انا فيها واخدة نصيتين بس الجراج صغير جدا
العمارة 6 ادوار من غير الارضى على شقتين والجراج 5 اماكن فقط
العمارة ساكن فيها7 شقق وفى شقة فى الارضى عبارة عن شركة
اول ماجيت كان عندنا عربية واحدة والحاج كان ناوى يجيب التانية بعد ما ننقل
كان الجراج فيه عربية نقل واقفة ما بتتحركش تبع الشركة(مقاولات) فى اول مكان
المكان التانى والثالث فى عربيتين بيخرجوا ويدخلوا وانا كنت بركن فى الرابعة ومحدش كان بيركن فى الخامسة
جت العربية النقل خرجت فالعربية اللى فى المكان التانى نقلت فى اول مكان رحت ركنت فى تانى مكان (المكان ده ممكن يشيل عربتيتن ورا بعض بس العربية اللى ورا مستحيل تتحرك وفى عربية واقفة قدمها)
المهم كان فى الوقت ده كان فى عربية تانية ابتدت تدخل الجراج بتاعت صاحب الشقة التانية اللى فى الارضى وكان بيركن فى اى مكان يلاقية فاضى بس الشقة مقفولة هو ساكن فى قريب
بعد كدة جبنا العربية الجديدة وحطتها فى المكان التانى وكنت بدخل بالعربية فى المكان الخامس
المهم العربية الجديدة مابتتحركش كتير تقريبا ما بتتحركش خاص المهم ابتدت عربية كمان تدخل كمان والجراج بقى زى الشطرنج كل بيتحرك ما عدا العربية الجديدة المهم الفترة دى جالى تمزق شديد جدا فى ايدى الشمال (حتى الدكتور قالى انو اتقطع) وقعدت 5 شهور ايدى بتوجعنى
المهم ابتديت اركن فى اول مكان علشان تبقى سهلة فى الدخول والخروج خصوصا العربية ما فهاش باور ستيرنج ومن هنا بقينا بنركن فى اول مكانين راحت عربية كمان دخلت الجراج
المهم راح مستشار منهم (اخر عربية دخلت الجراج ) قال هنظم الجراج قولنا تمام
قال هتاخدو انى مكان فى الاتنين قولنا التانى ورحت شايل عربيتى وقالك الشقتين بتوع الارضى ملهمش جراج علشان دول يعتبروا ادارى!
المهم ابتدى الجراج يحصل فية شطرنج تانى والعربية ثابتة فى مكانها رحت رجعت اركن تانى فى اول مكان المهم والدى سافر 4 ايام راحوا منزلنى قال ايه كاتبوا عل كل مكان اسم و كتابو اسمنا على اخر مكان والمكان اللى العربية واقفة فيه بقالها سنة و6 شهور مكتوب علية اسم مستشار تانى!
المهم انا قولتلهم الكلام ده مايلزمنيش انا عربيتى هخرجها برة الجراج العربية التانية مش هتتحرك من كانها وابويا جاى بكرة(كانو فاكرينه هيتاخر) قولولة اللى انتوا عايزينوا
المهم ابويا جه من السفر اربعاء بليل وقابله الجمعة فى الصلاه قبل مايتكلم ابويا قالوا حط نفسك مكانى تسافر يومين ترجع تلاقى المكان اللى انت راكن فية اسم واحد تانى عليه معرفش يرد المهم راح فال لابويا ادى فلوس للبواب علشان يجيب بوية يغير الاسامى!
المهم ابويا ادالو الفلوس وخرجت العربية بتاعتى وبقيت اركن فى الممر
المستشار اللى اتكتب اسمه مكنا اتصل بابويا وقالة انا كنت بركن فى المكان ده قبل مانت تتيجى بس مش مهم انا وانت واحد راح ابويا قالو كلك زوق
مهو برضوا مينفعش ابقى راكن فى اول مكانين ويتخدوا منى الاثنين مع بعض
ملحوظه (محدش كان بيركن فى الجراجات قبل ثورة يناير وفتحوا لما خافوا على العربيات )
المهم الشقة اللى فى الارضى بتاعت لوا وابنة اللى كان بيركن فى اى مكان فاضى ده ابتدى يركن فى اول مكان لما لقى الاسامى اتكتبت راح جاى راكن فى اول مكان(ده ظابط بردة من بتوع التفييم الدارك ومفيش لوح) المهم ابتدى يحصل مشاكل ويفسوا لبعض الكاوتش واللوا الكبير اتدخل وشوية مهاطرات حصلت راحوا طلبو منى انى ادخل اركن فى الجراج تانى علشان الظابط ده ميركنش!!!
علشان انا مواعيدى منتظمة(طالب جامعى)
المهم الموضوع لما اتطور راح المستشار اللى كتب الاسامى راح جايب المرور علشان يخططوا الجراجات وقالك مفيش عربية تركن فى الجراحات كلها خلصوا تخطيت ودخلت العربية مكانها
المهم حددو سعر المكان 15 الف كاش وتقسيط للعاملين فى النيابة!!!!!
راحوا السكان عملوا ورق وقدموه للنائب العام علشان يبقى التقسيط على الكل ومعرفش اتقبل ولا اترفض
اللى جاى هو المهم جدااا
من شوية البواب خبط(حتى مكناش خلصنا فطار)
قاعد يتكلم هيلوغريفى وقاللك انزل للمستشار علشان تفهم منو (انا بصرحة حسيت ان فى حاجة)
قلت لابويا انزل معاك قالى لا
طلع بيقولنا علشان هما بيقدمو فى مقر عملهم فكتب المكان اللى انا راكن فيه باسم المستشار اللى كان اتحط اسموا علية فى الاول واحنا رفضنا!!!!!!!!!!!!!!!!!!!!!!!!!!!!!!!!!!!!!!!! !!!!!
وانت قولتلة ايه يا عم الحاج ولا حاجة سبتهم ومشيت!!!!!!!!!!!!!!!!!!!!!!
لا وايه المستشار اللى يدوب لسة مخلص تشطيب شقته هياخد المكان التالت والمكان الرابع هياخدوا الدكتور اللى هو اساسا اسمه مكتوب على المكان ومفضلناش غير الخامس
طبعا اعدت ازعق مع ابويا انو ازاى ميزعقش (ده انا لو كنت واقف كان اللى فى المريخ هيجى يحوش بنا)
دلوقتى انا العربية زى مانتوا عارفين وقفة فى مكانها وقلت لابويا مش هحركها غير على جثتى قالى طب واللى اشترى قلتلة يخبط دماغة فى الحيط
انا عايزكم تفكروا معايا بصوت عال ايه اللى ممكن اعملة
اللى هايجى يكتب العقود جاى بكرة (اول يوم يجى)
ابويا كان هيقعد من الشغل علشان يشوفهم بس بما انو معاملش حاجة
فقلتلوا روح شغلك وانا اللى هنزلهم
معلومتين كده بس على السريع
الجراج على حرف u
انا مايفرقش معايا الجراج يولعوا بيه انا مش غايظنى غير الفيلم الهندى اللى عاملينوا
اسف على الاطالة ومتشكر مقدما