إن شاء الله النهاردة هستلم عربية جديدة من معرض، و أنا أول مرة أشتري عربية زيرو فمن فضلكوا عايز حد يدلني على الورق اللي أستلم بيه. شكرا.
عرض للطباعة
إن شاء الله النهاردة هستلم عربية جديدة من معرض، و أنا أول مرة أشتري عربية زيرو فمن فضلكوا عايز حد يدلني على الورق اللي أستلم بيه. شكرا.
اقرار استلام هياخدوا منك الأصل وتاخد صورة منه وتاخد العربية وتروح
بعد كده هيقابلك مندوب بالورق كله او انت تروح تستلمه من المعرض وترخص لوحدك
وربنا يوفقك ويديك خيرها ويكفيك شرها
والسلام عليكم
ألف شكر لحضرتك بس معلش أنا بسأل أصلا إيه هو "الورق كله" اللي حضرتك قايل عليه؟ و إيه لازمة إقرار الإستلام ده ليه مايدونيش الورق من اﻷول؟اقتباس:
المشاركة الأصلية كتبت بواسطة ahmedshafei777
اقرار الاستلام وانك اصبحت من تاريخه وساعته مسؤل عن تللك السياره وعن كل مايحدث منها من حوادث لاقدر الله ويثبت نوعها واللون ورقم الشاسيه والموتور وبكده يخلى المعرض مسؤليته الجنائيه عن السياره ....... اهم مافى الاوراق اللى بتتقدم للمرور جواب الافراج الجمركى وفيه الرقم المسلسل للشاسيه والموتور وكذلك المبايعه لانها تثبت ملكيتك للسياره ....والف الف مبروك .
شويه ورق كتير كدا بتوديهم المرور يتحطوا في الملف بتاع العربيه وتاخد انت الرخصه بدلهم
اول حاجه صور الحاجات دي الاول قبل ما توديها المرور محدش عارف تقوم ثوره وتتحرق الملفات دي ولا ايه
ثانيا الورق ده عباره عن المبايعه والمسلسل بتاع الشاسيه والافراج الجمركي
وكمان تأمين الرخصه لو عملته في المعرض
وسهله استلم العربيه 10 صباحا ورخصها في نفس اليوم
في الترخيص حتروح تشتري المثلث العاكس والطفايه وصندوق الاسعافات
وتروح تاخد رقم الشاسيه من واحد بيعمله بقلم رصاص ويطبع الكتابه المحفوره علي الموتور علي ورقه صغيره ويختمها
وبعدين تروح الفحص الفني وتاخد موافقه المهندس
وتاخد كل ده موافقه المهندس ورقم الشاسيه المحفور وايصال المثلث والطفايه والاسعافات وتحطه علي الورق القديم
وتدخل علي التراخيص وربنا يعينك
المفروض فى حد من المعرض بيروح معاك المرور و بيخلص الاجراءت
نصيحتي عن تجربه بلاش لانه بياخد اكراميه وكمان بيقولك ادفع اكراميات للناس في المرور ودي مجاملات في وشه هو علي حسابك ومن جيبكاقتباس:
المشاركة الأصلية كتبت بواسطة ahmed abdkarim
وبعدين الموضوع مش فتاكه ادخل اسأل وحتتعامل عاااااااااادي جدا
حتوفرلك 150 الي 200 جنيه كانوا حيروحوا في الهوا
كلامي عن تجربه
أاف شكر للجميع على مساعدتهم