عرض للطباعة
لبيك اللهم لبيك لبيك لا شريك لك لبيك ان الحمد والنعمة لك والملك لا شريك لك
اللهم ارزقنا حج بيتك الحرام اللهم امين
اللهم صل على محمد وعلى آله وصحبه أجمعين
طبعا كلنا عارفين تكلفة الحج وصلت ل 40 الف و50 الف وده صعب شويتين تلاتة علي كتير مننا
فسمعت عن الحج الاقتصادي وماما نفسها تطلع فهل حد جربه او يعرف ايه الفرق بينه وبين العادي
واضح ان مفيش حد يعرف :-(
السلام عليكم
لو حضرتك تقصدي بالحج الإقتصادي حج القرعه....أنا لا أرشحه تماما لكبار السن
فيه حج بيكون عن طريق الجمعيات و ده بيكون كويس وأسعاره معقوله "أغلي من القرعه و أرخص من السياحي"
عذرا لو الإجابه مش مفيده
ربنا يكتبلنا جميعا حج بيته الحرام و أطال الله في عمر الوالده و متعها بالصحه و العافيه
جزاكم الله خيرا و رمضان كريم
انا مقدم فى حج سياحى ب 28 الف طيران, بس المشكلة انه فيه قرعة دلوقتى على السياحى كمان, لكل شركة 80 تأشيرة من 250 , المهم انه افضل بكتير من حج القرعة بتاع الحومة
هوا الفرق فى أكتر من جانب و ممكن ترجع لشركة السياحة حتفهم منهم أكتر
بس الفرق الكبير هوا فى بعد المسافة بين الفندق و الحرم و طبعا الفرق دا مش مهم فى المدينة بس مهم جدا جدا فى مكة
كمان الإقتصادى مش بيبقى فية وجبات السياحى بيبقى فية و جبات
بيت القصيد الرفاهية يعنى لو شباب يبقى بيس ممكن يستحملوا إنما حد كبير و عايز إلى يخدمة يبقى السياحى
و برضة قارن كويس بين الشركات و خش شوف أماكن الفنادق على النت
سالت الشركة اللى رد عليا قالى مش عارف تقريبا الفرق ان الفنادق 4 نجوم
وللاسف هم مش محددين فنادق باسماءها
ماهو الاقتصادى اللى اقصده 20 الف من غير تذاكر الطيران اللى هتتحدد حسب السعر وقتها زى ما قالوا يعنى هتوصل ل 27 او 28 تقريبااقتباس:
المشاركة الأصلية كتبت بواسطة khaled_rafea
وكله بالقرعة فعلا
لان السياحى العادى يبدا من 37 من غير التذاكر