احمدوا ربنا سعر لتر البنزين 95 14 جنيه ! جنيه ينطح جنيه !*$&#

**kimokaim** · 08-07-2014 05:53 PM

أكيد مافيش حد بيدفع زيادة ولو مليم وبيكون مبسوط !

زيادة اسعار البنزين تعتبر زيادات بعيدة عن الواقع الحقيقي وممكن اي حد بيسافر برا مصر يعرف كويس الكﻻم ده

وبسبب ظروف عملي المتعلقة بالتصدير واﻻستيراد واغلب اﻻوقات بقضي فترات طويلة برا مصر توصل لشهوووور

دائما بعمل مقارنة بينا وبين البلدان الثانية وبحمد ربنا الف مرة اننا في ارخص بلد مع ان الشعب اغلبه غلبان بس الحمد لله عايشين

انا مثﻻ حاليا في تركيا وبدفع للتر البنزين 95 ﻻن مافيش 92 اصﻻ مايعادل 2 دوﻻر اي 14 جنيه مصر في اللتر !

وفي قبرص كنت بدفع لتر بنزين مايعادل دوﻻر و 70 سنت اي 12 جنيه باسعار دوﻻر البنك !

طبعا كنت بأجر العربية موديل السنة بمبلغ تافه مقارنة مع مصاريف البنزين !

المهم حاليا حشتري عربية بتركيا وربنا يكون في عوني على سعر البنزين ! ا

على فكرة الكهرباء والغاز اسعارهم اضعاف اسعار مصر يعني انبوبة البوتغاز 15 كيلو وطبعا مش ملعوب في وزنها زي عندنا سعرها 70 ليرة تركي يعني تعدي 35 دوﻻر

فاتورة الكهراء عليها ضريبة ونور الشارع ونظافة يعني بس من غير كهرباء تدفع 30 دوﻻر غصبا عنك والفاتورة لو نور بس من غيير تكييف توصل 100 دوﻻر

انا اخر 3 فواتير كل وحدة 100 دوﻻر ! وحاليا الصيف ممكن توصل 500 دوﻻر بسبب التكيفات !!!!

صحيح هما عندهم بنية تحتية وخدمات وبلدهم في تطور بس مافيش حاجة اسمها دعم وكل حاجة بسعرها الطبيعي وبلدهم ماشية وعندهم فقراء

بس شعب شغال مايعرفش حاجة اسمها قعدة على القهوة !

ربنا يكون في عون الناس كلها واﻻسعار دي حتزيد ﻻنها لسه بعيدة اوي عن السعر الحقيقي

**على طلبة** · 08-07-2014 06:01 PM

المهم الناس تلاقى تعيش عشان يقدرو يتعامله مع انخفاض الدعم

**ENG.MaRk** · 08-07-2014 06:03 PM

مفيش أحسن من بلدك ... مش عارف الناس زعلانة ليه عشان البنزين غلي

**elpasha1** · 08-07-2014 06:04 PM

متوسط دخل الفرد كام في الدول دي مقارنه بمصر
لما يكون في موظف بساخد 900 جنية من الحكومة ومتزوج وعندة عيل او اثنين يعمل اية
وبعدين هم مين محذودي الدخل اللي الحكومة اهتمت بيهم

**mahmoud.69** · 08-07-2014 06:06 PM

باشا نظام ال2 دولار عندهم ماتجيش 2 جنية ماتحسبهاش بسعر العملة بتاعتك وتاني حاجة شوف عندهم الحد الادني والحد الاقص بتاعهم كام علي سبيل المثال في المانيا

ﺍﻟﺠﻤﻴﻞ ﺗﻼ.ﻗﻲ ﺍﺣﺪ ﺍﻟﻤﺘﺨﻠﻔﻴﻦ ﺑﻴﻘﻮﻟﻚ ﻟﺘﺮ ﺍﻟﺒﻨﺰﻳﻦ ﻓﻲ ﺍﻟﻤﺎﻧﻴﺎ 1.5 ﻳﻮﺭﻭ
ﻭﺍﻥ ﺍﺳﻌﺎﺭ ﻣﺼﺮ ﺍﻟﺠﺪﻳﺪﺓ ﻻ. ﺯﺍﻟﺖ ﺭﺧﻴﺼﺔ
ﺑﺲ ﺍﻟﻤﺘﺨﻠﻒ ﺩﻩ ﻣﺎ ﻗﺎﻟﺶ ﺍﻱ ﺣﺮﻑ ﻋﻦ ﺭﻭﺍﺗﺐ ﺍﻟﻤﺎﻧﻴﺎ
ﺍﻟﻤﺎﻧﻴﺎ ﻣﻦ ﻛﺎﻡ ﻳﻮﻡ ﺍﻗﺮﺕ ﺍﻟﺤﺪ ﺍﻻ.ﺩﻧﻲ ﻟﻼ.ﺟﻮﺭ ﻭﻫﻮ 8.5 ﻳﻮﺭﻭ ﻓﻲ ﺍﻟﺴﺎﻋﺔ
ﻳﻌﻨﻲ ﻟﻮ ﺍﺷﺘﻐﻠﺖ 8 ﺳﺎﻋﺎﺕ ﺍﺩﻱ 68 ﻳﻮﺭﻭ
ﻳﻌﻨﻲ ﺑﺎﻟﻤﺼﺮﻱ ﺗﻘﺮﻳﺒﺎ 660 ﺟﻨﻴﻪ ﻓﻲ ﺍﻟﻴﻮﻡ ﻟﻮ ﺍﺷﺘﻐﻠﺖ 8 ﺳﺎﻋﺎﺕ
ﻣﻔﻴﺶ ﻣﺎﻧﻊ ﺍﻧﻚ ﺗﻄﺒﻖ ﺍﻟﺘﺠﺮﺑﺔ ﺍﻻ.ﻟﻤﺎﻧﻴﺔ ﻳﺎ ﻣﻌﻠﻢ
ﻫﺎﺕ ﺳﻌﺮ ﺍﻟﺒﻨﺰﻳﻦ ﻓﻲ ﺍﻟﻤﺎﻧﻴﺎ + ﺍﻟﺤﺪ ﺍﻻ.ﺩﻧﻲ ﻟﻼ.ﺟﻮﺭ ﻓﻲ ﺍﻟﻤﺎﻧﻴﺎ
ﻭﻣﻔﻴﺶ ﺣﺪ ﻫﻴﻌﺘﺮﺽ

تاني شيئ وعلي لسانك اسعار العربيات برة رخيصة يعني ممكن تركب بي ام دبليو برة بما يوزي 50 الف جنية مصري لكن هنا بتجبها دافع اكتر من تمنها جمرك 6 مرات انتا البلد الوحيدة لما بتروح ترخص بتدفع ضريبة سعه لترية وبتدفع ضريبة كاسيت اه والله شفت بقا

هو بس علشات جميل في عينك فا بتحللو وكمان انتا شكلك مقتدر شركة استيراد وتصدير وبتسافر وتروح وتيجي وبتفكر في 2 دولار يعني بتحسبها لي نفسك امال الي مابيشتغلش ولا لقي شغلة ولا الغلابة يعملو ايه هو قرار لايمس بي الاغنياء

**دكتور خالد** · 08-07-2014 06:12 PM

يعنى لما تقارن سعر البنزين فى مصر مع بلد تانية ... قارن متوسط الدخل برضه فى مصر مع البلد دى
يعنى مثلا فى السويد 9 دولار للجالون بس متوسط الدخل اليومي 200 دولار
اما فى المحروسة مصر 2 دولار للجالون ، متوسط دخل الفرد اليومي 5 دولار
وحسبى الله ونعم الوكيل فى اللى كان السبب واللى بيطبلوله

**mahmoud_ali** · 08-07-2014 06:14 PM

معاك ان البنزين مش بسعره العالمى بس ازاى يعنى هيخليه بسعره العالمى والناس مش لاقيه تاكل اصلا

**ARKOON** · 08-07-2014 06:16 PM

برا في نسبة وتناسب ( نسبة الدخول مقابل الاسعار )
في مصر كل حاجة عشان خاطر مااسر :) احببتي يامصر

**speranz** · 08-07-2014 06:54 PM

قبض اقل واحد فى البلد 5000
ودفعه نص مرتبه كهربا وبنزين مش هيقلك لا
بس يعرف يصرف على بيته وعياله
غير كدا متطلبش منه حاجة فوق طاقته
دا الى ماشى فى السعودية مثلا
اقل راتب للعامل البنغالي 3000 ريال
بيكونو مراعين فيه كهربا وبنزين وعيشا والى عايشنها
هنا فى مصر اغلى عليك ومزودلكش مرتبك
ولا اعاملك على انك بنى ادم اصلا

**ahmed1981** · 08-07-2014 07:01 PM

قلتلنا إحمدوا ربنا
قبل أي حاجة
الحمد لله حمداً كثيراً

الموضوع يكمل لو قلتلنا متوسط الدخل في كل دولة قلتلنا على سعر البنزين فيها

الموضوع في النهاية نسبة وتناسب بين الدخل والمصروف
إضرب لنا مثال
المدرس في تركيا دخله الشهري كام ؟

عشان نعرف نحسبها صح

ـ

الموضوع: احمدوا ربنا سعر لتر البنزين 95 14 جنيه ! جنيه ينطح جنيه !*$&#

LinkBack

أدوات الموضوع

عرض

-

-

-

-

المواضيع المتشابهه

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

معاية مقدم 10 الاف جنيه واقدر ادفع الف جنيه شهريا والمطلوب مازدا 929 موديل88او89او90

بدله حماده بعشرين جنيه ,,,,,,وبدله مبارك بمائه الف جنيه

تركيب الغاز الطبيعى بـ1000 جنيه أو بـ900 جنيه !

تسجيل زلموكه بالشهر العقارى 120 جنيه بينما اونو ب 600 جنيه

الكلمات الدلالية لهذا الموضوع

المفضلات

المفضلات

ضوابط المشاركة